NEET UG Results 2023: வெளியானது நீட் தேர்வு முடிவுகள்; தெரிந்து கொள்வது எப்படி? முழு விவரம்!

NEET UG Results 2023: இளங்கலை மருத்துவப் படிப்புகள் சேர 2023-ம் ஆண்டுக்கான நீட் இளங்கலைத் தேர்வு முடிவுகள் வெளியிடப்பட்டுள்ளது.

நீட் தேர்வு முடிவுகள் வெளியானது

இளநிலை மருத்துவப் படிப்புகள் சேர 2023-ம் ஆண்டுக்கான நீட் தேர்வு முடிவுகள் வெளியாகியுள்ளன.

நீட் தேர்வு

நாடு முழுவதும் அரசு மற்றும் தனியார் மருத்துவ கல்லூரிகளில் உள்ள எம்.பி.பி.எஸ், பி.டி.எஸ். படிப்புகள், ஆயுஷ் படிப்புகளுக்கு (சித்தா, ஆயுர்வேதா, யுனானி, ஓமியோபதி)  நீட் தேர்வு மூலம் மாணவர் சேர்க்கை நடத்தப்படுகிறது. இந்தத் தேர்வு நீட் எனப்படும் தேசியத் தகுதி மற்றும் நுழைவுத் தேர்வு என அழைக்கப்படுகிறது. ஆண்டுதோறும் நடக்கும் இந்த நுழைவுத் தேர்வை என்டிஏ எனப்படும் தேசியத் தேர்வுகள் முகமை நடத்துகிறது. 

நீட் தேர்வுக்கான விண்ணப்பப் பதிவு மார்ச் 6-ம் தேதி தொடங்கியது. ஒரு மாதம் நிறைவடைந்து, ஏப்ரல் 6ஆம் தேதியுடன் விண்ணப்பப் பதிவு முடிவடைந்தது. இந்த நிலையில், மாணவர்களின் கோரிக்கையை ஏற்று, தேசியத் தேர்வுகள் முகமை மீண்டும் விண்ணப்ப அவகாசத்தை நீட்டித்தது. இதன்படி, நீட் தேர்வை எழுத மாணவர்கள் மீண்டும் ஏப்ரல் 11 முதல் ஏப்ரல் 13 வரை விண்ணப்பித்தனர்.

நீட் தேர்வு முடிவுகள்

இந்நிலையில், தேர்வு முடிவுகள் வெளியாகியுள்ளன. நாடு முழுவதும் 11 லட்சத்து 84 ஆயிரத்து 502 மாணவிகளும், 9 லட்சத்து 2 ஆயிரத்து 930 மாணவர்களும், 13 திருநங்கைகளும் என மொத்தம் 20 லட்சத்து 87 ஆயிரத்து 445 பேர் நீட் தேர்வை எழுதினர். இதில் 11 லட்சத்து 45 ஆயிரத்து 976  பேர் தேர்ச்சி பெற்றுள்ளனர். ப்ரஞ்ஜன் அகர்வால், ஆஷிகா அகர்வால், ஆர்யா, மிமன்சா மவுன், ஸ்மெஹா சிங் ஆகிய மாணவிகள் நீட் தேர்வில் அதிக மதிப்பெண் எடுத்து தேர்ச்சி பெற்றுள்ளனர்.

உத்தர பிரதேச மாநிலத்தில் அதிக மாணவர்கள் தேர்ச்சி பெற்றுள்ளனர். இதை தொடர்ந்து, கடந்த ஆண்டை போலவே, மகாராஷ்டிராவில் இருந்து அதிக மாணவர்கள் தேர்ச்சி பெற்றுள்ளனர். 1.31 லட்சம் மாணவர்கள் தேர்வில் தேர்ச்சி பெற்றுள்ளனர். இராஜஸ்தானிலும் அதிக தேர்ச்சி விகிதம் பதிவாகியுள்ளது. 

தமிழகத்தில் 1 லட்சத்து 47 ஆயிரத்து 581 பேர் தேர்வு எழுதினர். இதில் 78 ஆயிரத்து 693 பேர் தேர்ச்சி பெற்றுள்ளனர். நாடு முழுவதும் உள்ள 693 மருத்துவ கல்லூரிகளில் ரு லட்சத்து 5 ஆயிரத்து 163 எம்.பி.பி.எஸ். சீட் இருப்பதாக மத்திய சுகாதார துறை அமைச்சகம் வெளியிட்டுள்ள தகவலில் குறிப்பிடப்பட்டுள்ளது.

நீட் தேர்வு முடிவுகளை காண..

• https://neet.nta.nic.in/
• https://ntaresults.nic.in/NTARESULTS_CMS/Page/Page?PageId=6&LangId=P
• https://www.nta.ac.in/

ஆகிய இணையதளங்கள் வாயிலாக நீட் தேர்வு முடிவுகளை அறிந்து கொள்ளலாம். 

மதிப்பெண் கணக்கீடு

நீட் தேர்வு எழுதியவர்களின் ஒவ்வொரு சரியான விடைக்கும் 4 மதிப்பெண்கள் வழங்கப்படும். தவறாட விடை ஒவ்வொன்றுக்கும் 1 மதிப்பெண்கள் கழிக்கப்படும்.

இந்நிலையில் தேர்வு முடிவுகள் தற்போது வெளியாகி உள்ளது. சரிபார்ப்பது எப்படி?

* neet.nta.nic.in என்ற இணையப் பக்கத்தை க்ளிக் செய்ய வேண்டும். 
* முகப்புப் பக்கத்தில் NEET UG 2023 result என்ற இணைப்பை க்ளிக் செய்க.
* விண்ணப்ப எண் மற்றும் பிறந்த தேதியை பதிவிடவும். 
* NEET UG 2023 result எனப்படும் தேர்வு முடிவுகள் வெளியாகும். 
* மதிப்பெண் பட்டியலைத் தரவிறக்கம் செய்துகொள்ளவும். 

தேர்வு முடிவுகள் வெளியாகியுள்ள நிலையில், மருத்துவ கலந்தாய்வு குறித்த விவரங்கள் விரைவில் வெளியிடப்படும். 

தமிழ்நாடு மாணவர்கல் https://tnmedicalselection.net/ - என்ற இணைப்பை க்ளிக் செய்து கலந்தாய்வில் பங்கேற விண்ணப்பிக்கலாம்.

மருத்துவ கலந்தாய்வு தொடர்பான விவரங்களை தெரிந்துகொள்ள http://aaccc.gov.in/

மற்றும் https://mcc.nic.in/#/home -  என்ற இணையதளத்தில் வெளியிடப்படும் அப்டேட்கள் மூலம் தெரிந்து கொள்ளலாம்.

---