நுழைவுத் தேர்வு இல்லை; வேளாண் படிப்புகளில் சேரலாம்- இடஒதுக்கீடும் உண்டு; விண்ணப்பிப்பது எப்படி?
தமிழ்நாடு வேளாண்மைப் பல்கலைக்கழகத்தின் கீழ் இயங்கும் கல்லூரிகளில் இருக்கும் 3,370 இடங்களுக்கும், தனியார் கல்லூரிகளில் உள்ள 4,405 இடங்களுக்கும் விண்ணப்பப் பதிவு தொடங்கி நடைபெற்று வருகிறது.
தமிழ்நாடு வேளாண்மைப் பல்கலைக்கழகத்தில் சேர மாணவர்கள் ஜூன் 8ஆம் தேதி வரை விண்ணப்பிக்கலாம்.
கோவையில் செயல்பட்டு வரும் தமிழ்நாடு வேளாண்மைப் பல்கலைக்கழகத்தின் கீழ் பத்து வளாகங்களில் பத்து கல்லூரிகள் செயல்பட்டு வருகின்றன. இந்த கல்லூரிகளில் 12 இளம் அறிவியல் பட்ட படிப்புகள் வழங்கபடுகின்றன.
பொதுவாக வேளாண்மைப் படிப்புகள், அறிவியல் மற்றும் தொழில்நுட்பப் பாடத் திட்டங்கள் என இரண்டாகப் பிரிக்கப்படுகின்றன.
அறிவியல் பாட திட்டம்
பி.எஸ்சி. (வேளாண்மை), பி.எஸ்சி. (தோட்டக்கலை), பி.எஸ்சி. (வனவியல்), பி.எஸ்சி. (மனையியல்), பி.டெக். (வேளாண் பொறியியல்), பி.எஸ்சி. (பட்டுப் புழு வளர்ப்பியல்) ஆகிய படிப்புகள் இதில் உள்ளன.
தொழில்நுட்ப பாட திட்டம்
இதன்கீழ் பி.டெக். (உயிர் தொழில்நுட்பவியல்), பி.டெக். (தோட்டக் கலை), பி.டெக். (உணவு பதப்படுத்தும் பொறியியல்), பி.டெக். (எரிசக்தி மற்றும் சுற்றுச்சூழல் பொறியியல்), பி.டெக். (உயிரி தகவலியல்), பி.எஸ். (வேளாண் தொழில்சார் மேலாண்மை), பி.டெக். (வேளாண் தொழில்நுட்ப தகவல்கள்) ஆகிய படிப்புகள் கற்பிக்கப்பட்டு வருகின்றன. எனினும் இவை அனைத்தும் சுயநிதிப் படிப்புகள் ஆகும்.
ஜூன் 8ஆம் தேதி வரை விண்ணப்பிக்கலாம்
இந்த நிலையில் தமிழ்நாடு வேளாண்மைப் பல்கலைக்கழகத்தின் கீழ் இயங்கும் கல்லூரிகளில் இருக்கும் 3,370 இடங்களுக்கும், தனியார் கல்லூரிகளில் உள்ள 4,405 இடங்களுக்கும் விண்ணப்பப் பதிவு தொடங்கி நடைபெற்று வருகிறது. இதற்கு மாணவர்கள் ஜூன் 8ஆம் தேதி வரை விண்ணப்பிக்கலாம்.
அதேபோல ஜெயலலிதா மீன்வளப் பல்கலைக்கழகத்தில் உள்ள படிப்புகளுக்கும் விண்ணப்பிக்கலாம். அண்ணாமலை பல்கலைக்கழகத்தில் வேளாண் படிப்புகளில் சேரவும் விண்ணப்பிக்கலாம். இதற்கும் ஜூன் 8 கடைசித் தேதி ஆகும். வேளாண் படிப்புகள் என்பவை தொழில்நுட்பப் படிப்புகளில் சேரும் என்பதால், அரசுப் பள்ளி மாணவர்களுக்கு 7.5 சதவீத இட ஒதுக்கீடு உண்டு.
வேளாண் படிப்புகளில் சேர்வது குறித்த அறிவிக்கையை https://drive.google.com/file/d/1Rusf4Q7KIheQkXL6NzR4Yr8wzaPMCZrH/view என்ற இணைப்பை க்ளிக் செய்து, தரவிறக்கம் செய்துகொள்ளலாம்.
விண்ணப்பிப்பது எப்படி?
தேர்வர்கள் https://tnau.ucanapply.com/ என்ற இணைப்பை க்ளிக் செய்யவும்.
அதில், https://tnau.ucanapply.com/univer/public/registration?app_id=UElZMDAwMDA2NQ== என்ற இணைப்பை க்ளிக் செய்து முன்பதிவு செய்ய வேண்டும்.
தொடர்ந்து போதிய விவரங்களை உள்ளிட்டு லாகின் செய்ய வேண்டும். பிறகு விண்ணப்பக் கட்டணத்தைச் செலுத்தி விண்ணப்பிக்க வேண்டும்.
கூடுதல் விவரங்களுக்கு: https://tnau.ac.in/
தலைப்பு செய்திகள்
ட்ரெண்டிங் செய்திகள்
