Vaanathaipola Serial : வானத்தைப்போல சீரியலில் இவங்களும் விலகுறாங்களா? ஆளே இல்லாத கடையில் யாருக்கு சார் டீ?
சன்டிவியில் ஒளிப்பரப்பாகிவரும் சீரியல்களில் டிஆர்பியில் நான்காவது இடத்தில் உள்ள நிலையில், திடீரென்று வானத்தைப்போல சீரியலில் நடிகர்களின் கதாபாத்திரத்தை மாற்றுவது மக்கள் மனதில் பெரும் பரபரப்பை ஏற்படுத்தியுள்ளது.
சன்டிவியின் வானத்தைப்போல சீரியலில் நடித்த நடிகர் தமன் வெளியேறிய நிலையில், தற்போது தங்கை கேரக்டரில் நடித்து வந்த நடிகை ஸ்வேதா, சரவணன் போன்ற பலர் தவிர்க்க முடியாத காரணத்தால் சீரியலில் இருந்து வெளியேறியதாக அறிவித்துள்ளது ரசிகர்களிடம் வருத்தத்தை ஏற்படுத்தியுள்ளது.
90 களில் ஆரம்பித்து தற்போது வரை ரசிகர்களை சீரியல்களின் வாயிலாக தன் வசம் ஈர்த்துள்ளது சன்டிவி. இந்த சேனலில் ஒளிப்பரப்பாகும் சீரியல்கள் என்றாலே தமிழம் மட்டுமில்லை உலகம் முழுவதும் மிகவும் பிரபலமாகியுள்ளது. அப்படி தற்போது ஒளிபரப்பாகி வரும் வானத்தைப்போல சீரியலும் டிஆர்பில் மட்டுமில்லை ரசிகர்கள் மனதிலும் முன்னிலை வகித்துள்ளது. அண்ணன் தங்கை பாசத்தை மையமாக வைத்து ஒளிப்பரப்பாகி வரும் வானத்தைப்போல சீரியல் சன்டிவியின் ப்ரைம் டைமில் ஒளிப்பரப்பாகிவருகிறது. கடந்த 2020 ஆம் ஆண்டு டிசம்பர் மாதம் தொடங்கப்பட்டநிலையில் மக்களில் நல்ல வரவேற்பைப் பெற்றுவருகிறது. குறிப்பாக அண்ணன் கேரக்டரில் நடித்த தமன், எதார்த்த பாசத்தை இதில் வெளிப்படுத்தியிருப்பார்.
இந்நிலையில் தான், கடந்த சில மாதங்களாகவே இந்த சீரியலில் நடித்து வரும் நடிகைகள் சீரியலை விட்டு விலகிவருகின்றனர். குறிப்பாக அண்ணன் கதாபாத்திரத்தில் நடித்து வந்த தமன் சீரியலில் இருந்து விலகிய நிலையில், இவருக்குப் பதிலாக யாரடி மோகினி சீரியலில் நடித்த ஸ்ரீகுமார் அண்ணன் கதாபாத்திரத்தை ஏற்று நடத்திவருகிறார். ஆனால் தமன் எதற்காக சீரியலை விட்டு விலகினார் என்பதற்கான காரணம் எதுவும் இதுவரை தெரியவில்லை.
இதுப்போன்ற சீரியலில், தற்போது தங்கை கேரக்டரில் நடித்து வந்த நடிகை ஸ்வேதா, தவிர்க்க முடியாத சில காரணங்களால் சீரியலில் இருந்து விலகுவதாக அறிவித்துள்ளார். இந்த அறிவிப்பு ரசிகர்களிடம் பெரும் பரபரப்பை ஏற்படுத்தியுள்ளது. மேலும் தற்போது துளசி கேரக்டரில், மான்யா ஆனந்த், மற்றும் சின்ராசு கேரக்டரில் நடிகர் ஸ்ரீகுமார் ஆகியோர் நடித்து வருகின்றனர். இதேப்போன்று சந்தியா கேரக்டரில், தேப்ஜனி, வெற்றி கேரக்டரில் அஸ்வந்த் திலக் நடித்து வரும் நிலையில், முக்கிய கேரக்டரில் மகாநதி சங்கர் நடித்து வரும் நிலையில், வானத்தைப் போல சீரியலில் சரவணன் கேரக்டரில் நடித்து வந்த நடிகர் ஷங்கரேஷ் குமார் தற்போது இந்த சீரியலில் இருந்து விலகியுள்ளார் என்பது குறிப்பிடத்தக்கது.
View this post on Instagram
சன்டிவியில் ஒளிப்பரப்பாகிவரும் சீரியல்களில் டிஆர்பியில் நான்காவது இடத்தில் உள்ள நிலையில், திடிரென்று வானத்தைப்போல சீரியலில் நடிகர்களின் கதாபாத்திரத்தை மாற்றுவது மக்கள் மனதில் பெரும் பரபரப்பை ஏற்படுத்தியுள்ளது. ஆனாலும் இந்த சீரியலில் முக்கிய கதாபாத்திரத்தில் நடித்து வரும் நடிகை மற்றும் நடிகைகள் ஏன் மாற்றப்படுகிறார்கள் என்பதற்கானக் காரணம் என்ன என்பது குறித்து அதிகாரப்பூர்வ அறிவிப்பு இதுவரை வெளியாகவில்லை. இதற்கான காரணம் என்னவாக இருக்கும் எனத் தெரிந்துக்கொள்வதில், ரசிகர்கள் சோசியல் மீடியாவில் பல கேள்விகளை எழுப்பிவருகின்றனர்.
தலைப்பு செய்திகள்
ட்ரெண்டிங் செய்திகள்
