AR Rahman Khatija | ''சவுண்ட் எஞ்ஜினியர் மாப்பிள்ளை'' : ஏ.ஆர். ரஹ்மான் வீட்டில் விஷேசம்! சூப்பர் அப்டேட்ஸ்..
ஏஆர் ரகுமான் - சாய்ரா பாணு தம்பதிக்கு அமீன், கதீஜா, ரெஹீமா ஆகிய ஒரு மகனும், இரு மகள்களும் உள்ளனர்.
தமிழ் சினிமாவில் இசையை அடுத்தகட்டத்துக்கு எடுத்துச் சென்றவர் ஏ.ஆர்.ரகுமான். தனக்கென தனி ஸ்டைலை உருவாக்கி அதன் பக்கம் ரசிகர்களை இழுத்துக் கொண்டவர். இவரின் இசை திறமைக்கு மணிமகுடமாய் இரு ஆஸ்கர் விருதுகள் கிடைத்தன. மொழி, எல்லைக்கடந்து இசையில் பயணப்படும் ரகுமான் வீட்டில் விரைவில் ஒரு திருமணம் நடக்கவுள்ளது. ரகுமானின் மூத்த மகளான கதீஜாவுக்கு விரைவில் திருமணம் நடைபெறவுள்ளதாம்.
ஏஆர் ரகுமான் - சாய்ரா பாணு தம்பதிக்கு அமீன், கதீஜா, ரெஹீமா ஆகிய ஒரு மகனும், இரு மகள்களும் உள்ளனர். இதில் மூத்த மகளான கதீஜாவுக்கு தற்போது நிச்சயதார்த்தம் முடிந்துள்ளது. கொரோனா கட்டுப்பாடுகளால் மிக நெருங்கிய நண்பர்கள், உறவினர்கள் மட்டுமே நிச்சயதார்த்த விழாவில் கலந்துகொண்டதாக தகவல் வெளியாகியுள்ளது.
View this post on Instagram
திருமண தேதி இதுவரை முடிவு செய்யப்படவில்லை என்றும், விரைவில் திருமணம் தொடர்பான அறிவிப்பு வெளியாகும் எனத் தெரிகிறது. இது குறித்து தன்னுடைய இன்ஸ்டா பக்கத்தில் பதிவிட்டுள்ள கதீஜா, 'ரியாஷ்தீன் ஷேக் முகமது என்பவருடன் என்னுடைய நிச்சயதார்த்த விழா டிசம்பர் 29-ஆம் தேதி இனிதாக நிறைவுற்றது. ரியாஷ்தீன் சவுண்ட் எஞ்சினியராக உள்ளார் எனக் குறிப்பிட்டுள்ளார்.
View this post on Instagram
தந்தையை போலவே இசையில் ஆர்வம் உள்ள கதீஜா பல இசை ஆல்பங்களை வெளியிட்டுள்ளார். இவர் எந்திரன் படத்தில் புதிய மனிதா பாடலை பாடியுள்ளார்.
View this post on Instagram
தலைப்பு செய்திகள்
ட்ரெண்டிங் செய்திகள்
