கூட்டுக்குடும்பம்.. வீட்டுல இருக்கிற அந்த சிலை... தந்தை சிவாஜி குறித்து மனம் திறந்த பிரபு!

"எப்படிடா அண்ணனுக்கு (எம்.ஜி.ஆர்) மட்டும் நல்ல பாட்டா போடுறாங்க அப்படினு அப்பா கேட்டாரு."

பிரபு- சிவாஜி

நடிகர் திலகம் சிவாஜி விருந்தோம்பலுக்கு பெயர் போனவர். அவர் சொல்லிக்கொடுத்த அதே அறத்தைத்தான் இன்றைக்கு அவரது குடும்பமும் பின்பற்றி வருகிறார்கள். இளைய திலகம் பிரபுவும் சினிமா ஷூட்டிங் ஸ்பாட்டில் தன்னுடன் நடிக்கும் சக கலைஞர்களுக்கும் வீட்டில் இருந்து சாப்பாடு சமைத்து எடுத்து வர சொல்லிவிடுவார். குறிப்பாக அதில் சாப்பிடும் நபர்களுக்கு பிடித்த உணவும் இருக்கும் என்பதுதான் ஹைலைட். அதன் பின்னால் இருக்கும் சீக்ரெட்ஸினையும் எம்.ஜி,ஆர், சிவாஜி உறவு குறித்தும் நேர்காணல் ஒன்றில் பகிர்ந்திருக்கிறார் பிரபு. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vikram Prabhu (@iamvikramprabhu)

அதில்" விருந்தோம்பல் எல்லாம் எங்க அப்பா, சித்தப்பாக்கிட்ட கத்துக்கிட்டதுதான் . யாராவது வந்தா , அவங்க சாப்பிட்டாங்களா கேளுனு சொல்லுவாங்க . தண்ணி குடிச்சீங்களா ? சாப்பிட்டீங்களானு கேட்பதுதானே முதல்ல முக்கியமான விஷயம். மனிதனாக பிறந்தால் அது இயல்பாகவே இருக்கனும் இல்லையா. அம்மா மேல அப்பா ரொம்ப பிரியமாக இருப்பாங்க. அந்த வகையிலதான் அப்பா வீட்டுக்கு அன்னை இல்லம் அப்படினு பெயர் வச்சாங்க. அதே போல அப்பா படிக்கல அதனாலத்தான் நாங்க எல்லோரும் நல்லா படிக்கனும்னு விரும்பினாங்க. அதனாலத்தான் வீட்டின் மேல கூட ஒரு சின்ன பையன் படிப்பது போல சிலை வச்சுருக்காங்க.  அது கல்வியின் நோக்கத்தை உணர்த்துவதற்காகத்தான். எங்க குடும்பம் கூட்டுக்குடும்பம். அப்பா தலைமுறையில எல்லொருமே ஒன்னாத்தான் இருந்தோம் . இப்போதும் எல்லோரும் ஒன்றாகத்தான் இருக்கிறோம். எங்களது குழந்தைகளும் இதையே எடுத்துச்செல்வாங்க அப்படினு நான் நம்புறேன்.அப்பா மக்கள் திலகம் அவர்களின் பாடல்களை எல்லாம் விரும்பி கேட்பாங்க. அப்போ நானும் அப்பாவும் காரில் 5 மணி நேரம் பயணித்தோம். அப்போ ஆயிரம் நிலவே பாடலை அப்பா ஒரு 50 முறையாவது கேட்டிருப்பாங்க. எப்படிடா அண்ணனுக்கு (எம்.ஜி.ஆர்) மட்டும் நல்ல பாட்டா போடுறாங்க அப்படினு அப்பா கேட்டாரு. “ என சுவார்ஸ்யங்களை பகிர்ந்தார் பிரபு.