TN 12th Result 2026 Date: பிளஸ் 2 பொதுத்தேர்வு முடிவுகள்: நாளை காலை வெளியீடு - ரிசல்ட் பார்ப்பது எப்படி?
Tamil Nadu 12th Result Date 2026: 12ஆம் வகுப்பு பொதுத்தேர்வு முடிவு நாளை(08-05-2026) வெளியிடப்படும் என்று அறிவிப்பு.
Tamil Nadu 12th Result Date 2026: தமிழ்நாட்டில் 12ஆம் வகுப்பு பொதுத்தேர்வு முடிவுகள் நாளை(08-05-2026) வெளியாகும் என்று அறிவிக்கப்பட்டுள்ளது. நாளை காலை 9.30 மணிக்கு வெளியிடப்படும் என்று பள்ளிக்கல்வித்துறை அறிவித்துள்ளது.
12ஆம் வகுப்பு பொதுத்தேர்வு மார்ச் 2ஆம் தேதி தொடங்கி 26ஆம் தேதி வரை நடைபெற்றது. தமிழ்நாடு முழுவதும் இந்த தேர்வை சுமார் 8 லட்சம் மாணவ, மாணவிகள் எழுதினார்கள். இந்த தேர்வு முடிவுகள் தள்ளிப்போகும் என்று தகவல் வெளியானது. இந்த நிலையில், 12ஆம் வகுப்பு பொதுத்தேர்வு முடிவுகள் நாளை காலை 9.30 மணிக்கு வெளியிடப்படும் என்று பள்ளிக்கல்வித்துறை அதிகாரப்பூர்வமாக அறிவித்துள்ளது.
தேர்வு முடிவுகளை அறிவது எப்படி?
தேர்வு முடிவுகளை tnresults.nic.in, dge.tn.gov.in, results.digilocker.gov.in ஆகிய இணையதளங்களில் பார்க்கலாம். மேலும், 7845 252525 என்ற வாட்ஸ் அப் எண்ணில் தேர்வு முடிவுகளை அறிந்து கொள்ளும் வசதி செய்யப்பட்டுள்ளது. தேர்வு முடிவு தொடர்பான சந்தேகங்கள் மற்றும் ஆலோசனைகளுக்கு 14417, 104, 14416 ஆகிய எண்களை தொடர்பு கொள்ளலாம்.
முன்னதாக, தேர்வு முடிவுகளை வெளியிட மாநில அரசின் ஒப்புதல் தேவை என்பதால், தாமதம் ஆவதாகவும் புதிய் அரசு அமைந்தபிறகு, தேர்வு முடிவுகள் வெளியாகும் என்றும் தகவல் வெளியானது. ஆட்சி மாற்றம் ஏற்பட்டுள்ளதால் அக்கட்சியின் அனுமதி பெற வேண்டிய நிலை ஏற்பட்டுள்ளது. இதனால் தேர்வு முடிவுகள் வெளியாவதில் தாமதம் ஏற்படும் என்று கூறப்பட்டது. தற்போது, தேர்வு முடிவுகள் திட்டமிட்டப்படி நாளை வெளியாகும் என்று அறிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
