Soori: ரசிகர்களே! சூரியின் கொட்டுக்காளி எப்போது ரிலீஸ்? அதிகாரப்பூர்வ அறிவிப்பு

நடிகர் சூரி நடிப்பில் உருவாகியுள்ள கொட்டுக்காளி திரைப்படம் வரும் ஆகஸ்ட் 23ம் தேதி வெளியாகும் என்று படக்குழு தெரிவித்துள்ளது.

கொட்டுக்காளி திரைப்படம்

Source : twitter

தமிழ் திரையுலகின் காமெடி நடிகராக இருந்து கதாநாயகனாக உயர்ந்திருப்புவர் நடிகர் சூரி. ரஜினிகாந்த், விஜய், அஜித், சிவகார்த்திகேயன், ஜெயம் ரவி, சிம்பு தமிழ் சினிமாவின் பிரபலங்களுடன் காமெடி நடிகராக நடித்து தமிழ் சினிமாவின் முன்னணி நடிகராக உயர்ந்தவர் சூரி.

கொட்டுக்காளி:

இவர் பிரபல இயக்குனர் வெற்றிமாறனின் விடுதலை படம் மூலமாக கதையின் நாயனாக அறிமுகமானார். அதன்பின்பு, கதைக்கு முக்கியத்துவம் வாய்ந்த படங்களில் நடித்து வருகிறார். விடுதலை படத்திற்கு பிறகு அவர் நடிப்பில் வெளியான கருடன் படம் திரையரங்கில் வெற்றி பெற்றது.

விடுதலை படத்தின்போதே அவர் கொட்டுக்காளி என்ற படத்தில் நாயகனாக நடிக்க ஒப்புதல் ஆனார். பி.எஸ்.வினோத் ராஜ் இயக்கியுள்ள இந்த படம் வெளிநாட்டு திரைப்பட விழாக்களில் கலந்து கொண்டு பல விருதுகளை குவித்து வருகிறது. இந்த படம் எப்போது வெளியாகும்? என்று காத்திருந்த ரசிகர்களுக்கு தற்போது இனிப்பான செய்தி வெளியாகியுள்ளது.

ரிலீஸ் எப்போது?

After all the accolades and appreciation from film festivals across the world, we are now bringing it to our audience. #Kottukkaali will be releasing in theatres on August 23.#KottukkaaliFromAug23@Siva_Kartikeyan @KalaiArasu_ @sooriofficial @PsVinothraj @benanna_love… pic.twitter.com/F0cHJgI149

— Sivakarthikeyan Productions (@SKProdOffl) July 23, 2024

சூரியின் கதாநாயகனாக நடித்துள்ள கொட்டுக்காளி திரைப்படம் வரும் ஆகஸ்ட் 23ம் தேதி வெளியாகும் என்று படக்குழு அறிவித்துள்ளது. கிராமிய பின்னணியில் உருவாகியுள்ள இந்த படத்தில் சூரி வலுவான கதாபாத்திரத்தில் நடித்திருப்பதாக தகவல் வெளியாகியுள்ளது. இந்த படத்தை பிரபல நடிகர் சிவகார்த்திகேயன் தயாரித்துள்ளார்.

இந்த படத்தில் சூரியுடன் நடிகை அன்னா பென், ஜவஹர் சக்தி ஆகியோர் முக்கிய கதாபாத்திரத்தில் நடித்துள்ளனர். விடுதலை படத்திற்கு கனமான கதாபாத்திரங்களை கொண்ட படங்களைத் தேர்வு செய்து நடித்து வரும் சூரி, கொட்டுக்காளி படத்திலும் மிகவும் கனமான கதாபாத்திரத்திலே நடித்திருப்பதாக படக்குழு தெரிவித்துள்ளது. இதனால், கொட்டுக்காளி படம் மீது மிகுந்த எதிர்பார்ப்பு ஏற்பட்டுள்ளது.

கொட்டுக்காளி படமும் சூரிக்கு வெற்றி கிடைத்தால் இனி வரும் காலங்களில் அவரைத் தொடர்ந்து வெற்றி நாயகனாகவே திரையில் காணலாம் என்று எதிர்பார்க்கப்படுகிறது.