Rana Daggubati: எல்லா போஸ்ட்டும் டெலிட்! இன்ஸ்டாவை மொத்தமாக மாற்றிய பாகுபலி நடிகர்!
முன்னதாகவே சோஷியல் மீடியாவில் இருந்து இடைவெளி விடப்போவதாகவும்,திரைப்படங்களில் சந்திக்கிறேன் என்றும் சொல்லிவிட்டு சென்றார்.
தமிழ், தெலுங்கு, இந்தி உள்ளிட்ட மொழிகளில் முன்னணி நடிகராக வலம் வருபவர் ராணா. தமிழில் பெங்களூர் டேஸ், பாகுபலி, காடன் உள்ளிட்ட படங்களில் நடித்ததின் மூலம் பிரபலமானார். நீண்ட காலமாக பேச்சுலராக இருந்த ராணா,கடந்த வருடம் இன்டீரியர் டிஸைனரான மிஹீகா பஜாஜ்ஜை காதலித்து திருமணம் செய்து கொண்டார்.
அப்போது கொரோனா பரவல் அதிகமிருந்ததால் ராணா மற்றும் மிஹீகா பஜாஜ் குடும்பத்தினர் மற்றும் நெருங்கிய உறவினர்கள் மட்டுமே இந்த நிகழ்வில் பங்கேற்றனர். இந்நிலையில் திருமணம் முடிந்து நேற்றோடு இரண்டு ஆண்டுகள் கடந்துவிட்ட நிலையில் நேற்று தனது திருமண நாளை கொண்டாடினார். ஆனால் அதற்கு முன்னதாகவே சோஷியல் மீடியாவில் இருந்து இடைவெளி விடப்போவதாகவும்,திரைப்படங்களில் சந்திக்கிறேன் என்றும் சொல்லிவிட்டு சென்றார்.
இந்நிலையில் அவரது இன்ஸ்டாவில் உள்ள அனைத்து போஸ்டுகளும் தற்போது டெலிட் செய்யப்பட்டுள்ளது. ராணாவின் இன்ஸ்டா போஸ்ட் தற்போது பூஜ்ஜியமாக உள்ளது. ராணாவை இன்ஸ்டாவில் மொத்தம் 4.7மில்லியன் பேர் ஃபாலோ செய்கின்றனர். அவர் 370 பேரை பாலோ செய்துவருகிறார்.
— Rana Daggubati (@RanaDaggubati) August 5, 2022
சோஷியல் மீடியாவில் இருந்து ராணா விலகினாலும் அவரது மனைவி இன்ஸ்டாவில் ஆக்டீவாகவே இருக்கிறார். இன்று அவர் ராணாவுடன் சேர்ந்து எடுத்த புகைப்படத்தை பகிர்ந்துள்ளார்.
முன்னதாக எதற்கும் துணிந்தவன் தெலுங்கு ரிலீஸுக்கான நிகழ்ச்சி ஒன்றில் சூர்யாவுடன் ராணாவும் கலந்து கொண்டார். அப்போது பேசிய அவர், "10 வருடங்களுக்கு முன், சூர்யா ஒருமுறை என் படத்தின் எடிட்டிங் ஸ்டுடியோவுக்கு வந்து, 4 மணி நேரம் ஹைதராபாத் முழுவதும் என்னை காரில் ஏற்றிச் சென்றார். அப்போது, 'நான் எப்போதும் நடிப்பது இல்லை, அந்த கதாபாத்திரம் அந்த சூழ்நிலையில் இருப்பது போல மேனேஜ் செய்வேன்' என்று கூறினார். அவரது 4 மணிநேர வகுப்பு என்னை பல்வாள்தேவனாகவும், டேனியல் சேகராகவும் மற்றும் பல கதாபாத்திரங்களாகவும் உருவாக்கியது." என்றார்.
View this post on Instagram
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
