Madhavan son Vedaant: நீச்சல் சாம்பியன்ஷிப் போட்டியில் 5 தங்கப்பதக்கங்கள் வென்ற மாதவன் மகன்!

கோலாலம்பூரில் நடைபெற்ற சர்வதேச நீச்சல் சாம்பியன்ஷிப் போட்டியில் இந்தியா சார்பில் பங்கேற்று 5 தங்கப்பதக்கங்களை மாதவனின் மகன் வேதாந்த் வென்றுள்ளார்.

மாதவன் மகன் வேதாந்த்

உலகளாவிய நீச்சல் சாம்பியன்ஷிப் போட்டியில் நடிகர் மாதவனின் மகன் 5 தங்கப்பதக்களை வென்று சாதனை படைத்துள்ளார்.

கோலிவுட், பாலிவுட் என பிரபல நடிகர்களுள் ஒருவராக வலம் வருபவர் நடிகர் மாதவன். சீரியல் தொடங்கி வெள்ளித்திரை வரை கிட்டத்தட்ட கடந்த 25 ஆண்டுகளாக அனைவராலும் விரும்பப்படும் நடிகராக வலம் வருகிறார் மாதவன்.

நடிப்பு தாண்டி, தன் குடும்பத்தினருடன் நேரம் செலவழிப்பது, குறிப்பாக தன் மகனின் ஆசை அறிந்து நீச்சல் சாம்பியனாக அவர் சாதிக்க உறுதுணையாக வலம் வருவது என மாதவன் தொடர்ந்து  இணையத்தில் லைக்ஸ் அள்ளி வருகிறார். 

மேலும், நீச்சல் போட்டிகளில் தன் மகனின் சாதனைகள் குறித்தும் தொடர்ந்து தன் சமூக வலைதளப் பக்கத்திலும் மாதவன் பதிவிட்டு வருகிறார். 

அந்த வகையில் மலேசிய தலைநகர் கோலாலம்பூரில் நடைபெற்ற சர்வதேச நீச்சல் சாம்பியன்ஷிப் போட்டியில் 5 தங்கப்பதக்கங்களை மாதவனின் மகன் வேதாந்த் வென்றுள்ளார்.  மேலும்,  இதுகுறித்து மாதவன் தன் ட்விட்டர் பக்கத்தில் நெகிழ்ச்சியுடன் பகிர்ந்துள்ளார்.

மலேசியன் இன்விட்டேஷனல் ஏஜ் க்ரூப் சாம்பியன்ஷிப் போட்டியில் 50, 100, 200, 400 மற்றும் 1500 மீட்டர் போட்டிகள் அனைத்திலும் இந்தியா சார்பில் பங்குபெற்று வேதாந்த் 5 தங்கப்பதக்கங்களை வென்றுள்ளார்.

பதக்கங்களுடன் தன் தாய் சரிதாவுடன் வேதாந்த் நிற்கும் புகைப்படங்களை மாதவன் தன் ட்விட்டர் பக்கத்தில் பகிர்ந்துள்ள நிலையில் அவருக்கு ரசிகர்கள் தொடர்ந்து வாழ்த்து தெரிவித்து வருகின்றனர்.

மேலும் மாதவனை வாழ்த்திப் பதிவிட்டுள்ள நடிகர் ஜெயம் ரவி , ”அன்புள்ள மேடி.. உங்களை நீண்ட நாள்களாக நான் பாராட்ட வேண்டுமென நினைத்து வந்தேன்.. நீங்கள் ஒரு சிறந்த நடிகர். அற்புதமான தந்தையாகவும் அதே சமயம் அற்புதமான மனிதராகவும் உள்ளீர்கள். இது ஒரு அரிய காம்பினேஷன். நீங்கள் எல்லா வகையிலும் என்னை ஊக்குவிக்கிறீர்கள். கோல்டன் பாய் வேதாந்த்...” எனப் பாராட்டி பதிவிட்டுள்ளார்.

 

Dear maddy.. this is my long due appreciation for u.. u r a great actor, a wonderful father and an awesome person. It’s a rare combination. U inspire me in every sense. Gob bless Vedanth.. the golden boy. Keep ur positive energy goin 👍🏼😊 https://t.co/dwwUXQAlEq

— Arunmozhi Varman (@actor_jayamravi) April 17, 2023

இந்நிலையில் மாதவனின் இந்தப் பதிவு இணையத்தில் லைக்ஸ் அள்ளி வருகிறது. 

இஸ்ரோவின் முன்னாள் விஞ்ஞானி நம்பி நாராயணின் வாழ்க்கை வரலாற்றை அடிப்படையாகக் கொண்ட ‘ராக்கெட்ரி நம்பி எஃபெக்ட்'  படத்தை மாதவன் முன்னதாக இயக்கி நடித்திருந்தார். இந்தப் படம் கலவையான விமர்சனங்களைப் பெற்றது.

அடுத்ததாக அம்ரிக்கி பண்டிட் எனும் இந்தி படத்தில் மாதவன் நடிக்க உள்ளார். மற்றொருபுறம், சித்தார்த், நயன்தாரா ஆகியோருடன் இணைந்து டெஸ்ட் படத்திலும் மாதவன் நடிக்க உள்ளார். சென்ற வாரம் இந்தப் படத்தின் மோஷன் போஸ்டர் வெளியாகி வரவேற்பைப் பெற்றது குறிப்பிடத்தக்கது.