அதிக வாக்கு வித்தியாசத்தில் வென்ற வேட்பாளர்கள்? - மாஸ் காட்டும் தவெக - டாப் 3-இல் இடம்பிடித்தவர்கள் யார்?

Highest Margin Winners, TN Election Results: 2026 தமிழக சட்டமன்றத் தேர்தலில் அதிக வாக்குகள் வித்தியாசத்தில் வெற்றி பெற்றவர்கள் யார்? யார்? என்பதை தெரிந்துக்கொள்ளலாம்.

அதிக வாக்கு வித்தியாசத்தில் வென்றவர்கள்

Source : ஏஐ சித்தரிப்பு படம்

தமிழக சட்டமன்றத் தேர்தலில் அதிகபட்சமாக அதிமுக பொதுச்செயலாளரும் எடப்பாடி தொகுதி வேட்பாளருமான எடப்பாடி பழனிசாமி 98,110 வாக்கு வித்தியாசத்தில் வெற்றி பெற்று முதலிடத்தில் இருக்கிறார். அவருக்கு அடுத்தப்படியாக சோழிங்கநல்லூர் தொகுதி தவெக வேட்பாளர் பி.சரவணன் 96,780 வாக்கு வித்தியாசத்தில் வெற்றி பெற்று இரண்டாமிடத்தில் இருக்கிறார். மாதவரம் தொகுதி தவெக வேட்பாளர் விஜயபிரபு 94,985 வாக்கு வித்தியாசத்தில் வென்று மூன்றாவது இடத்தை பிடித்துள்ளார்.

 

தமிழக சட்டமன்றத் தேர்தலில் யாரும் எதிர்பார்த்திராத வகையில் தவெக 108 இடங்களை பிடித்து வெற்றி பெற்றது. கட்சி தொடங்கி இரண்டு ஆண்டுகளுக்கு தாங்கள் சந்தித்த முதல் தேர்தலிலேயே அக்கட்சியின் வெற்றி பெற்று சாதனை படைத்துள்ளது. இதற்கு மிக முக்கிய காரணம் அக்கட்சியின் தலைவர் விஜயே ஆவார். அவரும் தான் நின்ற பெரம்பூர், திருச்சி ஆகிய இரு தொகுதியிலும் வென்று அசத்தினார். இந்தத் தேர்தலில் வென்றதன் மூலம் தனிப்பெரும் கட்சியாக உருவெடுத்துள்ளது. திமுக கூட்டணி 75 இடங்களை கைப்பற்றியது இரண்டாம் இடத்தை பிடித்தது. அதிமுக கூட்டணி 53 இடங்களை கைப்பற்றியது. இந்தத் தேர்தலில் எந்த கட்சிக்கும் தனிப்பெரும்பான்மை கிடைக்காததால் கூட்டணி ஆட்சி அமைகிறது.

இந்தத் தேர்தலில் அதிக வாக்கு வித்தியாசங்களில் வென்ற வேட்பாளர்கள் யார்? யார்? என்ற விவரங்களையும் தற்போது தெரிந்துக்கொள்ளலாம்.

அதிக வாக்கு வித்தியாசத்தில் வென்றவர்கள்

தொகுதி	வேட்பாளர்	கட்சி	வாக்கு வித்தியாசம்
எடப்பாடி	பழனிசாமி	அதிமுக	98,110
சோழிங்கநல்லூர்	சரவணன்	தவெக	96,780
மாதவரம்	விஜயபிரபு	தவெக	94,984
சேலம் மேற்கு	லட்சுமணன்	தவெக	74,867
பூவிருந்தவல்லி	ஆர். பிரகசம்	தவெக	72,740
திருப்பூர் வடக்கு	சத்தியபாமா	தவெக	69,992
விராலிமலை	விஜயபாஸ்கர்	அதிமுக	62,073
மதுரவாயல்	ரேவந்த் சரண்	தவெக	61,509
அம்பத்தூர்	பாலமுருகன்	தவெக	58,781
பொன்னேரி	எம். எஸ். ரவி	55,768

குறைந்த வாக்கு வித்தியாசத்தில் தோற்றவர்கள்

திருப்பத்தூர் தொகுதியில் திமுக வேட்பாளர் கே.ஆர்.பெரியகருப்பன் ஒரு வாக்கு வித்தியாசத்தில் தோல்வி அடைந்தார். வேப்பனஹள்ளி தொகுதியில் அதிமுக வேட்பாளர் கே.பி.முனுசாமி 138 வாக்கு வித்தியாசத்தில் தோல்வி அடைந்தார். குமரி தொகுதி அதிமுக வேட்பாளர் தளவாய் சுந்தரம் 214 வாக்கு வித்தியாசத்தில் தோல்வி அடைந்தார்.

 

இதையும் படிக்க

NTK Vote Percentage: நாம் தமிழரை காலி செய்த தவெக.. பறிபோன வாக்கு சதவிகிதம்.. குமுறும் தொண்டர்கள்!