TVK Vijay Campaign: ’’நா நடிகன்தான்..’’ விமர்சனங்களுக்கு இன்ச் பை இன்ச் பதில்.. விஜய் உரை ஹைலைட்ஸ்

TVK Vijay Campaign Today: ’’வெளிய வராத விஜய், நடிகன்தான், கரூர் சம்பவம்..’’ தன்மீது வைக்கப்பட்ட எல்லா விமர்சனங்களுக்கும் பதில் சொன்ன தவெக விஜய்

தவெக விஜய்

Source : சிறப்பு ஏற்பாடு

சென்னை, நந்தனத்தில் தவெக தலைவர் விஜய், நிர்வாகிகள் கூட்டத்தில் உரையாற்றினார். யார் இன்னிக்கு ஸ்க்ரிப்ட் எழுதிக் கொடுத்தது என்று எல்லோரும் கேட்கும் வகையில், அவரின் உரையில் பாஜக, அதிமுகவை சரமாரியாக விளாசினார். 

அதில் அவர் பேசிய உரையின் டாப் ஹைலைட்ஸ்:

• புதுச்சேரியில் சுமார் 90 சதவீத வாக்குப் பதிவு நடந்திருக்கிறது. தமிழ்நாட்டிலும் இதுவே நடக்க வேண்டும்.
• விஜய் வெளியே வருவதே இல்லை என்கிறார்கள். சேலத்துக்கு அருகே எடப்பாடியில் இருந்து நீங்கள் வெளியே வாருங்கள். 10 தோல்வி கண்டவர் என்னை விமர்சிக்கிறார். எடப்பாடி தொகுதியில் சுயேச்சையாகப் போட்டியிடும் பிரேம்குமாருக்கு டிவி சின்னத்தில் டிவிகே தொண்டர்கள் வாக்களிக்க வேண்டும். 
• என்னை எல்லோரும் நடிகன் என்கிறார்கள். நான் நடிகன்தான். ஆனால் உங்களைப் போல் நான் அரசியலில் நடிக்கவில்லை.
• திமுகவுக்கோ அல்லது அதிமுகவுக்கோ வாக்களிப்பது என்பது பாஜகவுக்கு ஓட்டு போடுவதுதான். எல்லோரும் ஏன் என்னை ஒருவனை மட்டுமே எதிர்க்கிறார்கள்? ஏனெனெில் எல்லோரும் ஒரே கூட்டணியில் இருக்கிறார்கள்.
• ஒவ்வொரு வீட்டில் இருக்கும் என்னுடைய குட்டி ரசிகர்களுக்கும் ஒன்று சொல்ல ஆசைப்படுகிறேன். உங்களின் வீட்டில் உள்ள பெற்றோர்கள், உறவினர்கள், சொந்தங்களிடம் விஜய் மாமாவுக்கு ஓட்டு போடுங்கள் என்று மறக்காமல் சொல்லுங்கள்.
• என்னென்னமோ தேர்தல் கருத்துக் கணிப்புகளை வெளியிட்டு வருகிறார்கள். அதை எதையும் நம்பாதீர்கள். மக்கள் விரைவில் பதில் தருவார்கள்.
• ஸ்டாலின் அரசுக்கு நான் என்ன தவறு செய்தேன்? உங்களின் உணவில் மண்ணை அள்ளிப் போட்டேனா? மக்களிடம் நீங்கள் செய்யும் தவறுகளையும் ஊழலையும் வெளிப்படுத்தினேன். அவ்வளவுதான்.
• கரூர் சம்பவத்தில் நான் எந்தத் தவறையும் செய்யவில்லை. காவல்துறை கொடுத்த நேரத்தில் சரியாக வந்தேன். லைவில் எல்லோரும் அதைப் பார்த்தார்கள். உங்களுக்கெல்லாம் மனசாட்சியே இல்லையா? ஏன் எல்லா பழியையும் என்மீது போடுகிறீர்கள்?
• ஏன் உங்களின் அடிமையை (திமுக முன்னாள் அமைச்சர் செந்தில் பாலாஜி) கரூரில் இருந்து கோயம்புத்தூருக்கு அனுப்பி வைத்தீர்கள்?
• தேர்தலுக்குப் பிறகு கட்சியைக் காப்பாற்ற பாஜகவின் காலில் திமுக விழும். பாஜகவின் அடிமையாக யார் இருப்பார்கள் என்பதில் திமுகவுக்கும் அதிமுகவுக்கும் போட்டி உள்ளது. திமுக, மோடி காலில் விழுமா அமித் ஷா காலில் விழுமா என்று பார்ப்போம்.
• நான் பொது மக்களைச் சந்தித்து அவர்களின் குறைகளைக் கேட்க தொடர்ச்சியாக மாவட்ட ஆட்சியர் அலுவலகங்களுக்குச் செல்வேன்.
• ஏப்ரல் 23ஆம் தேதி அன்று, அன்று ஒரே நாள் மட்டும் விஜய் சொல்வதைக் கேளுங்கள். அதன் பிறகு ஒவ்வோர் ஆண்டும் விஜய் நீங்கள் சொல்வதைக் கேட்பான். வெற்றி நிச்சயம். கான்ஃபிடண்ட்டாக இருங்கள். இவ்வாறு விஜய் பேசினார்.

இதையும் படிக்க

TVK Vijay Campaign: ''மே 4 அக்னி நட்சத்திரம்; மக்கள் சூரியனை வெறுத்து ஒதுக்குவார்கள்'’- வெளிப்படையாக சொன்ன விஜய்