Kerala Election 2026 Survey: கேரளாவில் ஆட்சி யாருக்கு? வெளியானது தேர்தலுக்கு முந்தைய கருத்துக்கணிப்பு!

Kerala Election 2026 Opinion Poll:கேரளாவில் சட்டமன்றத் தேர்தலுக்கு முந்தைய கருத்துக்கணிப்பு வெளியாகியுள்ளது.

கேரள சட்டமன்றம்

Source : twitter

Kerala Election 2026 Opinion Poll: தமிழ்நாட்டின் அண்டை மாநிலமான கேரளாவில் வரும் 9ம் தேதி தேர்தல் ஒரே கட்டமாக நடைபெற உள்ளது. அந்த மாநிலத்தில் மார்க்சிஸ்ட் கம்யூனிஸ்ட் கட்சி தலைமையிலான கூட்டணிக்கும், காங்கிரஸ் தலைமையிலான கூட்டணிக்கும் இடையே போட்டி நிலவுகிறது. 

தேர்தலுக்கு முந்தைய கருத்துக்கணிப்பு:

இந்த நிலையில், அங்கு தேர்தலுக்கு முந்தைய கருத்து கணிப்பு வெளியாகியுள்ளது. லோக்பால் வெளியிட்டுள்ள கருத்துக்கணிப்பில் மார்க்சிஸ்ட் தலைமையிலான இடதுசாரி கூட்டணி ஆட்சியை இழக்கும் என்று கணிக்கப்பட்டுள்ளது. மீண்டும் கேரளாவில் காங்கிரஸ் தலைமையிலான ஐக்கிய ஜனதாதள கூட்டணி அமையும் என்று கணிக்கப்பட்டுள்ளது. பாஜக-வின் என்டிஏ கூட்டணி 1 முதல் 2 இடங்கள் கைப்பற்றும் என்று கருதப்படுகிறது.

ஐக்கிய ஜனதா தளம் - 77 முதல் 81 இடங்கள்

இடதுசாரி கூட்டணி - 58 முதல் 62 இடங்கள்

என்டிஏ கூட்டணி - 1-2 இடங்கள்

மற்றவை - 0

Presenting our updated and final mega pre-poll projections for the poll-bound state of #Keralam, based on our ground survey conducted from March 14 to 31.

▪️ LDF 58 - 62 | 39-41%
▪️ UDF 77 - 81 | 42-44%
▪️ NDA 1 - 2 | 14-16%

Sample size: 36,400… pic.twitter.com/oTFr44cqyy

— Lok Poll (@LokPoll) April 3, 2026

ஆட்சியைக் கைப்பற்றப்போவது யார்?

கேரளாவில் மொத்தமுள்ள 140 தொகுதிகளில் காங்கிரஸ் தலைமையிலான ஐக்கிய ஜனநாயக கூட்டணி 77 முதல் 81 இடங்களைக் கைப்பற்றும் என்று கணிக்கப்பட்டுள்ளது. அதாவது, 42 முதல் 44 சதவீத வாக்குகளைப் பெற்று ஆட்சியைப் பிடிப்பார்கள் என்று கணிக்கப்பட்டுள்ளது. 

தற்போது ஆட்சியில் உள்ள மார்க்சிஸ்ட் தலைமையிலான இடதுசாரி கூட்டணி 39 முதல் 41 சதவீதம் வாக்குகளைப் பெறுவார்கள் என்று கணிக்கப்பட்டுள்ளது. இதன்படி, அவர்கள் 58 முதல் 62 தொகுதிகளைப் பெறுவார்கள் என்று கருதப்படுகிறது. பாஜக-வின் என்டிஏ கூட்டணி 1 முதல் 2 தொகுதிகளைப் பிடிக்கும் என்று கருதப்படுகிறது. மற்ற கட்சியினர் 2 முதல் 3 சதவீதம் வரை வாக்குகள் பெறுவார்கள் என்று கருதப்படுகிறது. இந்த கருத்துக்கணிப்பு கடந்த 14ம் தேதி முதல் 31ம் தேதி வரை எடுக்கப்பட்டுள்ளது.

கூட்டணி:

காங்கிரஸ் தலைமையிலான ஐக்கிய ஜனநாயக கூட்டணியில் காங்கிரஸ், இந்திய யூனியன் முஸ்லீம் லீக், கேரள காங்கிரஸ், புரட்சிகர சோசியலிஸ கட்சி, கேரள காங்கிரஸ் ( ஜேக்கப்) கட்சி இடம்பிடித்துள்ளது. இடதுசாரி கூட்டணியில் மார்க்சிஸ்ட், கம்யூனிஸ்ட், கேரளா காங்கிரஸ் ( மணி), தேசியவாத காங்கிரஸ், ராஷ்ட்ரிய ஜனதா தளம், இந்திய சோசியலிஸ ஜனதா தளம், இந்திய தேசிய லீக் உள்ளிட்ட பல கட்சிகள் உள்ளது.

கேரளாவில் ஒரே கட்டமாக சட்டசபைத் தேர்தல் நடைபெற உள்ளது. கேரளாவிற்கு தேர்தல் நடைபெறும் நாளில் புதுச்சேரி மற்றும் அசாம் ஆகிய மாநிலங்களுக்கும் தேர்தல் நடைபெற உள்ளது.