4 ஆண்டுகளுக்குப் பிறகு கம்பேக்... குரு மணிரத்னத்துக்காக! ரசிகர்களின் வாழ்த்து மழையில் ஐஸ்வர்யா ராய்!
4 ஆண்டுகளாக பாலிவுட்டில் பல படங்களையும் நிராகரித்து வந்த நடிகை ஐஸ்வர்யா ராய், தன்னை அறிமுகப்படுத்திய மணிரத்னத்தின் படம் என்பதால் இப்படத்தில் நடித்துள்ளார்.
இயக்குநர் மணிரத்னத்தின் கனவுப் படமான ‘பொன்னியின் செல்வன்’ படம் வரும் செப்டெம்பர் 30ஆம் தேதி வெளியாக உள்ள நிலையில், படத்தின் பிரம்மாண்ட இசை வெளியீட்டு விழா நேரு உள் விளையாட்டு அரங்கில் இன்று (செப்.06) நடைபெறுகிறது.
மணிரத்னத்தின் 'பொன்னியின் செல்வன்' படம் மூலம் நான்கு ஆண்டுகளுக்குப் பிறகு நடிகை ஐஸ்வர்யா ராய் மீண்டும் சினிமாவில் நடிக்க உள்ள நிலையில், அவரது ரசிகர்கள் சமூக வலைதளங்களில் வாழ்த்து தெரிவித்து வருகின்றனர்.
View this post on Instagram
கர்நாடகாவில் பிறந்து உலக அழகிப் பட்டத்தை தன் 21ஆம் வயதில் கைப்பற்றிய ஐஸ்வர்யா ராய், தமிழ் சினிமாவில் தான் முதன்முதலில் அறிமுகமானார்.
இயக்குநர் மணிரத்னத்தின் இருவர் படம் மூலம் அறிமுகமான ஐஸ்வர்யா ராயின் படங்கள் முதலில் இந்தியில் தோல்வியையே தழுவின. தொடர்ந்து சங்கரின் ஜீன்ஸ் படம் மூலம் வெற்றிப்பட நாயகியாக உருவெடுத்த ஐஸ்வர்யா ராய், ஹம் தில் தே சுக்கே சனம், தேவ்தாஸ் என இந்தியிலும் மாஸ் காட்டி முக்கிய நடிகையாக உருவெடுத்தார்.
இந்தியில் மிகப்பெரும் நடிகையாக ஐஸ்வர்யா ராய் உருவெடுத்தபோதும், திருமணத்துக்குப் பின்னும் தொடர்ந்து கோலிவுட் சினிமாவுடனான பிணைப்பை மறக்காமல் தமிழில் நடித்து வருகிறார்.
View this post on Instagram
அந்த வகையில், தன்னை அறிமுகப்படுத்திய இயக்குநர் மணிரத்னத்தின் கனவுப்படமான பொன்னியின் செல்வனில் நந்தினி எனும் முக்கியக் கதாபாத்திரத்தில் ஐஸ்வர்யா ராய் தற்போது நடித்துள்ளார்.
இந்நிலையில், 4 ஆண்டுகளாக பாலிவுட்டில் பல படங்களையும் நிராகரித்து வந்த நடிகை ஐஸ்வர்யா ராய், தன்னை அறிமுகப்படுத்திய மணிரத்னத்தின் படம் என்பதால் இப்படத்தில் நடித்துள்ளார் என்றும், குரு - சிஷ்யை பந்தம் என்றால் இப்படித்தான் இருக்க வேண்டுமென்றும் எனவும் கூறி அவரது ரசிகர்கள் ட்விட்டரில் களமாடி வருகின்றனர்.
That's why #AishwaryaRaiBachchan who is famous for rejecting big movies can't say No to Mani sir. Really a Guru-Shishya bond. She is completely right in words " Back To School " https://t.co/wsaxamZOqW
— Romeo&Romeo (@RomeoPlusRomeo) September 5, 2022
இன்று இப்படத்தின் ட்ரெய்லர் மற்றும் இசை வெளியீட்டு விழா பிரம்மாண்டமான முறையில் நடைபெற உள்ள நிலையில், முன்னதாக ட்விட்டரில் ஐஸ்வர்யா ராயின் ரசிகர்கள் வாழ்த்து மழையை பொழிந்து வருகின்றனர்.
Note: Queen of period Film is Coming #AishwaryaRaiBachchan #PonniyinSelvan pic.twitter.com/OEZgZs6yyE
— mappymood | (@Purely_vibing) September 5, 2022
இறுதியாக இந்தியில் 2018ஆம் ஆண்டு ஃபேனி கான் படத்தில் ஐஸ்வர்யா ராய் நடித்திருந்தார், தற்போது சுமார் 4 ஆண்டுகளுக்குப் பிறகு அவர் கம்பேக் கொடுக்க உள்ள நிலையில் ஐஸ்வர்யா ராயின் ரசிகர்கள் உற்சாகத்தில் ஆழ்ந்துள்ளனர்.
இந்த விழாவில் இந்திய சினிமாவின் இருபெரும் நடிகர்களான ரஜினிகாந்த், கமல்ஹாசன் இருவரும் கலந்துகொள்ள உள்ளதாக முன்னதாக அதிகாரப் பூர்வத் தகவல் வெளியாகி உள்ளது.
மேலும் கமல்ஹாசன், அனில் கபூர், ராணா டகுபதி, பிரத்விராஜ், ஜெயந்த் கைக்கினி என ஐந்து பிரபலங்களின் குரல்களில் ட்ரெய்லர் வெளியிடப்பட உள்ளது.
தலைப்பு செய்திகள்
ட்ரெண்டிங் செய்திகள்
