Mahindra BE6 Formula E Edition: அஜித்திற்கு பரிசாக வந்த 23 லட்சம் மதிப்புள்ள Mahindra BE6 Formula E Edition...சிறப்பம்சங்கள் இதோ!
Mahindra BE6 Formula E Edition: அண்மையில் நடிகர் அஜித் குமாருக்கு பரிசாக வழங்கப்பட்ட மகேந்திரா Mahindra BE6 Formula E Edition காரின் சிறப்பம்சங்களைப் பார்க்கலாம்
மகேந்திரா நிறுவனம் நடிகர் அஜித் குமாருக்கு தங்களது புதிய வெளியீடான Mahindra BE6 Formula E Edition மின்சார வாகனத்தை பரிசளித்து கெளரவித்தது. இதன்மூலம் அஜித்தின் சொகுசு கார்கள் பட்டியலில் மற்றொரு புதிய வரவு இணைந்துள்ளது. அஜித் பரிசாக பெற்ற இந்த காரின் ஷோ ரூம் விலை ரூ23.69 லட்சமாகும். இந்த காரின் பிற சிறப்பம்சங்களை கீழே பார்க்கலாம்
நடிகர் அஜித் குமார் கடந்த ஆண்டு முதல் மோட்டர் ஸ்போர்டில் தீவிரமாக பங்கேற்று வருகிறார். கடந்த ஆண்டு துபாயில் நடைபெற்ற 24H சீரிஸில் Porsche 992 GT3 Cup காரில் பங்கேற்று, அஜித்தின் அணி 991 பிரிவில் 3-வது இடத்தைப் பிடித்தது.பெல்ஜியத்தில் நடந்த கிரவுட்ஸ்ட்ரைக் ஸ்பா GT3 சாம்பியன்ஷிப் போட்டியின் ப்ரோ ஏ.எம். (Pro-AM) பிரிவில் பங்கேற்று, அவரது அணி முதலிடம் பிடித்து சாதனை படைத்தது. ஐரோப்பிய GT3 பந்தையத்தில் சர்வதேச நாடுகளில் நடந்த போட்டிகளில் பங்கேற்றார். தற்போது ஐக்கிய அமீரக நாடுகளில் நடந்து வரும் (Le Mans Cup) போட்டிகளில் அஜித் கலந்துகொண்டுள்ளார்.
பல வருடங்களுக்கு பின் மோட்டர் ஸ்போர் விளையாட்டிற்கு திரும்பியுள்ள அஜித்திற்கு ரசிகர்களிடமும் அவரது அணிக்கு சர்வதேச அளவில் மிகப்பெரிய அங்கீகாரம் கிடைத்துள்ளது. சந்தையில் புதிதாக வெளியாகும் பல்வேறு கார்களுக்கு அஜித்தை விளம்பரதாரராக சேர்த்துக்கொள்ள அழைப்புகள் வந்தபடி உள்ளன. அந்த வகையில் மகேந்திரா நிறுவனம் அஜித் குமாருக்கு தங்களது புதிய வெளியீடான Mahindra BE6 Formula E Edition மின்சார வாகனத்தை பரிசளித்து கெளரவித்தது. இதன் வீடியோவை மகேந்திரா நிறுவனம் தங்களது எக்ஸ் பக்கத்தில் இன்று வெளியிட்டுள்ளது.
Mahindra BE6 Formula E Edition சிறப்பம்சங்கள்
Mahindra BE6 Formula E Edition என்பது ஃபார்முலா E பந்தயக் கார்களின் (Formula E racing cars) வடிவமைப்பால் ஈர்க்கப்பட்டு, ஸ்போர்ட்டிவ் தோற்றத்துடன், மேம்பட்ட ஏரோடைனமிக்ஸ் மற்றும் தனித்துவமான காஸ்மெடிக் மாற்றங்களுடன் இந்தியாவில் அறிமுகப்படுத்தப்பட்டுள்ள ஒரு சிறப்பு எடிஷன் எலக்ட்ரிக் SUV ஆகும். இது 20-இன்ச் அலாய் வீல்கள், பிரத்யேக 'Formula E' பேட்ஜிங் மற்றும் 79kWh பேட்டரி ஆப்ஷனுடன் வருகிறது. இரட்டை 12.3-இன்ச் டிஸ்ப்ளேக்கள் (dual 12.3-inch displays), 16-ஸ்பீக்கர் ஹர்மன் கார்டன் சவுண்ட் சிஸ்டம் (16-speaker Harman Kardon sound system), மற்றும் ஃபார்முலா-E தீம் கொண்ட ஸ்டார்ட்-அப் அனிமேஷன். 6 ஏர்பேக்குகள், 360-டிகிரி கேமரா, மற்றும் 4 சக்கரங்களிலும் டிஸ்க் பிரேக்குகள். ஃபைட்டர் ஜெட் போன்ற ஸ்டார்ட்-ஸ்டாப் பட்டன் என இந்த காரில் பல சிறப்பம்சங்கள் உள்ளன. இந்தியாவில் இந்த காரின் ஷோ ரூம் விலை ரூ23.69 லட்சமாகும்.
ஏற்கனவே அஜித்திடம் ரூ9 கோடி மதிப்புள்ள Ferrari SF90, ரூ3.51 கோடி மதிப்புள்ள Porsche 911 GT3 RS, ரூ5 கோடி மதிப்புள்ள McLaren 750S, மற்றும் McLaren Senna ஆகிய சொகுசுகார்கள் உள்ளன. தற்போது இந்த பட்டியலில் Mahindra BE6 Formula E Edition இணைந்துள்ளது.
தலைப்பு செய்திகள்
ட்ரெண்டிங் செய்திகள்
