Captain Miller: ”எது பண்ணாலும் குறை சொல்ல ஒரு கூட்டம் இருக்கு” - கேப்டன் மில்லர் நிகழ்ச்சியில் தனுஷ் வேதனை

கேப்டன் மில்லர் படத்துக்கு அருண் வச்சிருக்க டேக் லைன் என்னன்னு பார்த்தால் “Respect is freedom". அதாவது மரியாதை தான் சுதந்திரம்.

நடிகர் தனுஷ்

எதை பேச வேண்டும் என்றாலும் யோசித்து பேச வேண்டிய நிலை ஏற்பட்டு விட்டதாக நடிகர் தனுஷ் வேதனையுடன் தெரிவித்துள்ளார். 

சத்யஜோதி பிலிம்ஸ் தயாரிப்பில் அருண் மாதேஸ்வரன் இயக்கத்தில் உருவாகியுள்ள படம் “கேப்டன் மில்லர்”. இந்த படத்தில் தனுஷ், சிவராஜ் குமார், பிரியங்கா மோகன், சந்தீப் கிஷன், நிவேதிதா சதீஷ் உள்ளிட்ட பலரும் நடித்துள்ளனர். ஜி.வி.பிரகாஷ்குமார் இசையமைத்துள்ள இப்படம் பொங்கல் பண்டிகையை முன்னிட்டு வரும் ஜனவரி 12 ஆம் தேதி வெளியாகும் என தெரிவிக்கப்பட்டுள்ளது. இதனிடையே இப்படத்தின் ப்ரீ ரீலீஸ் நிகழ்ச்சி சென்னை நேரு ஸ்டேடியத்தில் நேற்று நடைபெற்றது. 

இந்நிகழ்ச்சியில் பேசிய தனுஷ், “கேப்டன் மில்லர் படத்துக்கு அருண் வச்சிருக்க டேக் லைன் என்னன்னு பார்த்தால் “Respect is freedom". அதாவது மரியாதை தான் சுதந்திரம். ஆனால் எதுக்கு இங்க மரியாதை இருக்கு, யாருக்கு இங்க சுதந்திரம் இருக்கு?ன்னு தெரியல. எது செஞ்சாலும் யோசிச்சி யோசிச்சி செய்ய வேண்டியதாக இருக்கு. எது பேசுனாலும் யோசிச்சு பேச வேண்டியதா இருக்கு. யோசிச்சு பேசுனாலும், செஞ்சாலும், அது நல்லதா இருந்தாலும் அதை குறை சொல்ல ஒரு கூட்டம் சுத்திகிட்டே தான் இருக்கு. சின்ன கூட்டம் தான் அது.

எனக்கு ஒன்னுமே புரியல. எதாவது குறை சொல்லிட்டு, கை காட்டிட்டு இருக்குறது தான் சுதந்திரமா என்ன? அது கிடையாது. அது சுதந்திர துஷ்பிரயோகம். அவன் நல்லவன், இவன் கெட்டவன், அது உனக்கு இது எனக்கு ஏன் சொல்றீங்க? - கடவுள் முடிவு செய்யட்டும் (அப்போது புதுப்பேட்டை படத்தில் இடம் பெற்ற ஒருநாளில் வாழ்க்கை பாடலின் சில வரிகளை மேற்கொள் காட்டி பாடி காட்டினார்).  அப்ப பாத்துக்கலாம். எது எதுக்கோ ஓடுறோம், ஆட்டமா ஆடுறோம்.

இது எல்லாம் நம்முடைய முதன்மை தேவை என்ன என்பது புரியும் போது இதெல்லாம் மதிப்பில்லாமல் போகும். என்னோட முதன்மை தேவை என்ன என்பதில் தெளிவா இருந்தேன். எனக்கு அது போதும். கேப்டன் மில்லர் ஒரு சர்வதேச படமா இருக்கும். புதுசா ஒரு ஃபார்மட்ல படம் ட்ரை பண்ணிருக்காரு. முழுக்க முழுக்க பார்த்து திருப்தியடைய கூடிய ஆக்‌ஷன் படமாக கேப்டன் மில்லர் இருக்கும் என நான் நம்புறேன்” என தெரிவித்துள்ளார். இதனை பார்த்த ரசிகர்கள் தனுஷூக்கு என்ன ஆச்சு, இப்படியெல்லாம் ஃபீல் பண்ணி பேசமாட்டாரே என குழம்பி போயுள்ளனர். 

---

மேலும் படிக்க: Bigg Boss Nixen: இப்படி நடக்கும்னு எதிர்பார்க்கல.. பிக்பாஸ் வீட்டை மிஸ் செய்த நிக்சனின் பதிவு!