Thalaivar 171 : 'தலைவர் 171' படத்தில் சூப்பர் ஸ்டாருக்கு வில்லன் இவரா? - கம்பேக் கொடுக்கும் பிரபல நடிகர்..

லோகேஷ் கனகராஜ்  - ரஜினிகாந்த் கூட்டணியில் உருவாக இருக்கும் 'தலைவர் 171 ' படத்தில் வில்லனாக இணைய உள்ள நடிகர் குறித்த தகவல் வெளியாகியுள்ளது.  

ஜீவன் - தலைவர் 171

லோகேஷ் கனகராஜ்  - ரஜினிகாந்த் கூட்டணியில் உருவாக இருக்கும் 'தலைவர் 171 ' படத்தில் வில்லனாக இணைய உள்ள நடிகர் குறித்த தகவல் வெளியாகியுள்ளது.  

நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடிப்பில் கடந்த ஆக்ஸ்ட் மாதம் வெளியான 'ஜெயிலர்' திரைப்படம் மாபெரும் வெற்றி படமாக அமைந்தது. கலவையான விமர்சனங்களை பெற்ற போதும் பாக்ஸ் ஆபிஸில் 700 கோடி வரை வசூலை செய்து சாதனை படைத்தது. நடிகர் ரஜினிகாந்துக்கு இப்படம் சிறந்த ஒரு கம்பேக் படமாக அமைந்தது. 

ஜெயிலர் படத்தின் வெற்றிக்கு பிறகு 'தலைவர் 170' படத்தில் மிகவும் பிஸியாக ஈடுபட்டுள்ளார் நடிகர் ரஜினிகாந்த். பிரபலமான இயக்குநர் டி.ஜே. ஞானவேல் இயக்கும் இப்படத்தை தொடர்ந்து லோகேஷ் கனகராஜ் இயக்கத்தில் 'தலைவர் 171' திரைப்படத்தில் நடிக்க உள்ளார். 

 

லோகேஷ் கனகராஜ் - ரஜினிகாந்த் :

லோகேஷ் கனகராஜ் - நடிகர் ரஜினிகாந்த் கூட்டணியில் உருவாகவுள்ள 'தலைவர் 171' படத்துக்கு ரசிகர்கள் மத்தியில் அறிவிப்பு வெளியான நாள் முதல் இருந்து எதிர்பார்ப்பு எகிறி வருகிறது. சன் பிக்சர்ஸ் தயாரிப்பில் உருவாகும் இப்படத்திற்கு அனிருத் இசையமைக்க உள்ளார். மேலும் நடிகர் சிவகார்த்திகேயன் நடிக்க உள்ளார் என வெளியான தகவல் உண்மையா என்பது தெரியவில்லை. அதே போல இப்படத்தில் நடிக்க இருக்கும் மற்ற நடிகர்கள் குறித்த விவரங்களும் வெளியாமல் சஸ்பென்ஸாகவே இருக்கிறது

'தலைவர் 171' வில்லன் :

அந்த வகையில் தலைவர் 171 படத்தில் இணையும் வில்லன் குறித்த தகவல் ஒன்று தற்போது வெளியாகி பரபரப்பை ஏற்படுத்தியுள்ளது. 'யூனிவர்சிட்டி' படத்தின் மூலம் தமிழ் சினிமாவில் அறிமுகமாகி திருட்டு பயலே, நான் அவன் இல்லை உள்ளிட்ட சூப்பர் ஹிட் படங்களில் ஹரோவாக நடித்து, காக்க காக்க படத்தில் மிரட்டலான வில்லனாக நடித்த நடிகர் ஜீவன் தான் 'தலைவர் 171' வில்லனாக தேர்ந்து எடுக்கப்பட்டுள்ளார் என்ற தகவல் வெளியாகி உள்ளது. 

 

பிரேக் எடுத்த ஜீவன் :

சினிமாவில் மிகவும் பிரபலமான நடித்து வந்த நடிகர் ஜீவன் திடீரென நடிப்பில் இருந்து பிரேக் எடுத்துக் கொள்ள அதுவே அவருக்கு சரியான வாய்ப்புகள் அமையாமல் போக காரணமானது. மிகவும் திறமையான நடிகராக இருந்த போதும் நடிகர் ஜீவனால் ஸ்டார் நடிகராக ஜொலிக்க முடியாமல் போனது.

தற்போது லோகேஷ் கனகராஜ் இயக்க இருக்கும் தலைவர் 171 படத்தில் நடிப்பதன் மூலம் நடிகர் ஜீவனுக்கு நல்ல ஒரு கம்பேக் கிடைத்து மீண்டும் பார்முக்கு வருவார் என் மிகவும் ஆவலுடன் அவரின் ரசிகர்கள் எதிர்பார்க்கிறார்கள். 

நடிகர் ஜீவன், ஜோதிடம் மீது அதிகம் நம்பிக்கை கொண்டவர் என்றும் எது செய்தாலும் ஜோதிடம் பார்த்து செய்வார் என்றும் கூறப்படுகிறது. வந்த வாய்ப்புகளை எல்லாம் தட்டி கழிக்க அதுவே அவருக்கு வாய்ப்புகள் கிடைக்காமல் போவதற்கும் காரணமாக போனது என சினிமா வட்டாரங்கள் தெரிவிக்கின்றன.