Udhayanidhi Net Worth: உதயநிதியின் சொத்து மதிப்பு: எவ்வளவு கோடி, எத்தனை கார்கள் தெரியுமா? - முழு சொத்து விவரம் இதோ
Udhayanidhi Stalin Affidavit: சேப்பாக்கம் தொகுதியில் வேட்புமனுவை தாக்கல் செய்த உதயநிதி ஸ்டாலினின் சொத்து மதிப்பு விவரம் வெளியாகியுள்ளது.
உதயநிதியின் சொத்து மதிப்பு ரூ.20.64 கோடி
2026 சட்டமன்றத்தேர்தலில் திமுக சார்பில் சேப்பாக்கம் தொகுதியில் போட்டியிடும் துணை முதலமைச்சர் உதயநிதி ஸ்டாலினின் சொத்த மதிப்பு குறித்த விவரங்கள் வெளியாகியுள்ளது. இன்று வேட்புமனுவை தாக்கல் செய்த உதயநிதி பெயரில் உள்ள அசையும், அசையா சொத்துகளின் மதிப்பு சுமார் ரூ.20.64 கோடி என வேட்புமனுவுடன் அளிக்கப்பட்ட பிரமாண பத்திரத்தில் தகவல் தெரிவிக்கப்பட்டுள்ளது.
அசையும், அசையா சொத்துகளின் மதிப்பு
அசையும் சொத்துகளின் மதிப்பு ரூ.12.92 கோடி எனவும், அசையா சொத்துகளின் ரூ.7.72 கோடி எனவும் வேட்புமனுவில் குறிப்பிடப்பட்டுள்ளது. மேலும், உதயநிதிக்கு ரூ.1 கோடி மதிப்புள்ள டிஃபெண்டர் காரும், ரூ.23 லட்சம் மதிப்புள்ள இனோவா காரும் இருக்கிறது.
மனைவியின் சொத்து மதிப்பு
துணை முதல்வர் உதயநிதி ஸ்டாலின் மனைவி கிருத்திகா பேரில் ரூ.13.25 கோடி அசையும் சொத்து இருப்பதாகவும் அசையா சொத்து இல்லை என்றும் பிரமாண பத்திரத்தில் தகவல் தெரிவிக்கப்பட்டுள்ளது.
தங்க நகைகள் விவரம்
கிருத்திகா உதயநிதியின் பெயரில் ரூ.1.87 கோடி மதிப்பிலான பழைய தங்க நகைகள் இருக்கிறது. உதயநிதிக்கு தங்கம், வெள்ளி நகைகள் ஏதுமில்லை என வேட்புமனுவில் குறிப்பிடப்பட்டுள்ளது.
நிலம் மற்றும் வீடுகள்
திருவள்ளூர் மாவட்டம் உளுந்தை கிராமத்தில் 10.5 ஏக்கரில் வேளாண் நிலமும், வேளச்சேரியில் நிலமும், ராயப்பேட்டையில் அடுக்குமாடி குடியிருப்பில் ஒரு வீடும் இருப்பதாக தெரிவிக்கப்பட்டுள்ளது.
வழக்குகள்
துணை முதல்வர் உதயநிதி மீது உத்தரபிரதேசம், மகாராஷ்டிரா, ராஜஸ்தான், பீகார், ஜம்மு காஷ்மீரில் தலா ஒரு வழக்கு உள்ளிட்ட 10 வழக்குகள் நிலுவையில் இருப்பதாகவும் வேட்புமனுவில் உள்ளது.
தலைப்பு செய்திகள்
ட்ரெண்டிங் செய்திகள்
