TNTET: வெளியான டெட் தேர்வு முடிவுகள்; இன்று முதல் தகுதிச் சான்றிதழ்- பெறுவது எப்படி?

TNTET 2026: டெட் தகுதித் தேர்வு முடிவுகள் இறுதி விடைக் குறிப்புகள் மற்றும் தேர்வர்களின் மதிப்பெண் பட்டியலுடன் வெளியீடு-ஆசிரியர் தேர்வு வாரியம்.

By : க.சே.ரமணி பிரபா தேவி | Updated at : 02 Feb 2026 04:44 PM (IST)

TNTET exam results 2026 released TRB know how to get it TNTET: வெளியான டெட் தேர்வு முடிவுகள்; இன்று முதல் தகுதிச் சான்றிதழ்- பெறுவது எப்படி?

ஆசிரியர் தேர்வு வாரியம்

Source : சிறப்பு ஏற்பாடு

கடந்த நவம்பர் மாதம் நடைபெற்ற ஆசிரியர் தகுதித் தேர்வின் முடிவுகளை அண்மையில் ஆசிரியர் தேர்வு வாரியம் வெளியிட்ட நிலையில், அதன் தகுதிச் சான்றிதழ்களை இன்று (பிப்.2) முதல் பெறலாம் என்று ஆசிரியர் தேர்வு வாரியம் அறிவித்துள்ளது. தேர்ச்சி மதிப்பெண்கள் 5 குறைக்கப்பட்ட நிலையில், திருத்தப்பட்ட மதிப்பெண்களை அடிப்படையாகக் கொண்டு தகுதித் தேர்வு முடிவுகள் அறிவிக்கப்பட்டு உள்ளன.

இதுகுறித்து ஆசிரியர் தேர்வு வாரியம் கூறியது என்ன?

டிஆர்பியின் அறிவிக்கை எண். 03/2025, நாள் 11.08.2025-ன்படி 2025ஆம் ஆண்டிற்கான ஆசிரியர் தகுதித் தேர்வுகள் தாள் – I, 15.11.2025 அன்றும் தாள் - II 16.11.2025 அன்றும் நடத்தப்பட்டது. இதற்கான தற்காலிக உத்தேச விடைக்குறிப்புகள் (Tentative Key Answer) ஆசிரியர் தேர்வு வாரிய இணையதளத்தில் www.trb.tn.gov.in-ல் 25.11.2025 அன்று Objection Tracker உடன் வெளியிடப்பட்டது.

தற்காலிக விடைக் குறிப்பிற்கு 25.11.2025 முதல் 03.12.2025 பிற்பகல் 5.00 மணி வரை தேர்வர்கள் இணையவழியில் தங்களது ஆட்சேபணைகளை (Objections) தெரிவிக்க வாய்ப்பு வழங்கப்பட்டது. அதன் அடிப்படையில் மேற்காண் தேதிகளில் பெறப்பட்ட அனைத்து ஆட்சேபணைகளையும் பாடவாரியாக வல்லுநர்குழு அமைக்கப்பட்டு முழுமையாக ஆய்வு செய்யப்பட்டது.

குறைந்தபட்சத் தகுதி மதிப்பெண்கள் அடிப்படையில் தேர்வு

ஆய்வுக்குப் பின் வல்லுநர்கள் குழுவால் இறுதி செய்யப்பட்ட விடைக் குறிப்புகளின் அடிப்படையில் தேர்வு எழுதிய தேர்வர்களது OMR விடைத்தாள் மதிப்பீடு செய்யப்பட்டன. அரசாணை (நிலை) எண் 23 பள்ளிக் கல்வித் (TRB) துறை, நாள் 28.01.2026 ல் தெரிவிக்கப்பட்டுள்ள குறைந்தபட்சத் தகுதி மதிப்பெண்கள் அடிப்படையில் தேர்வு முடிவுகள் வெளியிடப்படுகிறது.

இன்று முதல் தகுதிச் சான்றிதழ்

இத்துடன் இறுதி விடைக்குறிப்புகள் மற்றும் தேர்வர்களின் மதிப்பெண் பட்டியல் வெளியிடப்படுகிறது. தகுதி பெற்ற தேர்வர்கள், இன்று (02.02.2026) பிற்பகல் முதல் அவர்களது தகுதிச் சான்றிதழ் (e-certificate) ஆசிரியர் தேர்வு வாரிய இணையதளத்தில் www.trb.tn.gov.in-ல் பதிவிறக்கம் செய்துகொள்ளலாம் என்று ஆசிரியர் தேர்வு வாரியம் தெரிவித்துள்ளது.

தேர்வர்கள் https://trb1.ucanapply.com/login என்ற இணைப்பில் தேர்வு முடிவுகளை அறிந்துகொள்ளலாம். அதேபோல https://trb.tn.gov.in/more_notification_details.php?id=MN-999 என்ற இணைப்பில் தமிழ் மொழியில் தேர்வு எழுதியவர்களுக்கான மதிப்பெண்கள் வெளியிடப்பட்டு உள்ளன.

கூடுதல் தகவல்களுக்கு: www.trb.tn.gov.in

வேறு ஏதேனும் சந்தேகங்கள் இருந்தால் 1800 425 6753 என்ற தொலைபேசி எண்ணைத் தொடர்பு கொள்ளலாம்.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.