காரைக்குடிக்கு விஜய் வருகை.. டிரான்ஸ்பார்மர், மரங்கள் மீது சுற்றி தகரங்கள் வைத்து அடைக்கும் பணி தீவிரம் !

டிரான்ஸ்பார்மர், மற்றும் மரங்கள் மீது இளைஞர்கள் ஏறாமல் இருப்பதற்காக மரங்களை சுற்றி தகரங்கள் வைத்து அடைக்கும் பணியிலும் ஈடுபட்டு வருகின்றனர்.

காரைக்குடி

Source : whatsapp

காரைக்குடியில் தமிழக வெற்றிக்கழக தலைவர் நடிகர் விஜய் நாளை தேர்தல் பிரச்சாரம் நடைபெற உள்ள இடத்தில் அதிகாரிகள் ஆய்வு.

தமிழக வெற்றிக் கழகம்

 

தமிழக அரசியலில் புதிய முகமாகவும் மாற்றமாகவும் களமிறங்கியுள்ள தவெக தலைவர் விஜயின் பிரச்சாரத்தை ஒட்டுமொத்த தமிழகமும் எதிர்பார்த்துக்கொண்டிருந்தது. சென்னை கொளத்தூர், திருச்சி கிழக்கில் போட்டியிடும் விஜய், கொளத்தூரில் தனது முதல் தேர்தல் பிரச்சாரத்தை மேற்கொண்டார். அதன்பிறகு, திருச்சி கிழக்கில் பிரச்சாரம் செய்தார். பின்னர், சென்னையில் வில்லிவாக்கம், தி.நகர், சைதாப்பேட்டையில் பிரச்சாரத்திற்கு குறைவான நேரமே கொடுத்ததால் பிரச்சாரம் ரத்து செய்யப்பட்டது. சென்னையில் விஜய்க்கு பிரச்சாரம் செய்ய ஏகப்பட்ட நிபந்தனைகள் விதிக்கப்படுவதாக அக்கட்சியின் முக்கிய தலைவர்கள் புகார் குற்றம்சாட்டி வருகின்றனர். இந்நிலையில் காரைக்குடியில் தமிழக வெற்றிக்கழக தலைவர் நடிகர் விஜய் நாளை தேர்தல் பிரச்சாரம் நடைபெற உள்ள இடத்தில் அதிகாரிகள் ஆய்வு செய்தனர். தமிழக வெற்றி கழக தலைவர் விஜய் நாளை காரைக்குடி தேவர் சிலை அருகே பிரச்சாரத்தில் ஈடுபட உள்ளார். தமிழக வெற்றிக் கழகத்தினர் அனுமதி கேட்ட இடத்தை மாவட்ட காவல் கண்காணிப்பாளர் சிவ பிரசாத் காரைக்குடி ஏ எஸ் பி ஆசிஸ் புண்ணியா மற்றும் அதிகாரிகள் Dr.பிரபுவிடம் பிரச்சார கூட்டத்திற்கான ஏற்பாடுகள் குறித்து ஆலோசனை நடத்தி ஆய்வு மேற்கொண்டனர்.

 

தமிழக வெற்றி கழகத் தலைவர் விஜய் தேர்தல் பிரச்சாரம்

 

சிவகங்கை மாவட்டம் காரைக்குடி தொகுதியில் தமிழக வெற்றிக்கழக வேட்பாளராக போட்டியிடும் Dr பிரபு மற்றும் சிவகங்கை மானாமதுரை திருப்பத்தூர் ஆகிய தொகுதிகளில் தமிழக வெற்றி கழகம் சார்பில் போட்டியிடும் வேட்பாளர்களை ஆதரித்து நாளை தமிழக வெற்றி கழகத் தலைவர் விஜய் தேர்தல் பிரச்சாரம் மேற்கொள்ள உள்ளார். அதற்காக காரைக்குடி தேவர் சிலை அருகே பகல் 12 மணி முதல் மாலை 4 மணி வரை தேர்தல் பிரச்சார கூட்டத்திற்கு அனுமதி கேட்கப்பட்டுள்ளது. இதையொட்டி  தேர்தல் கமிஷன் அதிகாரிகள் மற்றும் போலீஸ் அதிகாரிகள் ஆலோசனை நடத்தினர்.

 

தேவையான வசதிகளை ஏற்படுத்த வேண்டும்

 

பிரச்சாரத்தை காண வரும் பொதுமக்கள் மற்றும் பெண்கள் இளைஞர்களுக்கு தேவையான குடிநீர் வசதி மருத்துவ வசதிகளை ஏற்படுத்த வேண்டும் என்றும் பகுதியில் உள்ள டிரான்ஸ்பார்மர், மற்றும் மரங்கள் மீது இளைஞர்கள் ஏறாமல் இருப்பதற்காக மரங்களை சுற்றி தகரங்கள் வைத்து அடைக்கும் பணியிலும் ஈடுபட்டு வருகின்றனர். காரைக்குடி சட்டமன்றத் தொகுதி தேர்தல் பொறுப்பாளரும் தேர்தல் நடத்தும் அதிகாரியுமான தேவகோட்டை சார் ஆட்சியர் ஆயுஸ் வெங்கட்டிடம் காவல்துறை அறிக்கை அனுப்பியுள்ளனர். காலை 10 மணி அளவில் விஜய் பிரச்சாரத்திற்கு அனுமதி கிடைக்கும் என தெரிய வருகிறது .

இதையும் படிக்க

அதிமுக தேர்தல் அறிவிப்பை கண் முன் கொண்டுவந்த.. திருப்பரங்குன்றம் வேட்பாளர் - சூப்பர் ஐடியால !

ஜெயிக்க முடியாது என்பதற்கு அவர் என்ன எம்.ஜி.ஆரா? வெறும் பி.டி.ஆர் தான் – சுந்தர் சி சவால் !