Pooja Hegde : இந்தி நடிகரை காதலிக்கும் நடிகை பூஜா ஹெக்டே ? யார் இவர் ?

நடிகை பூஜா ஹெக்டே மற்றும் இந்தி நடிகர் ரோகன் மெஹ்ராவும் காதலித்து வருவதாக சமூக வலைதளங்களில் தகவல்கள் வேகமாக பரவி வருகின்றன

பூஜா ஹெக்டே , ரோகன் மெஹ்ரா

Source : X

பூஜா ஹெக்டே மற்றும் ரோகன் மெஹ்ரா இருவரும் காதலித்து வருவதாக கடந்த சில ஆண்டுகளாகவே கிசுகிசுக்கப்பட்ட நிலையில் அண்மையில் இருவரும் சந்தித்துக் கொண்ட நிகழ்வு மேலும் பரபரப்பை ஏற்படுத்தியுள்ளது. முன்னதாக பூஜா ஹெக்டே கிரிக்கெட் வீரர் ஒருவரை காதலித்து வருவதாக கூறப்பட்டது போல இதுவும் வதந்தியாக இருக்க வாய்ப்புகள் உள்ளன. 

மிஸ்கினின் முகமூடி படத்தின் மூலம் தமிழ் சினிமாவில் அறிமுகமானவர் பூஜா ஹெக்டே. கர்நாடகாவைச் சேர்ந்த  நடிகை  பூஜா ஹெக்டே தமிழ் , தெலுங்கு , இந்தி  ஆகிய மொழிகளில் ரசிகர்களால் கொண்டாடப்படுகிறார். விஜயின் கடைசி படமான ஜனநாயகன் படத்தில் நாயகியாக நடித்துள்ளார் . தற்போதியில் வருன் தவான் உடன் 'ஹே ஹவானி தோ இஷ்க் ஹே' (இளமை இருந்தால் காதல் இருக்கும்) படத்தில் நடிக்கிறார். இந்த படம் வரும் மே 22 ஆம் தேதி திரையரங்குகளில் வெளியாக இருக்கிறது. இதனிடையில் பூஜா ஹெக்டே குறித்த காதல் கிசுகிசு ஒன்று கிளம்பியுள்ளது 

இந்தி நடிகருன் டேட் ?

நடிகை பூஜா ஹெக்டே மற்றும் இந்தி நடிகர் ரோகன் மெஹ்ராவும் டேட் செய்து வருவதாக கடந்த சில ஆண்டுகளாகவே தகவல்கள் வெளியாகி வருகின்றன. ரோகன் மெஹ்ரா மறைந்த பிரபல இந்தி நடிகர் வினோத் மெஹ்ராவின் மகன் ஆவார். இவர் 2018 ஆம் ஆண்டு வெளியான பாஜார் படத்தின் மூலம் நடிகராக அறிமுகமானார். பூஜா மற்றும் ரோகன்  இருவரும் ஒன்றாக சேர்ந்து காரில் சுற்றுவது , ரோகனின் குடும்பத்துடன் பூஜா நேரம் செலவிடுவது என பலமுறை இருவரும் இணைந்து காணப்பட்டுள்ளார்கள். தங்களைப் பற்றிய காதல் கிசுகிசுக்களுக்கு இருவரும் வெளிப்படையாக பதிலளித்ததில்லை. ரோகன் முன்னதாக நடிகை தாரா சுதாரியாவை காதலித்து பின் அவரை பிரிந்தார். அதே போல் நடிகை பூஜா ஹெக்டே முன்னதாக கிரிக்கெட் வீரர் ஒருவரை காதலித்து வருவதாக தகவல்கள் வெளியாகியிருந்தன. இதுகுறித்து அவர் அதிகாரப்பூர்வமாக எந்த வித விளக்கமும் தெரிவிக்கவில்லை. தற்போது மீண்டும் ஒரு முறை இருவரும் சந்தித்துக்கொண்டு எடுத்துக்கொண்ட செல்ஃபீ சமூக வலைதளத்தில் வைரலாகி வருகின்ற. சில இணையதளங்கள் இருவரும் காதலிப்பதை உறுதி செய்து செய்தி வெளியிட்டுள்ளன. தென் இந்திய ரசிகர்களால் அதிகம் கொண்டாடப்படும் பூஜா ஹெக்டே இந்தி நடிகரை காதலிப்பது தெரிந்த அவரது ரசிகர்கள் கொஞ்சம் அதிருப்திக்கு உள்ளாகியுள்ளார்கள் என்றுதான் சொல்ல வேண்டும் .