Alia Bhat : என் வாழ்க்கையை மாற்றிய 'ராஹா'... கியூட் குழந்தைக்கு தாயான ஆலியா பட் மனம் திறந்து பேட்டி

ரன்பீர் கபூர் - ஆலியா பட் தம்பதிக்கு குழந்தை பிறந்த பிறகு அவர்களின் வாழ்க்கையையே மாற்றிவிட்டது - மனம் திறந்து பேசிய ஆலியா பட்

ஆலியா பட் தாய்மை குறித்து ஓபன் டாக்

 

பாலிவுட் முன்னணி நடிகையான ஆலியா பட் தனது குழந்தை ராஹா பிறந்த பிறகு வாழ்க்கையே முற்றிலுமாக மாறிவிட்டதை பற்றி மனம் திறந்து பேசியுள்ளார். 

பாலிவுட்டின் மிகவும் கியூட் ஜோடிகளான ரன்பீர் கபூர் - ஆலியா பட் தம்பதியினருக்கு நவம்பர் 6ம் தேதி அழகான பெண் குழந்தை பிறந்தது. கபூர் குடும்ப வழக்கப்படி 'ஆர்' என தொடங்கும் பெயர்களை வைப்பதே அவர்களின் மரபாக இருந்து வந்துள்ளது. அதன்படி இந்த குட்டி வாரிசுக்கு 'ராஹா' என பெயர் சூட்டினார் குழந்தையின் பாட்டி நீது கபூர். 

 

மனம் திறந்த ஆலியா பட் :

குழந்தை பிறந்த பிறகு எங்களின் வாழ்க்கையே முற்றிலுமாக மாறிவிட்டது என மனம் திறந்து சமீபத்தில் ஒரு நேர்காணலில் தெரிவித்துள்ளார் நடிகை ஆலியா பட். மேலும் அவர் கூறுகையில் "தாய்மை உணர்வு என்னை மாற்றிவிட்டது. குழந்தை பிறந்து ஒரு மாதம் தான் ஆகிறது என்றாலும் இனி நான் எப்படி என்னுடைய கதாபத்திரங்களை தேர்வு செய்ய போகிறேன் என்பது எனக்கு தெரியவில்லை. நான் அதை பற்றி சிந்திக்கவும் இல்லை. ஆனால் நான் அனைத்தையும் எதிர்நோக்கும் விதமே மாறிவிட்டது" என கூறியிருந்தார் ஆலியா பட். மேலும் 'முன்பை விட நான் இப்போது மனம் திறந்துள்ளேன். என்னுடைய திரைவாழ்வில் இது எந்த அளவிற்கு தாக்கத்தை ஏற்படுத்தும் என்பது பற்றி தெரியவில்லை. இருப்பினும் எனது பயணம் எப்படி செல்ல போகிறது என்பதை மிகவும் ஆர்வமாக எதிர்நோக்குகிறேன் என்றார் ஆலியா. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Alia Bhatt 💛 (@aliaabhatt)

சிறப்பான ஆண்டு :

ஆலியா பட் திரைவாழ்க்கை மட்டுமின்றி தனிப்பட்ட வாழ்க்கையும் இந்த ஆண்டு மிகவும் சிறப்பானதாக அமைந்தது. இந்த ஆண்டு தான் தனது நீண்ட நாள் காதலரான ரன்பீர் கபூரை திருமணம் செய்து கொண்டார். நவம்பர் மாதம் குழந்தைக்கு தாயானார். மேலும் அவர் நடிப்பில் இந்த ஆண்டு நான்கு திரைப்படங்கள் வெளியாகி சூப்பர் ஹிட் திரைப்படங்களாக வெற்றிபெற்றன. சஞ்சய் லீலா பன்சாலியின் கங்குபாய் கத்தியவாடி, ராஜமௌலியின் ஆர்.ஆர்.ஆர், டார்லிங்ஸ், ரன்பீர் கபூருடன் இணைந்து பிரம்மாஸ்திரா என அடுத்தடுத்து பாக்ஸ் ஆபிஸில் வெற்றி படங்களாக அமைந்தன. ஆலியா பட் தனது சிறப்பான நடிப்பிற்காக இந்த ஆண்டு டாப் 10 இந்திய நடிகர்களின் பட்டியலில் இரண்டாவது இடத்தை பிடித்துள்ளார் என்பது குறிப்பிடத்தக்கது.