Kathar Basha OTT Release: ஓடிடியில் வெளியாகும் காதர் பாஷா என்ற முத்துராமலிங்கம் ... உற்சாகத்தில் முத்தையா ரசிகர்கள்!

ஆர்யா முதன்முறையாக கிராமத்துக் கதைக்களத்தில் இப்படத்தில் நடித்த நிலையில், முத்தையாவில் ட்ரேட் மார்க் படமாக இப்படம் வெளியாகி கலவையான விமர்சனங்களைப் பெற்றது.

ஆர்யா

'காதர் பாஷா என்ற முத்துராமலிங்கம்' திரைப்படத்தின்  ஓடிடி வெளியீட்டுத் தேதி அறிவிக்கப்பட்டுள்ளது.

இயக்குநர் முத்தையாவுடன் நடிகர் ஆர்யா முதன்முதலில் கூட்டணி வைத்த திரைப்படம் காதர் பாஷா என்ற முத்துராமலிங்கம்’. இப்படத்தில் ஹீரோயினாக சித்தி இத்னானி நடித்த நிலையில், பிரபு, பாக்யராஜ், மாஸ்டர் மகேந்திரன், பி.எஸ்.அவினாஷ், ஆடுகளம் நரேன், தமிழ், ரேணுகா எனப் பலரும் முக்கிய வேடங்களில் நடித்திருந்தனர். முக்கிய வேடங்களில் நடித்துள்ளனர்.

ஆர்யா முதன்முறையாக கிராமத்துக் கதைக்களத்தில் இப்படத்தில் நடித்த நிலையில், முத்தையாவில் ட்ரேட் மார்க் படமாக இப்படம் வெளியாகி கலவையான விமர்சனங்களைப் பெற்றது.

இந்நிலையில், இப்படத்ட்தின் ஓடிடி ரிலீஸ் தேதி அறிவிக்கப்பட்டுள்ளது. அதன்படி, ZEE5 ஓடிடி தளத்தில் இப்படம் வரும் ஜூலை 7ஆம் தேதி ரிலீஸ் ஆகிறது.

 இந்நிலையில், இப்படத்தின் ஓடிடி ரிலீஸ் பற்றி இயக்குநர் முத்தையா கூறுகையில், "காதர் பாஷா என்ற முத்துராமலிங்கம்' காதல், தியாகம், உள்ளிட்ட உணர்வுகளை ஆராயும் ஒரு உணர்ச்சிபூர்வமான கதை.  வழக்கமாக நீங்கள் பின்பற்றிவரும் மதக் கோட்பாடுகளை பார்வையாளர்கள் மாற்றியமைக்கவேண்டிய இடையறாத தேவை இப்போது இருக்கிறது.

இதை மனதில் வைத்து சமூக-மதக் கோட்பாடுகளைத் தகர்த்தெறியும் ஒரு திரைப்படமாக இதை உருவாக்கியிருக்கும் அதே வேளையில்,  பார்வையாளர்களுக்கான உணர்ச்சிகரமான அடிதடி நிறைந்த பொழுதுபோக்குச் சித்திரமாகவும் இப்படத்தை உருவாக்க நாங்கள் கடும் முயற்சி எடுத்துள்ளோம்.

பெரிய திரையில் இப்படத்தை வெற்றிப்படமாக உருவாக்க உதவியவர்களுக்கு நன்றி. மேலும் டிஜிட்டல் தளத்திலும் இந்தப் படம் மாபெரும் வரவேற்பை பெறும் என்று நான் எதிர்பார்க்கிறேன்”  எனக் கூறியுள்ளார்.