UPSC CSE Admit Card: 2022 யூபிஎஸ்சி முதல்நிலைத் தேர்வு ஹால்டிக்கெட் வெளியீடு - டவுன்லோடு செய்வது எப்படி?

2022ஆம் ஆண்டுக்கான யூபிஎஸ்சி முதல்நிலைத் தேர்வுக்கான ஹால்டிக்கெட்டுகள் வெளியிடப்பட்டுள்ளன.

யூபிஎஸ்சி முதல்நிலைத் தேர்வு | கோப்புப்படம்

2022ஆம் ஆண்டுக்கான யூபிஎஸ்சி முதல்நிலைத் தேர்வுக்கான ஹால்டிக்கெட்டுகள் வெளியிடப்பட்டுள்ளன. தேர்வுக்கு விண்ணப்பித்துள்ள மாணவர்கள், யூபிஎஸ்சி இணையதளத்துக்குச் சென்று தரவிறக்கம் செய்துகொள்ளலாம். 

மத்திய அரசுப் பணியாளர் தேர்வாணையம் (யூபிஎஸ்சி)  சார்பில் ஆண்டுதோறும் சிவில் சர்வீஸ் தேர்வு நடத்தப்படுகிறது. இந்தத் தேர்வுகள் முதல்நிலைத் தேர்வு, முதன்மைத் தேர்வு, நேர்காணல் என மொத்தம் 3 கட்டங்களாக நடைபெறுகின்றன. ஏதாவது ஓர் இளங்கலைப் பட்டம் முடித்திருக்கும் தேர்வர்கள், யூபிஎஸ்சி தேர்வை எழுதலாம்.

தேர்வு முறை எப்படி?

முதல்நிலைத் தேர்வில் வெற்றி பெறும் தேர்வர்களுக்கு முதன்மைத் தேர்வு நடத்தப்படுகிறது. அதில் தேர்ச்சி பெறுபவர்கள் நேர்முகத் தேர்வை எதிர்கொள்ள வேண்டும். 3 கட்டங்களிலும் தேர்வர்கள் பெறும் மதிப்பெண்கள் அடிப்படையிலும் ஒவ்வோர் ஆண்டும் ஏற்படும் காலிப் பணியிடங்களுக்கு ஏற்பவும் பணிகள் ஒதுக்கப்படுகின்றன.

ஐஏஎஸ், ஐபிஎஸ், ஐஎஃப்எஸ், குரூப் ஏ, குரூப் பி உள்ளிட்ட பல்வேறு பிரிவுகளில் உள்ள காலிப் பணியிடங்களுக்குத் தேர்வு நடத்தப்படுகிறது. 

இந்த நிலையில் 2022ஆம் ஆண்டுக்கான யூபிஎஸ்சி முதல்நிலைத் தேர்வுக்கான ஹால்டிக்கெட்டுகள் வெளியிடப்பட்டுள்ளன.

ஹால்டிக்கெட்டைப் பதிவிறக்கம் செய்வது எப்படி?

* தேர்வுக்கு விண்ணப்பித்துள்ள மாணவர்கள் upsc.gov.in மற்றும் upsconline.nic.in ஆகிய இணையதளங்களில் ஏதேனும் ஒன்றை க்ளிக் செய்துகொள்ள வேண்டும். 

* UPSC CSE prelims 2022  என்ற பக்கத்தை க்ளிக் செய்யவும். 

* தேவையான தகவல்களை அளித்து சப்மிட் கொடுக்கவும்

* இனி ஹால்டிக்கெட்டைப் பதிவிறக்கம் செய்துகொள்ளலாம்.

2022ஆம் ஆண்டுக்கான யூபிஎஸ்சி முதல்நிலைத் தேர்வு ஜூன் 6ஆம் தேதி நடைபெற உள்ளது. இதற்கான விண்ணப்பப் பதிவு ஃபிப்ரவரி 22ஆம் தேதி வரை நடைபெற்றது. இந்த நிலையில் இன்று யூபிஎஸ்சி தேர்வுக்கான ஹால்டிக்கெட்டுகள் வெளியிடப்பட்டுள்ளன. 

கூடுதல் தகவல்களுக்கு: https://upsconline.nic.in/eadmitcard/admitcard_csp_2022/instructions.php

இந்த ஆண்டில் மட்டும் 861 காலிப் பணியிடங்கள் நிரப்பப்பட உள்ளன. கடந்த ஆண்டுடன் ஒப்பிடுகையில் இந்த எண்ணிக்கை அதிகம். கடந்த ஆண்டில் 712 காலிப் பணியிடங்கள் உண்டாகின. 2020ம் ஆண்டில் 796 காலிப் பணியிடங்களும், 2019ம் ஆண்டில் 896 காலிப்பணியிடங்களும், 2018ல் 782 காலிப் பணியிடங்களும் சிவில் சர்வீஸ் தேர்வுகள் மூலம் நிரப்பப்பட்டன.

*

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண