Atlee reunion with vijay: செஞ்சிட்டா போச்சு... விஜயுடன் இணையும் அட்லி.. வைரலாகும் ட்விட்..!

இயக்குநர் அட்லி நடிகர் விஜயுடன் மீண்டும் இணையும் வகையிலான தகவலை தனது ட்விட்டர் பக்கத்தில் குறிப்பிட்டு இருக்கிறார்.

அட்லி

இயக்குநர் அட்லி நடிகர் விஜயுடன் மீண்டும் இணையும் வகையிலான தகவலை தனது ட்விட்டர் பக்கத்தில் குறிப்பிட்டு இருக்கிறார்.

அமேசானின் அதிகாரபூர்வ ட்விட்டர் பக்கத்தில் இருந்து  “பிகில் படத்தில் இடம் பெற்ற ராயப்பன் கேரக்டரை மையப்படுத்தி ஒரு முழு படத்தை எடுத்தால் எப்படி இருக்கும் என்பதை கற்பனை செய்து பாருங்கள்”  என்று ட்விட் செய்தது. இதற்கு பதிலளித்த இயக்குநர் அட்லி, “ செஞ்சிட்டா போச்சு’ என்று ட்விட் செய்திருந்தார். இதன் மூலம் இயக்குநர் அட்லி மீண்டும் விஜயுடன் இணையப்போகிறாரா, அது விஜயின் 68 ஆவது படமாக இருக்குமா போன்ற கேள்விகளை நெட்டிசன்கள் எழிப்பி வருகின்றன.

 

Senjittaaaaa pochuuuuu….. https://t.co/sfIxMt3RZb

— atlee (@Atlee_dir) May 24, 2022

‘ராஜா ராணி’ படம் மூலம் இயக்குநராக அறிமுகமான இயக்குநர் அட்லி தமிழ் சினிமாவின் முன்னணி நடிகராக இருக்கும் விஜயை வைத்து  ‘தெறி’ படத்தை இயக்கினார். இந்தப்படம் மிகப் பெரிய வெற்றி பெற்ற நிலையில், தொடர்ந்து இந்த கூட்டணி  ‘மெர்சல்’  ‘ பிகில்’ படங்களில் இணைந்தது.

                                                                     

இதில் மெர்சல் படம் ரசிகர்கள் மத்தியில் நல்ல வரவேற்பை பெற்றாலும், பிகில் அந்தளவுக்கான வரவேற்பை பெறவில்லை. அதனைத்தொடர்ந்து நடிகர் விஜய் இயக்குநர் ‘லோகேஷ் கனகராஜ்’ இயக்கத்தில்  ‘மாஸ்டர்’ படத்தில் இணைந்தார். தற்போது தெலுங்கு இயக்குநரான வம்சி இயக்கத்தில் நடித்து வரும் விஜய், அடுத்ததாக லோகேஷ் கனகராஜ் இயக்கத்தில் நடிக்க இருப்பது கிட்டத்தட்ட உறுதியாகியுள்ளது.  

இயக்குநர் அட்லி ஹிந்தியில் நடிகர் ஷாருக்கான் நடிப்பில் உருவாகி வரும்  ‘லயன்’ படத்தை இயக்கி வருகிறார். இந்தப்படத்தில் ஷாருக்கானுக்கு ஜோடியாக நடிகை நயன்தாரா நடிப்பது குறிப்பிடத்தக்கது.