Viduthalai: "விடுதலை 2"க்காக தந்தை விஜய் சேதுபதியுடன் நடிக்கும் மகன் சூர்யா சேதுபதி..! ரசிகர்கள் எதிர்பார்ப்பு..!

விடுதலைப் படட்த்தின் இரண்டாம் பாகத்தில் நடிகர் விஜய் சேதுபதியின் மகனான சூர்யா சேதுபதி நடிக்க இருப்பதாக தகவல் வெளியாகியுள்ளது.

விஜய் சேதுபதி,, சூர்யா சேதுபதி.image source: twitter

வெற்றிமாறன் இயக்கத்தில் விஜய் சேதுபதி நடிப்பில் உருவாகி வரும் விடுதலைத் திரைப்படத்தின் இரண்டாம் பாகத்தில் முக்கிய கதாபாத்திரன் ஒன்றில் விஜய் சேதுபதியின் மகனான சூர்யா சேதுபதி நடிக்க இருப்பதாக தகவல் வெளியாகியுள்ளது.

வெற்றிமாறனின் விடுதலை:

விடுதலைத் திரைப்படம் கடந்த மார்ச் மாதம் திரையரங்குகளில் வெளியானது. சூரி,விஜய் சேதுபதி, பவானி ஷ்ரி, சேதன் ஆகியவர்கள் இந்தப் படத்தில் நடித்திருந்தார்கள். சூரி இந்தப் படத்தில் முதல்முறையாக கதாநாயகனாக அறிமுகமானார்.எழுத்தாளர் ஜெயமோகனின் கதை ஒன்றினை மையமாக கொண்டு எடுக்கப்பட்ட விடுதலைத் திரைப்படம் ரசிகர்களிடையே பெறும் வரவேற்பைப் பெற்றது. முதல் பாகத்தில் சூரி கதையின் மையக் கதாபாத்திரமாக இருந்தார் இதனால் விஜய் சேதுபதி ரசிகர்களுக்கு ஒரு சின்ன வருத்தம் இருக்கதான் செய்கிறது.

விஜய்சேதுபதி நடித்துள்ள பெரும்பாலான காட்சிகள் விடுதலைப் படத்தின் இரண்டாம் பாகத்தில் இடம்பெற்றிருக்கிறது. இதனால் விடுதலைப் படத்தின் இரண்டாம் பாகத்தினை பெறும் ஆர்வத்துடன் எதிர்பார்த்து வருகிறார்கள் விஜய் சேதுபதியின் ரசிகர்கள். தற்போது விடுதலைப் இரண்டாம் பாகத்தில் விஜய் சேதுபதியின் மகனான சூர்யா சேதுபதி நடிக்க இருப்பதாக தகவல் வெளியாகி உள்ளது. படத்தில் ஒரு முக்கியமான கதாபாத்திரமாக இது இருக்கும் என எதிர்பார்க்கப் படுகிறது.இதனால் விஜய் சேதுபதியின் ரசிகர்கள் இரட்டிப்பு சந்தோஷத்தில் உள்ளார்கள்.

விஜய் சேதுபதி மகன்:

நடிகர்  விஜய் சேதுபதியின் மகன் சூர்யா சேதுபதி. தந்தையும் மகனுமான இவர்கள் இருவர் திரையில் இணைவது இது முதல் முறை அல்ல. ஏற்கனவே  விஜய் சேதுபதி நயன்தாரா நடித்த நானும் ரவுடிதான் திரைப்படத்தில் விஜய் சேதுபதியின் சிறிய வயது கதாபாத்திரத்தில் நடித்திருந்தார் சூர்யா சேதுபதி. இதற்கடுத்ததாக இயக்குனர் அருன் இயக்கிய சிந்துபாத் திரைப்படத்தில் இருவரும் இணைந்து நடித்தனர்.ஆனால் எதிர்பார்த்த அளவிற்கு இந்தப் படம் வெற்றிபெறவில்லை. தற்ப்போது மூன்றாவது முறையாக இவர்கள் வெற்றிமாறனின் படத்தில் இணைய இருக்கிறார்கள். இந்த முறை இவர்கள் இருவரும் நிச்சயம் சேர்ந்து கலக்குவார்கள் என எதிர்பார்க்கப் படுகிறது.

விடுதலைத் திரைப்படம் கடந்த வாரம் ஜீ ஃபைவில் வெளியானது.வெளியான மிகக் குறைவான நேரத்திலேயே கிட்டதட்ட 50 மில்லியன் ஸ்ட்ரிமீங் மினிட்ஸைக் கடந்துள்ளது இந்தப் படம்.விடுதலை  இரண்டாம் பாகம் இந்த ஆண்டின் இறுதியில் வெளியாகும் என எதிர்பார்க்கப் படுகிறது.

வாடிவாசல்:

இயக்குனர் வெற்றிமாறன் விடுதலை இரண்டாம் பாகம்  மட்டுமில்லாமல் தற்போது சூர்யா நடிக்கும் வாடிவாசல் திரைப்படத்தையும் இயக்கி வருகிறார்.வாடிவாசல் திரைப்படத்தின் கிராஃபிக்ஸ் வேலைகளுக்காக அண்மையில் லண்டன் சென்று திரும்பியுள்ளார் வெற்றிமாறன்.வாடிவாசல் பத்தின் கிராஃபிக்ஸ் காட்சிகளை ஹாலிவுட் திரைப்படமான அவதார் திரைப்படத்தில் வேலை செய்த தொழில்நுட்பக் கலைஞர்களைக் கொண்டு செய்ய இருப்பதாக தகவல் வெளியாகியிருந்தது.சூர்யா மற்றும் விஜய் சேதுபதி ரசிகர்களுக்கு இந்த ஆண்டு சிறப்பான சம்பவங்கள் காத்திருக்கின்றன