TN 12th Result 2026: பிளஸ் 2 தேர்வு முடிவுகள் இன்று வெளியீடு; 5 வழிகளில் ஈஸியா பார்க்கலாம்- எப்படி?

Tamil Nadu 12th Result 2026: 8 லட்சம் பேருக்கு மேற்பட்ட மாணவர்கள் எழுதிய பிளஸ் 2 தேர்வுகளை 5 வழிகளில் காண்பது குறித்து விரிவாகப் பார்க்கலாம்.

12ஆம் வகுப்பு தேர்வு முடிவுகள்

Source : ABPLIVE AI

12ஆம் வகுப்புத் தேர்வு முடிவுகள் நாளை (மே 8) காலை 9.30 மணிக்கு வெளியாக உள்ளன. இதை 5 வழிகளில் காணலாம். எப்படி?

தமிழ்நாடு பள்ளிக் கல்வித் துறையால் நடத்தப்பட்ட 12ஆம் வகுப்பு பொதுத் தேர்வு முடிவுகள் பள்ளிக் கல்வித்துறைச் செயலாளர் மூலம் கல்வித்துறை வளாகத்தில் உள்ள SIEMAT ஹாலில் வெளியிடப்பட உள்ளன.

சுமார் 8.27 லட்சம் பேர் எழுதிய பிளஸ் 2 பொதுத் தேர்வு மார்ச் 2ஆம் தேதி தொடங்கி, 26ஆம் தேதி வரை நடைபெற்றது. 7,545 பள்ளிகளில் 3,412 தேர்வு மையங்கள் அமைக்கப்பட்டு, தேர்வுகள் நடத்தப்பட்டன. இவர்களுக்கான தேர்வு முடிவுகளை 5 வழிகளில் காணலாம். எப்படி?

1. இணையதளங்கள்

www.tnresults.nic.in , www.dge.tn.gov.in ஆகிய இணையதள முகவரிகள் மூலம் மாணவர்கள் தங்கள் தேர்வு முடிவுகளை அறிந்துகொள்ளலாம். தேர்வர்கள் மேற்கண்ட இணையதளங்களில் தங்களது பதிவெண் மற்றும் பிறந்த தேதி ஆகியவற்றை பதிவு செய்து தேர்வு முடிவுகளை அறிந்து கொள்ளலாம்.

2. டிஜிலாக்கர் செயலி

டிஜி லாக்கர் செயலி அல்லது results.digilocker.gov.in என்ற இணைய முகவரி மூலம் மாணவர்களின் பதிவெண் மற்றும் பிறந்த தேதியை உள்ளிட்டு அறியலாம்.

3. பள்ளிகளிலும் காணலாம்

பள்ளி மாணாக்கர்கள் தாங்கள் பயின்ற பள்ளிகளுக்கு நேரடியாகச் சென்று தேர்வு முடிவுகளை அறிந்து கொள்ளலாம்.

4. மொபைல் எண் மூலம் காணலாம்

பள்ளி மாணவர்கள், தாங்கள் பயின்ற பள்ளிகளில் சமர்ப்பித்த உறுதிமொழிப்படிவத்தில் குறிப்பிட்டுள்ள கைப்பேசி எண்ணிற்கும், தனித்தேர்வர்களுக்கு ஆன்லைனில் விண்ணப்பிக்கும்போது வழங்கிய கைப்பேசி எண்ணிற்கும் குறுஞ்செய்தி (SMS) வழியாக தேர்வு முடிவுகள் அனுப்பப்படும்.

5. வாட்ஸப் மூலம் காணலாம்

Whatsapp செயலி வழியாகவும் தேர்வர்கள் பின்வரும் வழிமுறையை பின்பற்றி தேர்வு முடிவுகளை அறிந்து கொள்ளலாம்.

வாட்ஸ்அப் செயலியில் 7845252525 என்ற எண்ணை உங்கள் தொலைபேசி எண்ணில் சேமித்து வைத்து, அந்த எண்ணில் "Hi" எனப் பதிவிட்டு பின்னர் வரும் செய்தியில் துறையின் பெயர் மற்றும் தேர்வர்களின் வகுப்பினை (Dept & Examination category) தெரிவு செய்தால் தொடர்வரும் பதில் செய்தியில் தேர்வெண் மற்றும் பிறந்த தேதியினை உள்ளீடு செய்து அனுப்பினால், தேர்வர்களின் தேர்வு முடிவுகள் அதே Whatsapp செயலி உரையாடல் மூலம் கண்டறியலாம்.

தேர்வு முடிவுகள் குறித்த சந்தேகங்களுக்கு: 14417

மாணவர்கள் மற்றும் பெற்றோர்களுக்கான ஆலோசனை உதவி எண்கள்: 14417/ 104/ 14416

இதையும் படிக்க

TN 12th Result 2026: முதல்முறை; இனி வாட்ஸப்லயே பிளஸ் 2 தேர்வு முடிவுகளை காணலாம்- எப்படிங்க?