![ABP Premium](https://cdn.abplive.com/imagebank/Premium-ad-Icon.png)
GOAT: "டேய் சூப்பரா இருக்குடா" : The GOAT Trailer பார்த்துவிட்டு அஜித் கொடுத்த முதல் ரியாக்ஷன்
கோட் படத்தின் ட்ரெயிலரை பார்த்து விஜய்யையும், படக்குழுவையும் நடிகர் அஜித் பாராட்டினார் என்று இயக்குனர் வெங்கட்பிரபு தெரிவித்துள்ளார்.
![GOAT: actor ajith congratulate vijay and goat movie crew know details here Goat Trailer GOAT:](https://feeds.abplive.com/onecms/images/uploaded-images/2024/08/18/51bb96c21f46e7bb94454e1cde920a3f1723946264098102_original.jpg?impolicy=abp_cdn&imwidth=1200&height=675)
தமிழ் திரையுலகின் முன்னணி நடிகராக திகழ்பவர் நடிகர் விஜய். தமிழின் உச்சநட்சத்திரமாக திகழும் இவர் நடித்துள்ள கோட் படத்தின் ட்ரெயிலர் நேற்று வெளியாகியது. மிகுந்த எதிர்பார்ப்பை ஏற்படுத்தியிருந்த நிலையில் வெளியான கோட் படத்தின் ட்ரெயிலருக்கு சிறந்த வரவேற்பு கிடைத்துள்ளது.
டேய் சூப்பரா இருக்குடா:
இந்த நிலையில், கோட் படத்தின் ட்ரெயிலரை பிரபலங்கள் பலரும் பாராட்டி வரும் சூழலில், நடிகர் அஜித் கோட் பட ட்ரெயிலரை பாராட்டியதாக இயக்குனர் வெங்கட்பிரபு தெரிவித்துள்ளார்.
சென்னையில் நேற்று நடந்த நிகழ்ச்சியில் பங்கேற்ற வெங்கட்பிரபு, "அஜித் சார் கோட் படத்தின் ட்ரெயிலரை பார்த்துவிட்டு, டேய் சூப்பரா இருக்குடா... விஜய்க்கும், படக்குழுவுக்கும் என்னோட வாழ்த்துகள் சொல்லிருடா"ன்னு மெசேஜ் பண்ணாரு”
இவ்வாறு அவர் கூறினார்.
இது விஜய் மற்றும் அஜித் ரசிகர்கள் மத்தியில் உற்சாகத்தை ஏற்படுத்தியுள்ளது. கோட் படத்தை இயக்கியுள்ள வெங்கட்பிரபு அஜித்தை வைத்து மங்காத்தா படத்தையும் இயக்கியிருந்தார் என்பது குறிப்பிடத்தக்கது. அந்த படம் அஜித் திரை வாழ்வில் மிகப்பெரிய திருப்பத்தை ஏற்படுத்தியது என்பது குறிப்பிடத்தக்கது.
அந்த படத்திற்கு பிறகு அஜித்துடன் நெருக்கமான நட்பு வெங்கட்பிரபுவிற்கு ஏற்பட்டது என்பது குறிப்பிடத்தக்கது.
ட்ரெயிலருக்கு வரவேற்பு:
தமிழக வெற்றிக்கழகம் கட்சியைத் தொடங்கிய பிறகு இரண்டு படங்கள் மட்டுமே நடிப்பதாக அறிவித்துள்ள நடிகர் விஜய்யின் கடைசி படத்திற்கு முந்தைய படம் கோட் ஆகும். இதனால், இந்த படத்தின் மீது மிகுந்த எதிர்பார்ப்பு ஏற்பட்டுளளது.
வெங்கட் பிரபு இயக்கியுள்ள இந்த படத்தில் நடிகர் விஜயுடன், பிரசாந்த், பிரபுதேவா, அஜ்மல் ஆகியோர் நடித்துள்ளனர். விஜய் இரட்டை வேடத்தில் நடித்துள்ள இந்த படத்தில் அவருக்கு வில்லனாக பிரபல நடிகர் மோகன் நடித்துள்ளார்.
மிகப்பெரிய நட்சத்திர பட்டாளங்கள் நடித்துள்ள இந்த படத்தில் சினேகா, லைலா ஆகியோரும் நடித்துள்ளனர். அர்ச்சனா கல்பாத்தி தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். தந்தை, மகன் என இரட்டை வேடங்களில் விஜய் நடித்துள்ள இந்த படம் காமெடி, ஆக்ஷன் கலந்த கலவையாக உருவாகியுள்ளது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)