Losliya : ”நெகட்டிவ் கமெண்ட்ஸ் பண்ணுறீங்களா.. இந்தாங்க" : அசரவைத்த லாஸ்லியாவின் பதில்..
லாஸ்லியா சமூக வலைத்தளங்களில் செம ஆக்டிவ். அவ்வப்போது இவரை குறித்து சில நெகட்டிவ் கமெண்ட்ஸ்களை பார்க்க முடிகிறது.
லாஸ்லியா :
பிக்பாஸ் நிகழ்ச்சியில் பங்கேற்ற இலங்கை செய்தி வாசிப்பாளர் லாஸ்லியா, அந்த சீசனில் அதிக கவனம் பெற்றார். கவினுடன் காதல், கண்டித்த தந்தை, சேரனின் பாசம் என நிகழச்சியை சுவாரஸ்யமாக்கியதில் லாஸ்லியாவுக்கு முக்கிய பங்குண்டு. இந்நிலையில், பிக்பாஸ் நிகழ்ச்சியை முடித்து வெளியே வந்து வாய்ப்புகளை பெறும் வெகு சிலரில், லாஸ்லியாவும் ஒருவராகிவிட்டார். ஜான்பால், ஷாம் சூர்யா இணைந்து இயக்கம் பிரண்ட்ஷிப் படத்தில் படத்தில் நாயகியாக நடித்திருந்தார். அதன் பிறகு கே.எஸ்.ரவிக்குமார் , தர்ஷன் உள்ளிட்டோருடன் இணைந்து நடித்த கூகுள் குட்டப்பா திரைப்படத்திலும் நடித்திருந்தார். தற்போது ஃபோட்டோ ஷூட் , ஆல்பம் பாடல்களில் நடிப்பதிலும் கவனம் செலுத்தி வருகிறார்.
View this post on Instagram
நெகட்டிவ் கமெண்ட்ஸ்களுக்கு பதிலடி :
லாஸ்லியா சமூக வலைத்தளங்களில் செம ஆக்டிவ். அவ்வபோது இவரை குறித்து சில நெகட்டிவ் கமெண்ட்ஸ்களை பார்க்க முடிகிறது. இதற்கு பதிலளித்த லாஸ்லியா “முன்பெல்லாம் எனது குடும்பத்தை பற்றிதான் அதிகம் யோசிப்பேன். சில காலங்களுக்கு பிறகு அவர்கள் எனக்கு ஆதரவளிக்க ஆரமித்துவிட்டார்கள் . அதன் பிறகு எனக்கு வரும் நெகட்டிவ் கமெண்ட்ஸ்களை நான் கண்டுகொள்வதே கிடையாது. மற்றவர்களுக்காக நான் வாழ முடியாது. எனக்கு என்ன தோணுதோ அதைத்தான் நான் பண்ண முடியும். பிறர் நம்மை கணித்தால் , அவர்களை போல நாம் ஆக முடியாது. எப்போதுமே பாஸிட்டிவிட்டிதான். “ என்றால் லாஸ்லியா.
View this post on Instagram
உடல் எடையை குறைக்க இதுதான் காரணம் :
நேர்காணல் ஒன்றில் பேசிய லாஸ்லியா தான் உடல் எடையை குறைத்தது ஏன் என்பது குறித்தும் பேசியுள்ளார். அதில், எனக்கு உடல் ஆரோக்கியத்தில் சில சிக்கல் இருந்தது. அதனால் உடல் எடையை குறைக்க வேண்டிய நிலை. முன்பெல்லாம் நான் ஒல்லிதான். பிக்பாஸ் வந்த பிறகே நான் குண்டாக ஆனேன். அதனால் மீண்டும் எடையைக் குறைத்து பழைய நிலைக்கு திரும்பினேன். இதுமட்டுமின்றி சினிமாதான் அடுத்த இலக்கு என்றாகிவிட்டது. அதற்கு தயாராகவே இப்படி உடல் எடையைக் குறைத்தேன். எல்லாமும் காரணம்தான்” என்றார்.
தலைப்பு செய்திகள்
ட்ரெண்டிங் செய்திகள்
