Atlee Latest Tweet: "உங்களால் 1000 குடும்பங்களுக்கு நன்மை.." ஷாருக்கானுக்கு உருக்கமாக நன்றி சொன்ன அட்லீ..!

ஷாருகான் என்றும் ஒரு கிங் தான் என்றும், 30 நாட்களாக சென்னையில் படப்பிடிப்பில் கலந்து கொண்டதற்கு நன்றி என இயக்குனர் அட்லீ ட்வீட் செய்துள்ளார்.

அட்லீ பகிர்ந்த லேட்டஸ்ட் புகைப்படம்

ராஜா ராணி, மெர்சல், பிகில் போன்ற பல திரைப்படங்களை இயக்கிய அட்லீ தற்போது பாலிவுட் கிங் ஷாருகான் நடிப்பில் "ஜவான்" என பெயரிடப்பட்டுள்ள ஹிந்தி திரைப்படத்தை இயக்கி வருகிறார். ரெட் சில்லி நிறுவனத்தின் சார்பில் நடிகர் ஷாருகான் இப்படத்தை தயாரித்துள்ளார். கடந்த 30 நாட்களாக சென்னையில் நடைபெற்று வந்த இப்படத்தின் படப்பிடிப்பு தற்போது நிறைவடைந்துள்ளது. இது குறித்து நடிகர்  ஷாருகான் ஒரு ட்வீட் பகிர்ந்து இருந்தார். 

 

 

அட்லீ பிறந்தநாள் கொண்டாட்டம்:

ஜவான் திரைப்படத்தின் நடிகை நயன்தாரா மற்றும் விஜய் சேதுபதி ஒரு முக்கியமான கதாபாத்திரத்தில் நடித்துள்ளனர். மேலும் இப்படத்தில் கேமியோ ரோலில் நடித்துள்ளார் இளைய தளபதி விஜய். தெறி, மெர்சல் படங்களின் மூலம் விஜய்யும் அட்லியும் நெருங்கிய நண்பர்களாக மாறியுள்ள நிலையில், விஜய்யும் இதற்கு சம்மதம் தெரிவித்து நடித்துள்ளார். இயக்குனர் அட்லியின் பிறந்தநாள் கொண்டாட்டம் சில நாட்கள் முன்னர் நடைபெற்றது. இந்த பார்ட்டியில் நடிகர் ரஜினிகாந்த், விஜய், விஜய் சேதுபதி, நயன்தாரா, அனிருத் ரவிச்சந்திரன் கலந்து கொண்டனர். 

 

Doctor Maaran meeting Doctor Jug. The Atleeverse of Madness 🤯 https://t.co/om1EATpnqI

— Netflix India (@NetflixIndia) September 23, 2022

 

ஷாருகான் ட்வீட்:

மும்பை திரும்பியதும் நடிகர் ஷாருகான் தனது சோசியல் மீடியா மூலம் தென்னிந்திய நடிகர்களுக்கு தன்னுடைய வாழ்த்துக்களையும், அனுபவித்த அற்புதமான தருணங்களையும் பகிர்ந்து அனைவரையும் ஆச்சரியத்தில் ஆழ்த்தினார். தனது ட்விட்டர் பக்கம் மூல ஜவான் படக்குழுவினருக்கு ட்வீட் செய்து இருந்தார். அட்லீ மனைவி பிரியாவிற்கு அவரின் சிக்கன் 65க்காக நன்றி கூறினார். அந்த ட்விட்டிற்கு பதில் அளிக்கும் விதமாக தனது நன்றிகளை ட்வீட் மூலம் பகிர்ந்துள்ளார். 

 

Thank u sir it’s a honour & pleasure to have u here sir,most memorable schedule in my career,spl thanks to u for having the shoot happen in Chennai sir,1000s of family wer benefited “KING IS A KING ALWAYS”a big bow & respect to you sir love you sir❤️
See you in Mumbai soon sir❤️ https://t.co/cOeXNnXAhV

— atlee (@Atlee_dir) October 8, 2022

 

அட்லீ ட்வீட் :

"நீங்கள் சென்னை வந்து படப்பிடிப்பில் கலந்து கொண்டதற்கு மிக்க நன்றி. என்னுடைய திரை கேரியரில் இந்த 30 நாள் ஷெட்யூலை என்னால் மறக்கவே முடியாது. உங்களால் 1000 குடும்பங்கள் பயனடைந்தனர். "கிங் என்றுமே கிங்". என்றுமே உங்கள் மீது மரியாதை இருக்கும். லவ் யூ சார்! விரைவில் மும்பையில் சந்திப்போம்" என ட்வீட் செய்து இருந்தார் இயக்குனர் அட்லீ. இந்த ட்வீட் தற்போது சமூக வலைத்தளங்களில் வைரலானது. 

அனிருத் இசையமைக்கும் இப்படத்திற்கு ஒளிப்பதிவு செய்துள்ளார் ஜி.கே.விஷ்ணு.  மேலும் இப்படம் தமிழ், ஹிந்தி, தெலுங்கு, மலையாளம், , கன்னடம் என அனைத்து மொழிகளிலும் பான் இந்திய படமாக வரும் ஜூன் மாதம் 2ம் தேதி  வெளியாகவுள்ளது. பாலிவுட் சூப்பர் ஸ்டார் நடிக்கும் இப்படம் குறித்த அப்டேட்காக ரசிகர்கள் ஆவலுடன் காத்திருக்கிறார்கள்.