TNUSRB SI: வெற்றி நிச்சயம்! போட்டித் தேர்வுகளுக்கு இலவச பயிற்சி வகுப்புகள், வழிகாட்டல்- உடனே சேருங்கள்!

பயிற்சி வகுப்புகளானது 10.10.2025 அன்று முதல் திங்கள் - வெள்ளி வரையிலான அனைத்து வேலை நாட்களிலும் பிற்பகல் 2 மணி முதல் மாலை 5 மணி வரை நடைபெற்று வருகின்றது.

தேர்வர்கள் | கோப்புப்படம்

Source : சிறப்பு ஏற்பாடு

வேலைவாய்ப்பு மற்றும் பயிற்சி துறையின் கீழ் இயங்கி வரும் பயிற்சி மாநில தொழில்நெறி வழிகாட்டும் மையத்தில், உளவியல் பகுப்பாய்வு சோதனைகளுடன் கூடிய வழிகாட்டுதல், பள்ளி மாணவர்கள், கல்லூரி மாணவர்களுக்கு தொழில்நெறி வழிகாட்டுதல் மற்றும் ஆலோசனைகள் வழங்குதல், போட்டித் தேர்வுகளுக்கான நேரடி வகுப்புகள் மற்றும் மாதிரித் தேர்வுகள், கல்வி தொலைக்காட்சி வாயிலாக போட்டித் தேர்வுகளுக்கான பயிற்சி வகுப்புகள் நடத்துதல் ஆகிய பணிகள் மேற்கொள்ளப்படுகின்றன.

இதனில் போட்டித் தேர்வுகளுக்கு, திறமையான, அனுபவமிக்க பயிற்றுநர்களைக் கொண்டு பயிற்சி வகுப்புகள் நடத்தப்பட்டு வருகின்றன. மேலும் பாடக் குறிப்புகள், தினசரி, மாத இதழ்கள், முந்தைய ஆண்டு வினாத்தாள்கள் ஆகியவை வழங்கப்படுவதுடன் பாடவாரியான துணைத் தேர்வுகள், மாதிரித் தேர்வுகள் ஆகியவையும் நடத்தப்பட்டு வருகின்றன.

 அக்டோபர் 10 முதல் பயிற்சி வகுப்புகள்

இப்பொருள் தொடர்பில், TNUSRB - SI போட்டித் தேர்வுக்கான பயிற்சி வகுப்புகளானது 10.10.2025 அன்று முதல் திங்கள் - வெள்ளி வரையிலான அனைத்து வேலை நாட்களிலும் பிற்பகல் 2 மணி முதல் மாலை 5 மணி வரை நடைபெற்று வருகின்றது.

பயிற்சி வகுப்பின் விவரங்கள் பின்வருமாறு:

பயிற்சி வகுப்பு - TNUSRB SI (10.10.2025 முதல்)

பயிற்சி வகுப்பின் நேரம் - பிற்பகல் 2 மணி முதல் மாலை 5 மணி வரை (திங்கள் முதல் வெள்ளி வரையிலான அனைத்து வேலை நாட்களிலும்)

எனவே, TNUSRB SI போட்டித்தேர்வுக்கு தயாராகும் மாணவர்கள் இப்பயிற்சி மாநில வகுப்பில் நேரடியாக கலந்து கொண்டு பயனடையுமாறு தொழில்நெறி வழிகாட்டும் மையத்தின் முதன்மை செயல் அலுவலர் மற்றும் வேலைவாய்ப்பு மற்றும் பயிற்சி துறையின் இயக்குநர் டாக்டர்.சி.பழனி தெரிவித்துள்ளார்.

விருப்பமுள்ள போட்டித் தேர்வர்கள் கீழ்கண்ட முகவரியில் நேரில் அணுகவும்:

மாநில தொழில்நெறி வழிகாட்டும் மையம்,

A-28. முதல் தளம், டான்சி கட்டிடம்.

திரு.வி.க. தொழிற்பேட்டை, 32.

கிண்டி, சென்னை-

தொலைபேசி எண்: 044-22500134, 9361566648