சாண்டி மாஸ்டருக்கு மன்னிப்பே கிடையாது...கடும் கோபத்தில் நடிகர் கார்த்தி

Viruman success : வானம் கிடுகிடுங்க... பாடலில் சாண்டி மாஸ்டர், கார்த்தியை சில அக்ரோபாட்டிக் ஸ்டெப்களை மிகவும் சிறப்பாக செய்ய வைத்து இருப்பார். அது ரசிகர்களை மிகவும் கவர்ந்தது பாராட்டையும் பெற்றது. 

Sandy master - Actor Karthi in viruman movie

Actor Karthi : சண்டி மாஸ்டர் மீது நடிகர் கார்த்தி வைத்த குற்றச்சாட்டு..."வானம் கிடுகிடுங்க..." பாடலின் வெளிப்பாடு 

ஒரு நல்ல திரைக்கதையாக இருப்பினும் அது படமாக்கப்படும் விதம் என்பது மிக மிக முக்கியம். அந்த திரைக்கதையின் நோக்கத்தை பார்வையாளர்கள் உள்ளூர உணரவேண்டும். அப்போது தான் அதற்கு உண்மையான வெற்றி கிடைக்கும். அப்படி ஒரு நல்ல திரைக்கதையை உயிர்ப்பிக்க நடிகர்கள் மற்றும் தொழில்நுட்ப வல்லுநர்கள் தங்களால் இயன்ற அளவு முயற்சிக்கிறார்கள். 

கார்த்தியின் ட்விட்டர் பதிவு :

படக்குழுவினர் ஷெட்யூல்கள் இருந்தால் மட்டுமே களம் இறங்குவார்கள் என்பதை மட்டுமே நாம் அறிந்துள்ளோம். ஆனால் ஓய்வு நேரங்களில் கூட சில நடிகர்களும் சில  தொழில் நுட்ப கலைஞர்களும் சில கடினமான ஸ்டண்ட்களை பயிற்சி எடுத்து கொள்வதால் அசௌகரியத்தை அனுபவிக்க நேரிடும். 

சமீபத்தில் வெளியாகி வெற்றி நடை போடும் பிளாக் பஸ்டர் திரைப்படமான "விருமன்" திரைப்படத்தால் நடிகர் கார்த்தியும் இது போன்ற பல சூழ்நிலைகளை எதிர்கொண்டார் என்பதை தனது வார்த்தைகள் மூலம் ட்விட்டர் பக்கத்தில் பதிவிட்டுள்ளார்.

சாண்டி மாஸ்டர் மீது கோபமாக இருக்கும் கார்த்தி :

விருமான் படத்தில் மிகவும் பிரபலமான பாடலான "வானம் கிடுகிடுங்க..." என்ற பாடலை பற்றி நடிகர் கார்த்தி சமீபத்தில் ட்வீட் ஒன்று செய்து அப்பாடலின் யூடியூப் வீடியோவையும் பகிர்ந்து இருந்தார். "இந்த பாடலுக்காக நான் நள்ளிரவு 3 மணிக்கு சம்மர் சால்ட் அடித்தேன். இதற்க்கான நான் உங்களை என்றுமே மன்னிக்க மாட்டேன் சாண்டி மாஸ்டர். இதுவரையில் நான் இது போல கூத்துக்களை செய்ததில்லை" என்று பதிவிட்டு இருந்தார். கிராமங்களில் திருவிழாக்கள் நடைபெறும் போது இந்த பாடல் நிச்சயம் ஒரு ஆவேசமான பாடலாக இடம் பெரும் என்றும் அதில் பதிவிட்டு இருந்தார் நடிகர் கார்த்தி. 

நடுராத்திரி மூணு மணிக்கெல்லாம் சம்மர்சால்ட் அடிக்கவுட்டியே @iamSandy_Off master, மன்னிக்கவேமாட்டேன். Never done these acrobats before 😊

இனி எல்லா ஊர் திருவிழாலயும் நம்ம பாட்டு கண்டிப்பா இருக்கும் @thisisysr 🔥https://t.co/TmZ3COwPPl#வானம்_கிடுகிடுங்க video song.

— Actor Karthi (@Karthi_Offl) August 18, 2022

"வானம் கிடுகிடுங்க..." பாடல் :

"விருமன்" படத்தில் இந்த "வானம் கிடுகிடுங்க..." பாடல் கண்களுக்கு விருந்தாக அமைந்து இருந்தது. இந்த பாடலில் சாண்டி மாஸ்டர், கார்த்தியை சில கடினமான அக்ரோபாட்டிக் ஸ்டெப்களை மிகவும் சிறப்பாக செய்ய வைத்து இருப்பார். அது ரசிகர்களை மிகவும் கவர்ந்தது பாராட்டையும் பெற்றது. 

சூர்யாவின் 2D என்டர்டெயின்மென்ட் மூலம் தயாரித்த "விருமன்" திரைப்படம்  ஆகஸ்ட் 12ம் தேதி திரையரங்குகளில் வெளியாகி நல்ல வசூலை ஈட்டி வருகிறது என்பது குறிப்பிடத்தக்கது. இப்படத்திற்கு பாஸிட்டிவ் விமர்சனங்களை கொடுத்து வருகிறார்கள் ரசிகர்கள். நல்ல ஓப்பனிங் கிடைத்துள்ளதாக கூறப்படுகிறது. 

 

நீங்கள் மகிழ்ந்து எங்களை மகிழ்வித்ததற்கு நன்றி 🙏#விருமன் #Viruman pic.twitter.com/gx5gdConcL

— Actor Karthi (@Karthi_Offl) August 16, 2022