Watch Video: பாக்கும்போதே தல சுத்துதே.. வெறித்தனமான ஒர்க்-அவுட்டால் கணவர் சூர்யாவுக்கு சவால் விடும் ஜோதிகா!
Jyothika: தமிழ், மலையாளம், இந்தி என ஒரு ரவுண்டு வர தன்னை மெருகேற்றி முழுவீச்சில் தயாராகி வருகிறார் ஜோதிகா.
பாலிவுட்டில் கம்பேக் தரும் நடிகை ஜோதிகா (Jyothika) வெறித்தனமாக ஒர்க் அவுட் செய்யும் வீடியோ வெளியாகி லைக்ஸ் அள்ளி வருகிறது.
செலக்டிவ் படங்கள்
வரும் மார்ச் 8ஆம் தேதி வெளியாகும் ஷைத்தான் திரைப்படம் மூலம் பாலிவுட் சினிமாவில் நடிகை ஜோதிகா மீண்டும் கம்பேக் தர உள்ளார். நடிகர் சூர்யாவை திருமணம் செய்து தமிழ்நாட்டு மருமகளாக செட்டிலான பிரபல நடிகை ஜோதிகா, தற்போது தன் குழந்தைகள் வளர்ந்தவுடன் மீண்டும் திரைப்படங்களில் நடிக்க ஆர்வம் காண்பித்து வருகிறார்.
முன்னதாக சென்ற ஆண்டு மலையாளத்தில் நடிகர் மம்மூட்டியுடன் இணைந்து நடிகை ஜோதிகா நடித்த காதல் தி கோர் திரைப்படம் நல்ல வரவேற்பைப் பெற்று மொழி தாண்டி ரசிகர்களை ஈர்த்தது. இறுதியாக தமிழில் சென்ற 2021ஆம் ஆண்டு சசிகுமார் உடன் இணைந்து உடன்பிறப்பே படத்தில் நடித்திருந்தார் ஜோதிகா.
ஷைத்தான் திரைப்படம்
தற்போது அனைத்து மொழிகளிலும் தேர்ந்தெடுத்த திரைப்படங்களில் நடித்து வரும் ஜோதிகா இந்தியில் மாதவன், அஜய் தேவ்கன் உடன் இணைந்து நடித்துள்ள ஷைத்தான் திரைப்படம், நாளை மறுநாள் மார்ச் 8ஆம் தேதி திரையரங்குகளில் வெளியாக உள்ளது.
காதலுக்கு மரியாதை திரைப்படத்தின் இந்தி பதிப்பான “டோலி சஜா கி ரக்னா” எனும் பாலிவுட் திரைப்படத்தின் மூலம் இந்தியில் அறிமுக நாயகியாக நடித்த ஜோதிகா, தற்போது பல ஆண்டுகளுக்குப் பின் இந்தியில் கம்பேக் தருவது அவரது இந்தி ரசிகர்களை உற்சாகத்தில் ஆழ்த்தியுள்ளது.
தலை சுத்த வைக்கும் ஒர்க்- அவுட்
தொடர்ந்து தமிழ், மலையாளம், இந்தி என ஒரு ரவுண்டு வர தன்னை மெருகேற்றி முழுவீச்சில் தயாராகி வருகிறார் ஜோ. அந்த வகையில் வெறித்தனமாக ஜிம்மில் தன் ட்ரெய்னருடன் இணைந்து தான் ஒர்க் அவுட் செய்யும் வீடியோ ஒன்றினை ஜோதிகா பகிர்ந்துள்ளார். மேலும் “ஃபிட்னஸ் என்பது உடல் எடையை இழப்பது சம்பந்தப்பட்டது அல்ல, நீங்கள் சம்பாதிக்கும் வாழ்க்கை சம்பதப்பட்டது” என இந்த வீடியோவுடன் பகிர்ந்துள்ளனர்.
View this post on Instagram
இந்த வீடியோவுக்கு நடிகை ராதிகா, நடன இயக்குநர் பிருந்தா உள்ளிட்ட பலரும் கமெண்டுகள் வழங்கியுள்ள நிலையில், இணையத்தில் இந்த வீடியோ லைக்ஸ் அள்ளி வருகிறது.
அமானுஷ்யம் - ஹாரர் கலந்து திகிலில் உறையவைக்கும் வகையில் முன்னதாக ஷைத்தான் திரைப்படத்தின் ட்ரெய்லர் வெளியாகி ரசிகர்களை பயத்தில் உறையவைத்தது. மாதவன் இப்படத்தில் மாந்திரீக சக்தி படைத்த ஷைத்தானாக நடித்துள்ள நிலையில், அவரின்பிடியில் சிக்கித் தவிக்கும் பெண்ணின் தாயாக ஜோதிகா மாறுபட்ட கதாபாத்திரத்தில் நடித்துள்ளார்.
தலைப்பு செய்திகள்
ட்ரெண்டிங் செய்திகள்
