Suriya: ஓங்கி அடிச்சா ரூபாய் 100 கோடி வசூல்டா.. ஹாட்ரிக் ஹிட்டால் ஹாப்பி மோடில் சூர்யா! சிங்கம் களமிறங்கிடுச்சே!

கருப்பு, விஸ்வநாத் அன் சன்ஸ் மற்றும் சீன் ஆகிய 3 படங்களும் தொடர்ந்து வெற்றி பெற்றுள்ள நிலையில், சூர்யா ரசிகர்கள் மகிழ்ச்சி அடைந்துள்ளனர்.

சீன் திரைப்படத்தில் சூர்யா

Source : twitter

தமிழ் திரையுலகின் உச்சநட்சத்திரமாக உலா வருபவர் நடிகர் சூர்யா. இவர் நடிப்பில் தீபாவளி விருந்தாக வெளியான திரைப்படம் சீன். 

150 கோடி வசூல்:

த்ரிஷ்யம் படத்தை இயக்கிய ஜீது மாதவன் இந்த படத்தை இயக்கியுள்ளார். படம் வெளியானது முதலே தொடர்ந்து நல்ல வரவேற்பை இந்த படம் ரசிகர்கள் மத்தியில் பெற்று வந்தது. படம் வெளியாகிய 4 நாட்களில் சீன் உலகெங்கும் ரூபாய் 149.50 கோடி வசூலை எட்டியுள்ளது. 

4வது நாளான நேற்று மட்டும் சீன் படத்தை திரையரங்குகளில் தோராயமாக 15 லட்சத்து 78 ஆயிரத்து 355 பேர் கண்டு ரசித்துள்ளனர். தீபாவளி பண்டிகைக்கான கடைசி நாள் விடுமுறை நேற்று என்பதால் ரசிகர்கள் அதிகளவு திரையரங்குகளில் கூட்டமாக காணப்பட்டனர்.

உச்சத்தில் இருந்த சூர்யா:

நடிகர் சூர்யா 2000 காலகட்டத்திற்கு பிறகு ஏறுமுகத்திலே இருந்தார். கஜினி, ஆறு, வேல், சில்லுனு ஒரு காதல், வாரணம் ஆயிரம், அயன், ஆதவன், சிங்கம், சிங்கம் 2 என்று சூர்யாவின் மார்க்கெட் விஜய், அஜித்தை மிஞ்சும் அளவிற்கு இருந்தது. அஞ்சான் பட தோல்வி அவரது திரை வாழ்வில் மிகப்பெரிய சறுக்கலை உண்டாக்கியது.

அதன்பின்னர் அவர் தொடர்ந்து நடித்தாலும் பழைய வெற்றியை அவரால் கொடுக்க இயலாமலே இருந்தது. சூரரைப் போற்று, ஜெய் பீம் பிரம்மாண்ட வெற்றி பெற்றாலும் அந்த இரு படமும் ஓடிடி தளத்தில் வெளியானதால் திரையரங்கில் அவரால் மீண்டும் பழைய ராஜாங்கத்தை நடத்த இயலாமல் இருந்தது.

ஹாட்ரிக் ஹிட்டால் ஹாப்பி:

ஆனால், இந்தாண்டு வெளியான கருப்பு படம் சூர்யாவின் பழைய மாஸை மீண்டும் கொண்டு வந்தது. ரூபாய் 100 கோடிக்கும் மேல் வசூல் மழையை அந்த படம் கொண்டு வந்த நிலையில், அடுத்து வந்த விஸ்வநாத் அன் சன்ஸ் படமும் ரூபாய் 100 கோடிக்கும் மேல் வசூலைக் குவித்தது. இந்த நிலையில், இந்த படமும் ரூபாய் 150 கோடி வசூலைக் குவித்த நிலையில், சூர்யா ரசிகர்கள் மகிழ்ச்சியில் உள்ளனர்.

சுமார் 30 கோடி அளவிலான பட்ஜெட்டில் உருவான இந்த படம் அதை விட 5 மடங்கு லாபத்தை அளித்துள்ளது. இந்த படத்தை சூர்யாவின் 2டி என்டர்டெயின்மென்ட்ஸ் நிறுவனமே தயாரித்துள்ளது. 

பழைய ஃபார்முக்கு வரும் சூர்யா:

விஜய்யும் திரையுலகை விட்டு விலகி முதலமைச்சராக பொறுப்பேற்றுள்ள நிலையில், அஜித்தும் கார் பந்தயங்களில் கவனம் செலுத்தி வருவதால் அவ்வப்போது மட்டும் நடிப்பதாலும் ஒரு வெற்றிடம் இருப்பதாகவே பலரும் கருதினர். ஹாட்ரிக் ஹிட் மூலமாக சூர்யா அந்த இடத்தை அலங்கரிப்பார் என்றே தயாரிப்பாளர்கள் பலரும் கருதுகின்றனர்.

மேலும், சூர்யாவின் அடுத்தடுத்த படங்கள் மீது மீண்டும் பழைய எதிர்பார்ப்பு உருவாகியுள்ளது. மேலும், அயன், சிங்கம், கருப்பு போன்று ஆக்ஷன் படங்களை அடுத்தடுத்து கொடுத்து தனது பழைய ஃபார்முக்கு திரும்ப சூர்யாவும் திட்டமிட்டுள்ளார்.