TNEA Supplementary Counselling: பொறியியல் படிப்பு துணைக் கலந்தாய்வுக்கு இன்று முதல் விண்ணப்பிக்கலாம்- எப்படி?

TNEA Supplementary Counselling 2024 Registration: துணைத்‌ தேர்வில்‌ தேர்ச்சி பெற்ற தமிழ்நாடு மாணாக்கர்கள்‌ மற்றும்‌ 2024 பொதுக்‌ கலந்தாய்வில்‌ கலந்து கொள்ளாதவர்களும்‌ விண்ணப்பத்தை பதிவு செய்யலாம்‌.

மாணவி | சித்தரிப்புப்படம்

Source : ABPLIVE AI

தமிழகத்தில் பொறியியல் படிப்புகளில் சேர நடத்தப்படும் துணைக் கலந்தாய்வுக்கு இன்று முதல் விண்ணப்பிக்கலாம் என்று தமிழ்நாடு பொறியியல் சேர்க்கை மையம் தெரிவித்துள்ளது.

B.E., B.Tech., பொறியியல்‌ பட்டப் படிப்பு மாணாக்கர்‌ சேர்க்கைக்கான துணைக்‌ கலந்தாய்வு குறித்த அறிவிப்பு வெளியாகி உள்ளது.

இதன்படி, தமிழ்நாடு பொறியியல்‌ சேர்க்கை 2024- 25 பொதுக்‌ கலந்தாய்வின்‌ முடிவில்‌ நிரப்பப்படாமல்‌ உள்ள இடங்களுக்கு, 12- ஆம்‌ வகுப்பு பொது (அகாடமிக்) மற்றும்‌ தொழிற்‌ கல்வி (vocational) பயின்று சிறப்பு துணைத்‌ தேர்வில்‌ தேர்ச்சி பெற்ற தகுதி வாய்ந்த தமிழ்நாட்டைச்‌ சார்ந்த மாணாக்கர்கள்‌ மற்றும்‌ 2024-பொதுக்‌ கலந்தாய்வில்‌ கலந்து கொள்ள இயலாத மாணாக்கர்களும்‌ கீழ்க்கண்ட இணையதளம்‌ வாயிலாக விண்ணப்பத்தை பதிவு செய்யலாம்‌. குறிப்பாக, www.tneaonline.org, www.dte.tn.gov.in என்ற இணையதளங்கள் மூலம் துணைக் கலந்தாய்வுக்கு விண்ணப்பிக்கலாம்.

இணையதளம் இல்லாமலும் விண்ணப்பிக்கலாம்

இணையதளம்‌ வாயிலாக விண்ணப்பிக்க இயலாத மாணாக்கர்கள்‌, தங்களின்‌ விண்ணப்பத்தினை சமர்ப்பிக்க ஏதுவாக, தமிழ்நாடு பொறியியல்‌ சேர்க்கை சேவை மையம்‌ (TNEA Facilitation Centers (TFCs) அனைத்து மாவட்டங்களிலும்‌ அமைக்கப்பட்டுள்ளது. அதன்‌ விவரங்கள்‌ மேற்காணும்‌ இணையதளத்தில்‌ கொடுக்கப்பட்டுள்ளது.

OC/ BC/ BCM/ MBC & DNC - ரூ.500/-

SC/ ST / SCA -  ரூ.250

விண்ணப்பிப்பது எப்படி?

www.tneaonline.org, www.dte.tn.gov.in என்ற இணையதளங்கள் மூலம் துணைக்கலந்தாய்வுக்கு விண்ணப்பிக்கலாம்.

பதிவுக்கட்டணத்தை விண்ணப்பதாரர்கள்‌ Debit Card/ Credit Card/  Net Banking / UPI இணையதள வாயிலாக செலுத்தலாம்‌. இணையதள வாயிலாக பதிவுக்கட்டணத்தை செலுத்த இயலாத மாணாக்கர்கள்‌, “The Secretary, TNEA” Payable at Chennai என்ற பெயரில்‌ 28.08.2024 அன்றிலிருந்து பெற்ற வரைவோலையை பதிவுக் கட்டணமாக தமிழ்நாடு பொறியியல்‌ சேர்க்கை சேவை மையம்‌ (TFCs) வாயிலாக மட்டுமே சமர்ப்பிக்கலாம்‌.

இணையதள வாயிலாக விண்ணப்பம்‌ பதிவு செய்ய ஆரம்ப நாள் - 28.08.2024

இறுதி நாள்‌ - 04.09.2024

மாணாக்கர்கள்‌ இணையதளம்‌ வாயிலாக தங்களுடைய விண்ணப்பத்தினை பதிவு செய்யும்‌போதே அசல்‌ சான்றிதழ்களை இணையதளம்‌ வாயிலாக சரிபார்க்கும்‌ பொருட்டு, தங்களுக்கு விருப்பமான தமிழ்நாடு பொறியியல்‌ சேக்கை சேவை மையத்தினை (TFC) தேர்வு செய்து கொள்ளவேண்டும்‌.

மேற்கண்ட அசல்‌ சான்றிதழ்களை இணையதளம்‌ வாயிலாக சரிபார்க்கும்போது ஏதேனும்‌ குறைபாடுகள்‌ கண்டறியப்பட்டால்‌, அந்த குறிப்பிட்ட மாணாக்கரின்‌ பதிவு செய்யப்பட்ட அலைபேசி எண்‌ மற்றும்‌ மின்னஞ்சல்‌ முகவரிக்கு தகவல்‌ அனுபபப்பட்டு, குறிப்பிட்ட தேதி மற்றும்‌ நேரத்தில்‌ TFC மையத்திற்கு நேரடியாக வந்து சரிசெய்து கொள்ள வழிவகை செய்யப்பட்டுள்ளது.

கலந்தாய்வு விவரங்கள்‌, வழிகாட்டி மற்றும்‌ கால அட்டவணையை மாணாக்கர்கள்‌ மேற்காணும்‌ இணையதளம்‌ வாயிலாக மட்டுமே அறிந்து கொள்ள முடியும்‌.

மேலும்‌ விவரங்களைப்‌ பெற தொடர்பு கொள்ள வேண்டிய கட்டணமில்லா தொலைபேசி எண்‌: 1800-425-0110

மின்னஞ்சல்‌: tneacare@gmail.com ‌

இவ்வாறு தமிழ்நாடு பொறியியல்‌ சேர்க்கை செயலாளர் தெரிவித்துள்ளார்.