Aadhav Arjuna Net Worth: 442 கோடி சொத்து, 490 சவரன் தங்கம், கார்கள்.. ஆச்சர்யபடுத்தும் ஆதவ் அர்ஜூனா சொத்து விவரம் இதோ!

TVK Aadhav Arjuna Affidavit: 442 கோடி சொத்து, 490 சவரன் தங்கம்.. கார்கள்.. தவெக பொதுச் செயலாளர் ஆதவ் அர்ஜூனா சொத்து மதிப்பு விவரம் இதோ!

விஜயுடன் ஆதவ் அர்ஜூனா

Source : சிறப்பு ஏற்பாடு

தமிழ்நாட்டில் தேர்தல் ஜூரம் எல்லோரையும் பற்றிக் கொண்டுள்ளது. திமுக, அதிமுக, நாதக, தவெக என நான்கு முனைப் போட்டி நிலவுகிறது. இதுபோக ராமதாஸ் - சசிகலா கூட்டணியும் களத்தில் இறங்கி உள்ளது.

தவெக தேர்தல் வியூக மேலாண்மை பொதுச் செயலாளர் ஆதவ் அர்ஜூனா அக்கட்சி சார்பில் வில்லிவாக்கம் தொகுதியில் விசில் சின்னத்தில் போட்டியிடுகிறார். இதற்காக வேட்புமனுத் தாக்கல் செய்த ஆதவ், தன்னுடைய பிரமாணப் பத்திரத்தை தேர்தல் ஆணையத்தில் தாக்கல் செய்தார். அதில் அவரின் சொத்து மதிப்புகள் குறித்துக் கூறப்பட்டிருப்பதாவது:

ஆதவ் அர்ஜூனாவிடம் மொத்தம் 180 கோடி ரூபாய் அசையும் சொத்தும் அவரின் மனைவி டெய்ஸியிடம் 162 கோடி ரூபாய் அசையும் சொத்தும் உள்ளன.

அதேநேரத்தில் விவசாய நிலங்களோ, விவசாயம் அல்லாத நிலங்களோ இருவரிடமும் இல்லை என்று பிரமாணப் பத்திரத்தில் தெரிவிக்கப்பட்டுள்ளது. எனினும் வணிக கட்டிடங்கள் இருவர் வசமும் உள்ளன.

அசையா சொத்துகளின் மொத்த மதிப்பு ஆதவ் அர்ஜூனாவிடம் 17.5 கோடி ரூபாயாகவும் அவரின் மனைவியிடம் 83 கோடி ரூபாய் ஆகவும் உள்ளது.

நகைகள் என்னென்ன?

ஆதவ் அர்ஜூனாவிடம் சொந்தமாக 211 சவரன் தங்க நகை அதாவது 1691 கிராம் தங்கம் உள்ளதாகத் தெரிவிக்கப்பட்டுள்ளது. அவரின் மனைவி டெய்ஸி ஆதவ் அர்ஜூனாவிடம் 278 சவரன் நகை, அதாவது 2,225 கிராம் தங்கம் உள்ளது.

இவைபோக 24,109 கிராம் வெள்ளி பொருட்கள் ஆதவின் மனைவி டெய்ஸிடம் உள்ளன. இருவருக்குமே வணிகம் பிரதானத் தொழில் என்று தெரிவிக்கப்பட்டுள்ளது.

என்னென்ன வாகனங்கள்?

• இன்னோவா கிறிஸ்டா
• மாருதி எக்ஸ்எல் 6 ஆல்ஃபா
• ராயல் என்ஃபீல்ட்
• ஸ்போர்ட்ஸ் சைக்கிள்

வழக்குகள் எப்படி?

தவெக தேர்தல் வியூக மேலாண்மை பொதுச் செயலாளர் ஆதவ் அர்ஜூனா மீது ஒரு குற்றவியல் வழக்குகள் நிலுவையில் உள்ளது என்று தெரிவிக்கப்பட்டுள்ளது.

தவெக தலைவர் விஜயின் அசையும் சொத்து மதிப்பு ரூ.404 கோடி (404,58,57,196) என்று  தேர்தல் ஆணையத்தில் பிரமாணப் பத்திரத்தில் தெரிவிக்கப்பட்டுள்ளது. அதேபோல அசையா சொத்து – 115 கோடி ரூபாய் (115,13,63,000) ஆகும். அதேபோல விஜய் மனைவி சங்கீதா பெயரில் 15,51,79,421 (15 கோடி) அசையும் சொத்தும் 2.5 கோடி ரூபாய் (2,50,00,000 ) அசையா சொத்தும் உள்ளன. இதன்மூலம் மொத்தம் ரூ.537 கோடி ரூபாய் சொத்து விஜயிடம் உள்ளதாக, தேர்தல் ஆணையத்திடம் அளிக்கப்பட்ட பிரமாணப் பத்திரத்தில் தெரிவிக்கப்பட்டுள்ளது.

அதேபோல தவெக தலைவர் புஸ்ஸி ஆனந்தின் மொத்த சொத்து மதிப்பு– ரூ.2.04 கோடி என்றும் அவரின் மனைவி அர்லின்லுமா-விடம் – 1.61 கோடி ரூபாய் மதிப்பில் சொத்துகள் உள்ளதாகவும் தெரிவிக்கப்பட்டது குறிப்பிடத்தக்கது.

இதையும் படிக்க

TVK Bussy Anand Assets: தவெக விஜயின் தளபதி; புஸ்ஸி ஆனந்த் எனும் முனுசாமி சொத்து மதிப்பு- இத்தனை கோடி ரூபாயா?

TVK Vijay Affidavit: 500 சவரன் தங்கம், வெள்ளி, ரூ.537 கோடி பணம், கார்கள்… தவெக விஜய் சொத்து மதிப்பு தெரியுமா?