Jayam Ravi: பிரம்மாண்டமாக தயாராகும் ‘25வது படம்’.. ஜெயம் ரவி ஜோடியாக 3 ஹீரோயின்கள்: ரசிகர்களுக்கு அசத்தல் அறிவிப்பு..!

தமிழ் சினிமாவின் முன்னணி நடிகராக உள்ள ஜெயம் ரவி நடிக்கும் 25வது படத்திற்கு ‘ஜீனி’ என பெயரிடப்பட்டுள்ளது. 

ஜீனி படத்தின் தொடக்க விழா

தமிழ் சினிமாவின் முன்னணி நடிகராக உள்ள ஜெயம் ரவி நடிக்கும் 25வது படத்திற்கு ‘ஜீனி’ என பெயரிடப்பட்டுள்ளது. 

ஜெயம் படத்தின் மூலம் தமிழ் சினிமாவில் அறிமுகமானவர் ரவி. அந்த படத்தின் வெற்றி அவரை ‘ஜெயம் ரவி’யாக ரசிகர்களிடத்தில் அறிமுகம் காட்டியது. தொடர்ந்து எம்.குமரன் S/O. மகாலட்சுமி, மழை, தாஸ், உனக்கும் எனக்கும், சந்தோஷ் சுப்பிரமணியம், தீபாவளி, தாம் தூம், பேராண்மை, எங்கேயும் காதல், ரோமியோ ஜூலியட், தனி ஒருவன், டிக் டிக் டிக், அடங்க மறு, பொன்னியின் செல்வன் என ஏகப்பட்ட படங்களில் நடித்துள்ளார். 

ஜெயம் ரவி படம் என்றாலே குடும்பத்துடன் தியேட்டரில் சென்று பார்க்கலாம் என்னும் அளவுக்கு பேமிலி ஆடியன்ஸை அதிகம் பெற்ற நடிகர்களில் ஒருவராகவும் அவர் திகழ்கிறார். இப்படியான நிலையில் கடைசியாக ஜெயம் ரவி நடிப்பில் ‘பொன்னியின் செல்வன் 2’ வெளியாகி இருந்தது. இதில் ராஜராஜ சோழன் கேரக்டரில் அவர் நடித்திருந்தார். இந்த படம் அவரது சினிமா கேரியரில் மிக முக்கியமான படமாக அமைந்தது. 

இந்நிலையில் ஜெயம் ரவி நடிக்கும் 25வது படத்திற்கு ‘ஜீனி’ என பெயரிடப்பட்டுள்ளது. இப்படத்தின் தொடக்க விழா சென்னையில் சிறப்பாக நடைபெற்று முடிந்துள்ளது. இந்நிகழ்ச்சியில் படக் குழுவினருடன்,  திரையுலக பிரபலங்கள் பலரும் வருகை தந்து வாழ்த்து தெரிவித்தனர். ஜீனி படத்தை வேல்ஸ் ஃபிலிம்ஸ் இன்டர்நேஷனல் நிறுவனம் சார்பில் தயாரிப்பாளர் டாக்டர் ஐசரி கே. கணேஷ் பிரம்மாண்ட பொருட்செலவில் தயாரிக்கிறார்.

இயக்குநர் அர்ஜுனன் ஜெ.ஆர். இயக்கத்தில் இப்படம் தயாராகிறது. ஜீனி படத்தில் ஹீரொயின்களாக கீர்த்தி ஷெட்டி, கல்யாணி பிரியதர்ஷன் இருவரும் நடிக்கின்றனர். மேலும் வாமிகா கபி, தேவயானி உள்ளிட்ட பலரும் நடிக்கிறார்கள். மகேஷ் முத்துசாமி ஒளிப்பதிவு செய்யவிருக்கும் இந்த திரைப்படத்திற்கு, 'இசைப்புயல்' ஏ. ஆர். ரகுமான் இசையமைக்கிறார். கலை இயக்கத்தை உமேஷ் ஜெ. குமார் கவனிக்க, பட தொகுப்பு பணிகளை பிரதீப் ஈ. ராகவ்  மேற்கொள்கிறார்.

அதிரடியான சண்டைக் காட்சிகளை சர்வதேச சண்டை பயிற்சி கலைஞரான யானிக் பென் அமைக்க, ஸ்வப்னா ரெட்டி ஆடை வடிவமைப்பாளராக  பணியாற்றுகிறார். இப்படத்தின் நிர்வாக தயாரிப்பாளராக கே. அஸ்வின் குமாரும், கிரியேட்டிவ் புரொடியூசராக கே. ஆர். பிரபுவும் பணியாற்றுகிறார்கள். ஜீனி படம் தமிழில் மட்டுமல்லாமல் தெலுங்கு, மலையாளம், கன்னடம், இந்தி ஆகிய மொழிகளிலும் வெளியாகும் என தெரிவிக்கப்பட்டுள்ளது.