Lok Sabha Election Result 2024: இந்திய தேர்தல் வரலாற்றில் புதியசாதனை - சிவராஜ் சிங் சவுகான் 7 லட்சம் வாக்குகளுடன் முன்னிலை
Lok Sabha Election Result 2024: மத்திய பிரதேச முன்னாள் முதலமைச்சர் சிவராஜ் சிங் சவுகான், மக்களவை தேர்தலில் 7 லட்சம் வாக்குகள் வித்தியாசத்தில் முன்னிலையில் உள்ளார்.
Lok Sabha Election Result 2024: இந்திய தேர்தல் வரலாற்றில் அதிக வாக்குகள் வித்தியாசத்தில் வெற்றி பெற்றவர் என்ற சாதனையை, மத்திய பிரதேச முன்னாள் முதலமைச்சர் சிவராஜ் சிங் சவுகான் படைக்க உள்ளார்.
தேர்தல் வரலாற்றில் புதிய சாதனை:
விடிஷா மக்களவை தொகுதியில் போட்டியிட்ட அவர், 3 மணி நிலவரப்படி 9 லட்சத்து 48 ஆயிரத்து 739 வாக்குகளை பெற்றுள்ளார். அவரை தொடர்ந்து காங்கிரஸ் வேட்பாளர் பிரதாபானு ஷர்மா 2 லட்சத்து 47 ஆயிரத்து 643 வாக்குகளையும், பகுஜன் சமாஜ்வாதி கட்சியை சேர்ந்த கிஷான் லால் 8 ஆயிரத்து 998 வாக்குகளையும் பெற்றுள்ளார். இதன் மூலம், 7 லட்சத்து ஓராயிரத்து 96 வாக்குகளுடன் முன்னிலையில் உள்ளார். இதே நிலை தொடரும் பட்சத்தில், இந்திய தேர்தல் வரலாற்றில் அதிக வாக்குகள் வித்தியாசத்தில் வெற்றி பெற்றவர் என்ற, வரலாற்று சிறப்புமிக்க பெருமையை சிவராஜ் சிங் சவுகான் பெறுவார்.
Vidisha Lok Sabha seat | BJP leader and former Madhya Pradesh CM Shivraj Singh Chouhan is leading by 7,01,096 votes pic.twitter.com/74pCgZYuEy
— ANI (@ANI) June 4, 2024
சிவராஜ் சிங் சவுகான் முதலிடம்
முன்னதாக, கடந்த 2019ம் ஆண்டு தேர்தலில் குஜராத் மாநிலத்தின் நவசரி தொகுதியில், பாஜக சார்பில் போட்டியிட்டு சி.ஆர். பட்டீல் 6 லட்சத்து 89 ஆயிரத்து 668 வாக்குகள் வித்தியாசத்தில் வெற்றி பெற்றார். அதன்படி, அதிக வாக்குகள் வித்தியாசத்தில் வெற்றி பெற்றவர்களின் பட்டியலில் முதலிடம் பிடித்து இருந்தார். இந்த சூழலில் அந்த சாதனையை சிவராஜ் சிங் சவுகான் முறியடித்துள்ளார். இதனிடையே, 3 மணி நிலவரப்படி, உள்துறை அமைச்சரான அமித் ஷா 6.3 லட்சம் வாக்குகள் வித்தியாசத்தில், தன்னை எதிர்த்து போட்டியிட்டவர்களை விட முன்னிலை வகிக்கிறார்.
3. அனில் பாசு:
கடந்த 2004ம் ஆண்டு தேர்தலில் மேற்குவங்க மாநிலத்தின் அரம்பாக் தொகுதியில், மார்க்சிஸ்ட் கம்யூனிஸ்ட் கட்சி சார்பில் போட்டியிட்ட அனில் பாசு 5 லட்சத்து 92 ஆயிரத்து 502 வாக்குகள் வித்தியாசத்தில் வெற்றி பெற்றார்.
4. நரேந்திர மோடி:
கடந்த 2014ம் ஆண்டு தேர்தலில் உத்தரபிரதேச மாநிலத்தின் வாரணாசி தொகுதியில், பாஜக சார்பில் போட்டியிட்ட நரேந்திர மோடி 5 லட்சத்து 70 ஆயிரத்து 128 வாக்குகள் வித்தியாசத்தில் வெற்றி பெற்றார்.
5. ராம் விலாஸ் பஸ்வான்
கடந்த 1989ம் ஆண்டு தேர்தலில் பீகார் மாநிலத்தின் ஹஜ்புர் தொகுதியில், ஜனதா தளம் சார்பில் போட்டியிட்ட ராம் விலாஸ் பஸ்வான் 5 லட்சத்து 4 ஆயிரத்து 448 வாக்குகள் வித்தியாசத்தில் வெற்றி பெற்றார்.
6. சி.எம். சாங்:
கடந்த 2009ம் ஆண்டு தேர்தலில் நாகலாந்து மாநிலத்தின் நாகலாந்து தொகுதியில், நாகலாந்து மக்கள் முன்னணி கட்சி சார்பில் போட்டியிட்ட சி.எம். சாங் 4 லட்சத்து 83 ஆயிரத்து 21 வாக்குகள் வித்தியாசத்தில் வெற்றி பெற்றார்.
தலைப்பு செய்திகள்
ட்ரெண்டிங் செய்திகள்
