Ajith Kumar : யாகத்தில் எரியும் தீ.. பய பக்தியுடன் அஜித்.. குருவாயூர் கோயிலில் சாமி தரிசனம் செய்த புகைப்படம் வைரல்!

நடிகர் அஜித்குமார் குருவாயூர் கோவிலில் சாமி தரிசனம் செய்துள்ள புகைப்படம் வெளியாகி இணையத்தில் வைரலாகி வருகிறது.

அஜித் குமார்

டிகர் அஜித் குமார் நடிப்பில் சமீபத்தில் வெளியான 'வலிமை' திரைப்படம் அனைத்து தரப்பு ரசிகர்களிடம் கலவையான விமர்சனங்கள் பெற்றது. தொடர்ந்து, திரையரங்குகளில் பெரும் வசூலை ஈட்டி வரும்நிலையிலும், Zee 5 இல் OTT வெளியிடப்பட்டதில் பிளாக்பஸ்டர் ஹிட் அடித்துள்ளது. வலிமை படத்தை தொடர்ந்து நடிகர் அஜித் மீண்டும் தனது 61வது படத்தில் எச். வினோத் உடன் இணைந்துள்ளார். இந்த திரைப்படத்தின் படப்பிடிப்பு வருகின்ற ஏப்ரல் இரண்டாவது வாரத்தில் இருந்து தொடங்க இருக்கிறது. 

இந்தநிலையில், ak 61 திரைப்படத்தின் படப்பிடிப்பு தொடங்குவதற்கு முன்பாக நடிகர் அஜித் குமார் குருவாயூர் கோவிலில் சாமி தரிசனம் செய்துள்ளார். தற்போது இந்த புகைப்படம் இணையத்தில் பரவி படு வைரலாகி வருகிறது. 

'ஏகே 61' ஒரு வங்கிக் கொள்ளை திரைப்படம் என்றும், இதில் அஜித் குமார் எதிர்மறையான முக்கிய கதாபாத்திரத்தில் நடிக்கிறார் என்றும் தகவல் வெளியாகியுள்ளது. இந்த திரைப்படமானது ஹைதராபாத்தில் உள்ள ராமோஜி ராவ் பிலிம் சிட்டியில் பிரம்மாண்டமான செட்கள் அமைக்கப்பட்டு, படத்தின் பெரும்பகுதி படப்பிடிப்பு நடைபெறவுள்ளது. இந்த ஆண்டு தீபாவளி வெளியீடாக படத்தை மூன்று மாதங்களுக்குள் முடிக்க படக்குழு திட்டமிட்டுள்ளதாகவும் படக்குழு திட்டமிட்டுள்ளது. 

தற்போது, 'ஏகே 61' படத்தின் ஹாட் அப்டேட் என்னவெனில், படம் வங்கிக் கொள்ளையை மையமாக வைத்து எடுக்கப்பட்ட படம் என்றாலும் அதில் சண்டை காட்சிகள் குறைவாகவே இருக்கும் என்றும், அஜீத் தனது கேரியரில் முதல்முறையாக சண்டை காட்சிகள் இல்லாத படத்தில் நடிக்க இருக்கிறார் என்றும் கூறப்படுகிறது.  இருப்பினும், அஜித் நடிக்கும் இந்த திரைக்கதை மிகவும் உக்கிரமாகவும், ஆணிவேராகவும் இருக்கும் என்றும், ரசிகர்கள் அவரைப் பார்த்துப் பழகியதை விட முற்றிலும் மாறுபட்ட கோணத்தில் இருப்பார் என்றும் குழுவினருக்கு நெருக்கமான வட்டாரம் தெரிவிக்கிறது. 

'ஏகே 61' படம் எச்.வினோத் இயக்கத்தில், போனி கபூர் தயாரித்து வருகிறார். ஜிப்ரான் இசையமைக்கிறார்.ஏற்கனவே இவர்களது கூட்டணியில் ‘நேர் கொண்ட பார்வை’, ‘வலிமை’ படங்களைத் தொடர்ந்து இவர்கள் இணையும் மூன்றாவது படம் இதுவாகும். ‘ஏகே 61’ படத்திற்கான அஜித்தின் தோற்றமும் வெளியாகி மிகப்பெரிய வைரலானது. தற்போதைய நிலவரப்படி அதிதி ராவ் ஹைதாரி, தபு, யோகி பாபு பிரகாஷ் ராஜ் மற்றும் கவின் ஆகியோர் முக்கிய நடிகர்கள் என்று கூறப்படுகிறது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண