Andhagan : ஏன்டா தமிழ் தெரிஞ்சுதுன்னு இருக்கு.. பத்திரிகையாளரின் கேள்விக்கு கடுப்பாகிய பிரியா ஆனந்த்
அந்த படத்தின் பத்திரிகையாளர் சந்திப்பின்போது பத்திரிகையாளரின் இரட்டை அர்த்த கேள்வியால் நடிகை பிரியா ஆனந்த் கடுப்பான வீடியோ வைரலாகி வருகிறது
அந்தகன்
பாலிவுட்டில் இயக்குனர் ஸ்ரீராம் ராகவன் இயக்கத்தில் பிளாக் பஸ்டர் சூப்பர் ஹிட் படமாக வெற்றி பெற்ற 'அந்தாதூன்' திரைப்படம் தமிழில் வி கிரியேஷன்ஸ் நிறுவனத்தின் சார்பில் கலைப்புலி.எஸ். தாணு தயாரிப்பில் 'அந்தகன்' என்ற பெயரில் ரீ மேக் செய்யப்பட்டுள்ளது. நடிகர் பிரஷாந்த் நாயகனாக நடித்திருக்கும் இப்படத்தில் நடிகை சிம்ரன், பிரியா ஆனந்த், இயக்குனர் கே.எஸ். ரவிக்குமார், வனிதா விஜயகுமார் மற்றும் பலர் முக்கிய கதாபாத்திரத்தில் நடித்துள்ளனர்.
பிரசாந்தின் தந்தை இயக்குநர் தியாகராஜன் இப்படத்தை இயக்கியுள்ளார். வரும் ஆகஸ்ட் 9 ஆம் தேதி இப்படம் திரையரங்கில் வெளியாக இருக்கிறது.
அந்தகன் படத்திற்கு நாலா திசையிலும் படு தீவிரமாக ப்ரோமோஷன்கள் நடந்து வருகின்றன. இப்படம் நடிகர் பிரசாந்திற்கு மிகப்பெரிய கம்பேக் படமாக அமையும் என்று எதிர்பார்க்கப்படுகிறது. சமீபத்திய பத்திரிகையாளர் சந்திப்பில் அந்தகன் பட நடிகை பிரியா ஆனந்திடம் தகாத முறையில் கேள்வி கேட்டதும் அதற்கு மிகவும் வருத்தத்துடன் பிரியா ஆனந்த் பதிலளித்தது சமூக வலைதளத்தில் பேசு பொருளாகி வருகிறது.
கடுப்பான பிரியா ஆனந்த்
அந்தகன் படத்தின் பத்திரிகையாளர் சந்திப்பின்போது, நடிகை பிரியா ஆனந்த், தனது ஜிம் பயிற்சியாளர் தனக்கு ஒரு பயற்சி கொடுத்ததாகவும் அதனால் தனக்கு இடுப்புவலி ஏற்பட்டதாகவும் தெரிவித்தார். அதற்கு கார்த்திக் என்கிற பத்திரிகையாளர் நடிகர் பிரசாந்திடம் பிரியா ஆனந்திற்கு இடுப்பு வலி வந்தது போலவே பிரசாந்துக்கு இடுப்பு வலி வந்ததா என்று கேள்வி கேட்டார். இதற்கு கடுப்பான பிரியா ஆனந்த் “அண்ணே நம்ம எல்லாரும் ஒரே ஊரு தான் ஏன் இந்த மாதிரி எல்லாம் கேட்குறீங்க. சில நேரங்களில் ஏன் தமிழ் தெரியும்னு இருக்கு.. இது அந்த மாதிரியான் ஒரு தருணம்“ தனது கோபத்தை கட்டுப்படுத்தியபடி பேசினார்.
பத்திரிகையாளரின் இந்த கேள்வியால் பலரும் எரிச்சல் அடைந்தனர். அந்தகன் படத்தின் இயக்குநர் தியாகராஜன் “உடற்பயிற்சி செய்தால் இடுப்புவலி வருவது வழக்கம்தான். அதை நீங்கள் தவறாக புரிந்துகொள்ள வேண்டாம்“ பதிலளித்தார். கார்த்திக் என்கிற அந்த பத்திரிகையாளரின் கேள்விக்கு சமூக வலைதளங்களில் கடுமையான கண்டனங்கள் எழுந்து வருகின்றன.
எவ்ளோ கேவலமான கேள்வி 🤮
— தோழர் ஆதி (@RjAadhi2point0) August 8, 2024
சிலநேரம் ஏன் தமிழ் தெரியும்னு இருக்கும்னு Feel பண்ணி Priya Anand சொன்னபின்னும், அசிங்கமா சிரிச்சிக்கிட்டே அதே கேள்விய கேட்கறான் தவறை உணர்ந்து மன்னிப்பு கேட்காம.
இவன மாதிரி ஆளுகள எல்லாம் இப்டி கேள்வி கேக்கறப்பவே எழுந்து போயி செருப்ப கொண்டு அடிச்சிடனும் 🤬 pic.twitter.com/LatSvPJLeT
தலைப்பு செய்திகள்
ட்ரெண்டிங் செய்திகள்
