Kamalhaasan: கமல் ஹாலிவுட்டில் இருந்திருந்தால்... - ஆதங்கத்தை வெளிப்படுத்திய நடிகர் ஜகன்

கமல்ஹாசன் பற்றி தெரிந்துகொள்ள அவரது படங்களைத் தவிர பெரியளவிலான ஆவணங்கள் ஏதும் இல்லை என்று நடிகர் ஜகன் தெரிவித்துள்ளார்

இந்தியன் 2 , கமல்ஹாசன் , ஷங்கர் , ஜகன். (Image source: Twitter)

Source : Other

இந்தியன் 2

கமல்ஹாசன் நடித்து ஷங்கர் இயக்கியுள்ள இந்தியன் 2 வரும் ஜூலை 12 ஆம் தேதி திரையரங்குகளில் வெளியாக இருக்கிறது. காஜல் அகர்வால் , ரகுல் ப்ரீத் , பிரியா பவாணி சங்கர் , சித்தார்த் , பாபி சிம்ஹா , எஸ்.ஜே சூர்யா , ஜகன் உள்ளிட்ட பல்வேறு நடிகர்கள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்‌ஷன்ஸ் இந்தப் படத்தை தயாரித்துள்ளது. இந்தியன் 2 படத்தில் நடித்துள்ள நடிகர் ஜகன் உலகநாயகன் கமல்ஹாசனின் நடிப்பைப் பற்றி பாராட்டி பேசியுள்ளது பலரது கவனத்தை ஈர்த்துள்ளது

 கமல் ஹாலிவுட்டில் இருந்திருந்தால் கொண்டாடியிருப்பார்கல்

இந்த நிகழ்ச்சியில் பேசிய ஜகன் ‘ இந்தியன்  படத்தில் கமலின் மேக் அப் அவரது நடிப்பை பெரிதாக காட்டியது என்று கருத்து சொல்பவர்கள் இருக்கிறார்கள். இந்தியன் 2 படத்தில் மேக் அப் உதவியது என்றால் நாயகன் படத்தில் எந்த வித மேக் அப் இல்லாமல் கமல் செய்தது பெரிய சாதனை.  நாயகன் படத்தில் கமலைப் பார்த்து 35 வயதுடைய ஒருவர் இந்த மாதிரியான கதாபாத்திரத்தில் நடிக்க முடியும் என்று யாரும் நம்பியிருக்க மாட்டார்கள். கமல் மாதிரியான ஒரு  நடிகர் ஹாலிவுட்டில் இருந்திருந்தால் அவரை தலை தூக்கி வைத்து கொண்டாடி இருப்பார்கள்.

Loki, Gvm left la po, Suriya Manikandan right la po, Centre la Jagan na ukkara vai🔥🔥🔥 whattaaaa Ulaganayagan #KamalHaasan fan he's🫡🫡🫡#Indian2

pic.twitter.com/EHFjYG7A3N

— SundaR KamaL (@Kamaladdict7) July 3, 2024

கமலைவிட நிறைய தேர்ந்த நடிகர்கள் இருக்கிறார்கள். மார்லன் பிராண்டோ , பிராட் பிட் , ஜாக் நிக்கல்சன் போன்ற எத்தனையோ நடிகர்கள் இருக்கிறார்கள் . ஆனால் ஒரே ஆள் திருடனாக , பெண்ணாக , கொலைகாரனாக , கிழவனாக , தீவிரவாதியாக , சாப்ளினாக என அத்தனை கதாபாத்திரங்களிலும் நடிக்கக் கூடிய ஒரே நபர் கமல்தான். இன்று காட்ஃபாதன் திரைப்படம் உருவான விதத்தைப் பற்றி அத்தனைப் புத்தகங்கள் வந்திருக்கின்றன. ஹாரி பாட்ட உருவான விதம் பற்றி அத்தனை புத்தகங்கள் வந்திருக்கின்றன. ஆனால் இன்று கமலைப் பற்றி நம்மிடம் இருக்கும் ஒரே ஆணவம் அவருடைய படங்கள் மட்டும்தான். இன்று தேவர் மகன் படத்தை மாதிரி ராஜபார்வை மாதிரியான ஒரு படம் உருவான விதம் பற்றி தெரிந்துகொள்ள நான் ஆர்வமாக இருக்கிறேன். சிவனின் கண்களில் இருந்து ரத்தம் வந்ததைப் பார்த்த கண்ணப்பர் தனது சொந்த கண்களை குத்தி எடுத்து சிவனுக்கு கொடுத்தார். அந்த மாதிரிதான் பரமசிவன் இடத்தில் கமலும் கண்ணப்பர் இடத்தில் நானும் இருக்கிறேன்” என்று ஜகன் தெரிவித்துள்ளார்.