TN 10th Result 2026: தனியார் பள்ளிகளை அலறவிட்ட மகளிர் பள்ளிகள் - ஆண்கள் நிலவரம்? - SSLC ரிசல்ட் விவரங்கள்
Tamil Nadu 10th Result 2026 School Wise: பத்தாம் வகுப்பு பொதுத்தேர்வு முடிவுகளில் தேர்ச்சி விகிதத்தில் ஆடவர் பள்ளிகள் கடைசி இடத்தை பிடித்து அதிர்ச்சி அளித்துள்ளது.
பத்தாம் வகுப்பு பொதுத்தேர்வு முடிவுகளில் தேர்ச்சி விகித அடிப்படையில் தனியார் பள்ளிகள் முதலிடம் பிடித்து அசத்தியுள்ளது.
10ம் வகுப்பு பொதுத்தேர்வு முடிவுகள்:
அரசு தேர்வுகள் இயக்கம் நடத்திய 2025-26 கல்வி ஆண்டிற்கான, 10ம் வகுப்பு பொதுத்தேர்வு முடிவுகளை கல்வி அமைச்சர் ராஜ்மோகன் வெளியிட்டார். அதன்படி, தேர்வெழுதிய 8 லட்சத்து 70 ஆயிரத்து 643 பேரில், 94.31 சதவிகிதம் அதாவது 8 லட்சத்து 21 ஆயிரத்து 105 பேர் தேர்ச்சி பெற்று அசத்தியுள்ளனர். அதிகபட்சமாக மாணவியர்கள் 96.47 சதவிகிதமும், மாணவர்கள் 92.15 சதவிகிதமும் தேர்ச்சி பெற்றுள்ளனர். அதாவது மாணவிகளை காட்டிலும் மாணவர்களின் தேர்ச்சி கிதம் 4.32 சதவிகிதம் அதிகமாக உள்ளது. 11 ஆயிரத்து 174 பேர் தேர்வு எழுத தகுதி பெற்று இருந்தும், வராமல் தவிர்த்துள்ளனர். இந்நிலையில் பள்ளிகள் வாரியாக பதிவாகியுள்ள தேர்ச்சி விகிதங்களும் கவனத்தை ஈர்த்துள்ளன.
ஆடவர் பள்ளிகள் கடைசி இடம்:
பள்ளிகள் ஆறு வகைகளாக பிரிக்கப்பட்டுள்ளன. அதன்படி, தனியார் சுயநிதி பள்ளிகள் 98.14 சதவிகித தேர்ச்சி விகிதத்துடன் முதலிடம் பிடித்துள்ளன. அதேநேரம், பெண்கள் பள்ளிகள் 96.42 சதவிகித தேர்ச்சியையும், இருபாலர் பள்ளிகள் 94.42 சதவிகிதமும் தேர்ச்சி பெற்று அடுத்தடுத்த இடங்களை பிடித்துள்ளன. அதாவது தனியார் பள்ளிகளுக்கும், முழுமையான மகளிர் பள்ளிகளுக்கும் இடையேயான தேர்ச்சி விகித வேறுபாடு வெறும் 1.72 சதவிகிதம் மட்டுமே ஆகும். இந்த பட்டியலில் 88.50 சதவிகித தேர்ச்சி விகிதத்துடன் ஆண்கள் பள்ளிகள் கடைசி இடத்தை பிடித்துள்ளன. அதாவது பெண்கள் பள்ளிகள் ஆண்கள் பள்ளிகளை விட 7.92 சதவிகிதம் அதிக தேர்ச்சியை பெற்றுள்ளன. இருபாலரும் பயிலும் பள்ளிகளுடன் ஒப்பிட்டால் ஆண்கள் மட்டுமே பயிலும் பள்ளிகளின் தேர்ச்சி விகிதம் 5.92 சதவிகிதம் குறைவாகும்.
பள்ளிகள் வாரியாக தேர்ச்சி விகிதம்
| வ. எண் | பள்ளி வகைகள் | தேர்ச்சி சதவிகிதம் |
| 1 | அரசுப் பள்ளிகள் | 91.86% |
| 2 | அரசு உதவிப் பெறும் பள்ளிகள் | 94.34% |
| 3 | தனியார் சுயநிதிப் பள்ளிகள் | 98.14% |
| 4 | இருபாலர் பள்ளிகள் | 94.42% |
| 5 | மகளிர் பள்ளிகள் | 96.42% |
| 6 | ஆண்கள் பள்ளிகள் | 88.50% |
பள்ளிகளின் தேர்ச்சி விகிதங்கள்:
- தேர்வெழுதிய மொத்தப் பள்ளிகளின் எண்ணிக்கை - 12,467
- மேல்நிலைப் பள்ளிகளின் எண்ணிக்கை - 7,490
- உயர்நிலைப் பள்ளிகளின் எண்ணிக்கை - 4,977
- 100% தேர்ச்சி பெற்ற மொத்தப் பள்ளிகளின் எண்ணிக்கை -5,171
- 95% தேர்ச்சி பெற்ற மொத்தப் பள்ளிகளின் எண்ணிக்கை - 8,233
- 100% தேர்ச்சி பெற்ற அரசு பள்ளிகளின் எண்ணிக்கை - 1,931
- 95% தேர்ச்சி பெற்ற அரசு பள்ளிகளின் எண்ணிக்கை -3,463
இதையும் படியுங்கள்: TN Cabinet: இஸ்லாமியர், ரசிகர் மன்ற நிர்வாகிகள், டெல்டாக்காரர் - CM விஜயின் புதிய அமைச்சரவை பட்டியல் ரெடி?
சதமடித்து சாதித்த மாணவர்கள்:
2025-26 கல்வியாண்டிற்கான 10ம் வகுப்பு பொதுத்தேர்வு முடிவில், ஒட்டுமொத்தமாக 17 ஆயிரத்து 132 பேர் நூற்றுக்கு நூறு மதிப்பெண்களை எடுத்துள்ளனர். அதிகபட்சமாக அறிவியல் படத்தில் 10 ஆயிரத்து 476 பேர் முழு மதிப்பெண்களை பெற்றுள்ளனர். குறைந்தபட்சமாக தமிழில் 34 பேர் மட்டுமே முழு மதிப்பெண்களை எடுத்துள்ளனர். ஏதேனும் ஒரு பாடத்தில் முழு மதிப்பெண்களை பெற்ற அரசுப் பள்ளி மாணவர்களின் எண்ணிக்கை 2 ஆயிரத்து 774 ஆக பதிவாகியுள்ளது.
தலைப்பு செய்திகள்
ட்ரெண்டிங் செய்திகள்
