Sengottaiyan: இலை டூ விசில்; எம்ஜிஆர் டூ விஜய்.. சாதித்த செங்கோட்டையன் - கோபியில் முன்னிலை!
Gobichettipalayam Election Result 2026: தவெக இளைஞர்கள் மத்தியில் அதிக வரவேற்பைப் பெற்றுள்ளது. விஜயின் முகமும் செங்கோட்டையனின் செல்வாக்கும் இணைந்து தவெகவுக்கும் வாய்ப்புகளை உருவாக்கி உள்ளது.
தமிழ்நாட்டின் நட்சத்திர தொகுதியான கோபிச்செட்டி பாளையத்தில் தவெகவின் தலைமை ஒருங்கிணைப்பாளர் செங்கோட்டையன் முன்னிலையில் உள்ளார்.
அதிமுகவின் கோட்டையாகக் கருதப்படுவது கொங்கு மண்டலம். கடந்த 2021 தேர்தலில் அதிமுக ஆட்சியை இழந்தாலும் கொங்கு மண்டலத்தில் கணிசமான தொகுதிகளைக் கைப்பற்றியது. அந்த வகையில் கோபிச்செட்டி பாளையத்தில் யார் வெல்வார் என்று எதிர்பார்ப்பு எழுந்துள்ளது.
கோபியில் 8 முறை எம்எல்ஏ
1980 முதல் கோபி தொகுதியில் சட்டமன்ற உறுப்பினராக இருப்பவர் செங்கோட்டையன். 2001ஆம் ஆண்டில் மட்டும் அவருக்கு தேர்தலில் போட்டியிட வாய்ப்பு அளிக்கப்படவில்லை. முன்னதாக 1977ஆம் ஆண்டே சத்தியமங்கலம் தொகுதியில் போட்டியிட்டு எம்எல்ஏவாக ஆனவர், கோபியில் 8 முறை எம்எல்ஏவாக இருந்துள்ளார்.
கோபிச்செட்டி பாளையத்தைப் பொறுத்தவரை அது அதிமுகவின் கோட்டை. இரட்டை இலையின் கோட்டை. செங்கோட்டையனின் கோட்டையாகவும் இருந்து வருகிறது. இந்த நிலையில் அதிமுக பொதுச் செயலாளர் எடப்பாடி பழனிசாமியுடன் ஏற்பட்ட மோதல் காரணமாக, அதிமுகவில் இருந்து செங்கோட்டையன் நீக்கப்பட்ட நிலையில், விஜய் முன்னிலையில் தமிழக வெற்றிக் கழகத்தில் இணைந்தார்.
கோபியில் யாருக்கு வாய்ப்பு? மும்முனைப் போட்டியா?
இதனால் கோபி தொகுதியில் இரட்டை இலை வாக்குகளும் செங்கோட்டையனுக்கான வாக்குகளும் பிரிகின்றன. இது திமுகவுக்கான வாய்ப்புகளை அதிகரிக்கும் என்று அக்கட்சி நம்பிக்கையாக உள்ளது.
அதே நேரத்தில் தவெகவின் தாக்கம் இளைஞர்கள் மத்தியில் அதிக வரவேற்பைப் பெற்றுள்ளது. விஜயின் முகமும் செங்கோட்டையனின் செல்வாக்கும் இணைந்து தவெகவுக்கும் வாய்ப்புகளை உருவாக்கி உள்ளது.
முஷ்டியை முறுக்கும் அதிமுக
யார் எப்படி நின்றாலும் ‘’நாமதான்’’ என்று அதிமுக தன் பங்குக்கு முஷ்டியை முறுக்கி நிற்கிறது. இதனால் அந்தத் தொகுதியில் மும்முனைப் போட்டி நிலவி வந்தது.
இந்த நிலையில், செங்கோட்டையன் விசில் சின்னத்தில் போட்டியிட்டு, 19,894 வாக்குகளைப் பெற்று முன்னிலையில் உள்ளார். அவர் தற்போது 4,345 வாக்குகள் முன்னிலையில் உள்ளார்.
தலைப்பு செய்திகள்
ட்ரெண்டிங் செய்திகள்
