UPSC Result 2022 TN List: யூபிஎஸ்சி தேர்வுகளில் தமிழ்நாட்டில் இருந்து 42 பேர் தேர்ச்சி; வெளியான முழு பட்டியல் இதோ!
UPSC Result 2022 Tamil Nadu List: 2022ஆம் ஆண்டு தேர்வுக்கான யூபிஎஸ்சி இறுதி முடிவுகள் வெளியிடப்பட்டுள்ளன. இதில் தமிழ்நாட்டில் இருந்து 42 பேர் தேர்ச்சி பெற்றுள்ளனர்.
UPSC Result 2022 Tamil Nadu List: ஐஏஎஸ், ஐபிஎஸ், ஐஎஃப்எஸ் உள்ளிட்ட பணிகளுக்கு நடத்தப்பட்ட 2022ஆம் ஆண்டு தேர்வுக்கான யூபிஎஸ்சி இறுதி முடிவுகள் வெளியிடப்பட்டுள்ளன. இதில் தமிழ்நாட்டில் இருந்து 42 பேர் தேர்ச்சி பெற்றுள்ளனர்.
மத்திய அரசுப் பணியாளர் தேர்வாணையம் (யூபிஎஸ்சி) சார்பில் ஆண்டுதோறும் சிவில் சர்வீஸ் எனப்படும் குடிமைப் பணித் தேர்வுகள் நடத்தப்படுகின்றன. ஐஏஎஸ், ஐபிஎஸ், ஐஎஃப்எஸ், குரூப் ஏ, குரூப் பி உள்ளிட்ட பல்வேறு பிரிவுகளில் உள்ள காலிப் பணியிடங்களுக்குத் தேர்வு நடத்தப்படுகிறது. இந்தத் தேர்வுகள் முதல்நிலைத் தேர்வு, முதன்மைத் தேர்வு, நேர்காணல் என மொத்தம் 3 கட்டங்களாக நடைபெறுகின்றன. ஏதாவது ஓர் இளங்கலைப் பட்டம் முடித்திருக்கும் தேர்வர்கள், யூபிஎஸ்சி தேர்வை எழுதலாம்.
இந்த நிலையில் 20222ஆம் ஆண்டுக்கான இந்தியக் குடிமைப் பணி முதல்நிலைத் தேர்வு கடந்த ஆண்டு ஜூன் 5ஆம் தேதியன்று நடத்தப்பட்டது. இதில் தேர்ச்சி பெற்ற மாணவர்களுக்கு செப்டம்பர் 16ஆம் தேதி முதல் 25ஆம் தேதி வரை முதன்மைத் தேர்வுகள் நடைபெற்றன. இந்தத் தேர்வின் முடிவுகள் டிசம்பர் 6ஆம் தேதி அன்று
வெளியாகின.
முதன்மைத் தேர்வில் வெற்றி பெற்ற மாணவர்களுக்கு 2023ஆம் ஆண்டு மார்ச் 13 முதல் மே 18 வரை தலைநகர் டெல்லியில் நேர்முகத் தேர்வு நடைபெற்றது. இவர்களுக்கான தேர்வு முடிவுகள் இன்று (23.05.2023) அறிவிக்கப்பட்டன. இதில் 933 பேர் தேர்ச்சி பெற்ற நிலையில், தமிழ்நாட்டில் இருந்து 42 பேர் தேர்ச்சி பெற்றுள்ளனர்.
முதல் முயற்சியிலேயே வெற்றி
தமிழ்நாட்டைப் பொறுத்தவரை சென்னை, பெரம்பூரைச் சேர்ந்த ஜீ ஜீ என்னும் மாணவி, 107ஆவது இடத்தைப் பிடித்து, முதலிடத்தைப் பெற்றுள்ளார். இவர் முதல் முயற்சியிலேயே வெற்றி பெற்றவர் ஆவார்.
அதை அடுத்து, கோவில்பட்டியைச் சேர்ந்த ராமகிருஷ்ண சாமி என்ற தேர்வர் யூபிஎஸ்சி தேர்வில் 117ஆவது இடத்தைப் பிடித்து தேர்ச்சி பெற்றுள்ளார். அதேபோல சென்னையைச் சேர்ந்த மதிவதனி ராவணன் என்ற தேர்வர், 447ஆவது இடத்தைப் பிடித்துள்ளார்.
குடியரசு என்னும் தேர்வர், 849ஆவது இடத்தைப்பிடித்துள்ளார். அருண் என்னும் தேர்வர் 436ஆம் இடத்தையும் , கார்த்திக் என்னும் தேர்வர்கள் 488ஆவது இடத்தையும் பிடித்துள்ளனர். எழிலரசன் என்னும் தேர்வர் 523ஆவது இடத்தைப் பிடித்துள்ளார்.
ஏற்கெனவே குடிமைப் பணியில் இருந்த குடியரசு என்னும் தேர்வர் 849ஆவது இடத்தையும் ராகுல் என்னும் தேர்வர் 858ஆவது இடத்தையும் பிடித்துள்ளனர்.
தமிழ்நாட்டில் இருந்து தேர்வான 42 பேரின் பட்டியல் இதோ..!
| வ.எண் | ரேங்க் | பெயர் |
| 1 | 107 | ஜீ ஜீ |
| 2 | 117 | ராமகிருஷ்ணசாமி ஆர் |
| 3 | 118 | சுபாஷ் கார்த்திக் |
| 4 | 147 | சரவணன் |
| 5 | 168 | அக்ஷயா |
| 6 | 169 | சைத்ரியா கவின் |
| 7 | 229 | அஸ்வினி ஜி |
| 8 | 232 | அனுக்ரஹா வி |
| 9 | 235 | சிவா ரஞ்சினி |
| 10 | 289 | ஹரினி கே.ஆர். |
| 11 | 291 | இஷானி ஆனந்த் |
| 12 | 361 | அரவிந்த் ராதாகிருஷ்ணன் |
| 13 | 427 | வைஷாலி ஆர் |
| 14 | 436 | அருண் |
| 15 | 447 | மதிவதனி |
| 16 | 459 | சாணக்ய உதயகிரி |
| 17 | 461 | அருண் குமார் |
| 18 | 472 | லட்சுமி பிரபா |
| 19 | 487 | சரவணன் |
| 20 | 488 | கார்த்திக் |
| 21 | 509 | அஞ்சலி |
| 22 | 518 | சத்ய பார்வதி |
| 23 | 523 | எழிலரசன்.வி. |
| 24 | 524 | டேனியல் ராஜ்.சி. |
| 25 | 578 | சிவபிரகாஷ் எஸ்.வி. |
| 26 | 612 | முகமது யாக்கூப் |
| 27 | 621 | சுப்புராஜ் |
| 28 | 629 | அபினேஷ் குமார் |
| 29 | 698 | மணிமாலா.என். |
| 30 | 731 | டி.வசுமதி |
| 31 | 757 | பிரதீப்.ப. |
| 32 | 761 | பி அஸ்வின் |
| 33 | 764 | சந்தீப் டி |
| 34 | 784 | கார்த்திக் கன்சால் |
| 35 | 847 | ஸ்ரீநாத் டி |
| 36 | 849 | குடியரசு |
| 37 | 857 | ரவி மீனா |
| 38 | 858 | ராகுல் |
| 39 | 884 | ராஜேஷ் |
| 40 | 577 | மோகனப்பிரியா |
| 41 | 528 | சுஷ்மிதா |
இதையும் வாசிக்கலாம்: UPSC Exam Results: 2022 யூ.பி.எஸ்.சி. தேர்வு இறுதி முடிவுகள் வெளியீடு; 933 பேர் தேர்ச்சி- காண்பது எப்படி?
தலைப்பு செய்திகள்
ட்ரெண்டிங் செய்திகள்
