‛அச்சம் என்பது இல்லயே’ செட்டில் ஏற்பட்ட சோகம்... காயத்தில் வாடும் அருண் விஜய்!
லண்டனில் ஆக்ஷன் காட்சிகள் படமாக்கப் பட்டபோது, நடிகர் அருண் விஜய்க்கு தீவிரமான காயம் ஏற்பட்டு தசைநாரில் பாதிப்பு ஏற்பட்டதால், அவரின் ரசிகர்கள் வருத்தத்தில் உள்ளனர்.
ஸ்ரீ ஸ்ரீரடி சாய் மூவிஸ் ஸ்ரீ மற்றும் காவ்யா வழங்கும் விஜய் இயக்கத்தில், அருண் விஜய்- ஏமி ஜாக்சன்- நிமிஷா விஜயன் நடித்துவரும் 'அச்சம் என்பது இல்லயே' படத்திற்காக 3.5 கோடி மதிப்பிலான லண்டன் சிறையை 2.5 ஏக்கரில் பிரம்மாண்ட செட் அமைத்திருக்கின்றனர்
இயக்குநர் விஜய் இயக்கத்தில், நடிகர் அருண் விஜய் நடித்து வரக்கூடிய 'அச்சம் என்பது இல்லையே' படத்தின் படப்பிடிப்பு விறுவிறுப்பாக நடந்து வருகிறது. சமீபத்தில், லண்டனில் முதல் கட்டப் படப்பிடிப்பு நிறைவடைந்து அடுத்தக் கட்டப் படப்பிடிப்பு தற்போது சென்னையில் தொடங்கி இருக்கிறது. சென்னையின் பின்னி மில்ஸ் பகுதியில் 2.5 ஏக்கர் பரப்பளவில் 3.5 கோடி ரூபாய் செலவில் பிரம்மாண்டமாக லண்டன் சிறையின் பிரதியை செட் அமைத்துள்ளனர்.
ராமலிங்க மேஸ்திரி உதவியுடன் கலை இயக்குநர் சரவணன் நூற்றுக்கணக்கான வேலைப்பாடுகள் மற்றும் ஆட்களுடன் லண்டன் சிறையை மறு உருவாக்கம் செய்திருக்கிறார். அடுத்த கட்ட படப்பிடிப்பில் ஆயிரத்துக்கும் மேற்பட்ட வெளிநாட்டைச் சேர்ந்த ஜூனியர் ஆர்ட்டிஸ்ட் இதில் பங்கேற்க இருக்கின்றனர். இவர்களுடன் அருண் விஜய் பங்கேற்கக் கூடிய தீவிரமான ஆக்ஷன் காட்சிகள் படமாக்கப்பட இருக்கிறது.
”இயக்குநர் விஜய்யும் திட்டமிட்டபடி அந்த நேரத்திற்குள்ளோ அல்லது அதற்கு முன்போ மிகச்சரியாக படப்பிடிப்பை முடித்து விடக்கூடியவர். அதைப் போலவே 'அச்சம் என்பது இல்லயே' படப்பிடிப்பும் திட்டமிட்ட காலத்திற்கு முன்பாகவே முடிந்து விடும்.” என்று திட்டமிட்டபடி முதல்கட்ட படப்பிடிப்பு முடிந்ததை குறித்து தயாரிப்பாளர் அவரின் சந்தோஷத்தை வெளிபடுத்தியுள்ளார்.
லண்டனில் ஆக்ஷன் காட்சிகள் படமாக்கப் பட்டபோது, நடிகர் அருண் விஜய்க்கு தீவிரமான காயம் ஏற்பட்டு தசைநாரில் பாதிப்பு ஏற்பட்டது. உடனடியாக அறுவை சிகிச்சை செய்ய வேண்டும் என மருத்துவர்கள் வலியுறுத்தியும் இந்த இடைவேளையால் படப்பிடிப்பு பாதிக்கப்படக்கூடாது என்பதற்காக படப்பிடிப்பு முடித்ததும் சிகிச்சை என்பதில் அருண் விஜய் உறுதியாக இருந்தார். பிஸியோதெரபிஸ்ட் உதவியுடன் துன்புறுத்துகிற இந்த வலியைப் பொறுத்துக் கொண்டு படப்பிடிப்பில் பங்கேற்றார்.
View this post on Instagram
ஏமி ஜாக்சன் இந்தப் படத்தின் மூலம் கம்பேக் கொடுக்கிறார். நிமிஷா விஜயனுடன் படத்தில் முக்கிய கதாபாத்திரத்தில் ஏமி நடிக்கிறார். இப்படத்திற்கு ஜிவி பிரகாஷ்குமார் இசையமைக்க, ஸ்டண்ட் சில்வா, சண்டைகாட்சிகளை இயக்கவுள்ளார். இதற்கு முன்பாக, அருண் விஜய் நடிப்பில் வெளிவந்த யானை படம், கடும் விமர்சனங்களை எதிர்கொண்டது. வசூல் ரீதியாகவும் அப்படம் தேரவில்லை. அதற்கு பிறகு வெளிவந்த, சினம் படம் நல்ல வரவேற்பினை பெற்றது என்பது குறிப்பிடதக்கது.
தலைப்பு செய்திகள்
ட்ரெண்டிங் செய்திகள்
