Amir, Pavni, Sibi : ‛துணிவு’ திரைப்படத்தில் என்ட்ரியாகும் மூன்று பிக் பாஸ் பிரபலங்கள்... விவரம் உள்ளே!

பிக் பாஸ் சீசன் 5 நிகழ்ச்சியின் பிரபலங்களான அமீர், பாவனி மற்றும் சிபி சக்கரவர்த்தி மூவரும் அஜித் குமார் நடிக்கும் "துணிவு" திரைப்படத்தில் சேரவுள்ளார் என்ற அதிகாரபூர்வமான தகவல் தற்போது வெளியாகியுள்ளது.

துணிவு

நடிகர் அஜித் நடிப்பில் உருவாகிவரும் AK 61 படத்திற்கு "துணிவு" என பெயரிடப்பட்டுள்ளது. அப்படத்தில் புதிய கதாபாத்திரங்களாக விஜய் டிவியின் ட்ரெண்டிங் ஜோடி அமீர் மற்றும் பாவனி இணையுள்ளார்கள் என்ற அறிவிப்பு தற்போது வெளியாகியுள்ளது. இவர்களோடு நடிகர் சிபி சக்கரவர்த்தியும் இணையவுள்ளார். இந்த அறிவிப்பினை பாவனி தனது ட்விட்டர் பக்கம் மூலம் ஒரு புகைப்படத்துடன் பகிர்ந்துள்ளார். 

 

டைட்டில் மற்றும் ஃபர்ஸ்ட் லுக் போஸ்டர் பெற்ற அமோக வரவேற்பு :

ஹெச். வினோத் இயக்கத்தில் போனி கபூர் தயாரிப்பில் நடிகர் அஜித் குமார் நடிக்கும் மூன்றாவது திரைப்படமான AK 61 படத்தின் டைட்டில் மற்றும் ஃபர்ஸ்ட் லுக் போஸ்டர் சமீபத்தில் தான் வெளியாகி ரசிகர்களின் அமோக வரவேற்பை பெற்றது. வங்கி கொள்ளையை மையமாக வைத்து எடுக்கப்பட்டு வரும் இதன் படப்பிடிப்பு ஹைதராபாத், பாங்காங், விசாகப்பட்டினம் உள்ளிட்ட பல இடங்களில் நடைபெற்றது. தற்போது படத்தின் இறுதிக்கட்ட படப்பிடிப்பு தாய்லாந்தில் மிகவும் மும்மரமாக நடைபெற்று வருகிறது. இந்த படத்தில் நாயகியாக பிரபல நடிகை மஞ்சு வாரியர் நடித்துள்ள நிலையில் ஜிப்ரான் இப்படத்திற்கு இசையமைக்கிறார்.

 

#BiggBoss to #Thunivu pic.twitter.com/66Ru3yPc1g

— Christopher Kanagaraj (@Chrissuccess) October 2, 2022

 

பிக் பாஸ் டு துணிவு:

இப்படத்தின் லேட்டஸ்ட் அப்டேட் ஒன்று தற்போது வெளியாகியுள்ளது. பிக் பாஸ் சீசன் 5 நிகழ்ச்சியின் பிரபலங்களான அமீர், பாவனி மற்றும் சிபி சக்கரவர்த்தி மூவரும் நடிகர் அஜித் குமார் நடிக்கும் "துணிவு" திரைப்படத்தில் சேரவுள்ளார் என்ற அதிகாரபூர்வமான தகவல் தற்போது வெளியாகியுள்ளது. அதை பாவனி தனது ட்விட்டர் பக்கத்தில் ஒரு புகைப்படத்துடன் வெளியிட்டுள்ளார். விமானத்தில் மூவரும் பயணம் செய்யும் இரண்டு நாட்கள் முன்னர் "துணிவு" படத்தின் படப்பிடிப்பில் கலந்து கொள்வதற்காக பயணம் மேற்கொள்ளும் ஒரு புகைப்படத்தை பகிர்ந்துள்ளார். அதற்கு பிக் பாஸ் டு துணிவு என கேப்ஷன் பதிவிட்டுள்ளார். சிபி சக்கரவர்த்தி ஏற்கனவே சில படங்களில் நடித்துள்ளார். "மாஸ்டர்" படத்தில் நடிகர் விஜய்யுடன் நடித்ததில் மிகவும் பிரபலமானார். அமீர் மற்றும் பாவனிக்கு இது தான் முதல் திரைப்பட வாய்ப்பு. மூவரும் நடிகர் அஜித்துடன் நடிக்க விருப்பத்தால் மிகவும் எக்சைட்மென்ட் உடன் பயணம் செய்வது அவர்களின் முகங்களிலேயே தெரிகிறது. 

 

#BiggBoss to #Thunivu pic.twitter.com/66Ru3yPc1g

— Christopher Kanagaraj (@Chrissuccess) October 2, 2022

மிக பெரிய திரை பட்டாளம் நடிக்கும் AK 61:

இப்படத்தில் சமுத்திரக்கனி, பாலா சரவணன், யோகி பாபு, ஜான் விஜய், தர்ஷன், விஜய் முத்து, பிரேம் குமார், ராமசந்திரன், சங்கர், ஜி.எம். சுந்தர், சரவணன் சுப்பையா மற்றும் பலர் என ஒரு மிக பெரிய திரை பட்டாளம் இப்படத்தில் நடித்து வருகிறது என்பது குறிப்பிடத்தக்கது.  "துணிவு" திரைப்படம் பொங்கலுக்கு வெளியாகும் என எதிர்பார்க்கப்படுகிறது. இப்படத்தினை திரையரங்குகளில் வெளியிடும் உரிமையை உதயநிதி ஸ்டாலினின் ‘ரெட் ஜெயிண்ட் மூவிஸ்’ நிறுவனம் கைப்பற்றியுள்ளது.