NEET UG 2026 Hall Ticket: நீட் தேர்வு ஹால் டிக்கெட் எப்போது? வெளியான தேதி- பெறுவது எப்படி?

NEET UG 2026 Hall Ticket: நீட் இளங்கலை 2026 நுழைவுச்சீட்டு ஏப்ரல் 26 அன்று வெளியீடு: என்டிஏ தளத்தில் ஹால் டிக்கெட் பதிவிறக்கம் செய்யும் வழிமுறைகள்.

Written By : க.சே.ரமணி பிரபா தேவி | Updated at : 24 Apr 2026 04:14 PM (IST)

நீட் தேர்வு

மருத்துவப் படிப்புகளில் சேர நடத்தப்படும் நீட் நுழைவுத் தேர்வுக்கான ஹால் டிக்கெட் நாளை மறுநாள் (ஏப்ரல் 26) வெளியாக உள்ள நிலையில், அதைப் பெறுவது எப்படி என்று காணலாம்.

நாடு முழுவதும் உள்ள மருத்துவக் கல்லூரிகளில் இளங்கலை மருத்துவப் படிப்புகளில் சேருவதற்காக தேசிய தேர்வு முகமை தேசிய தகுதி மற்றும் நுழைவுத் தேர்வை நடத்துகிறது. இந்தத் தேர்வு நீட் தேர்வு என்று அழைக்கப்படுகிறது.

இந்த நிலையில், 2026ஆம் ஆண்டிற்கான நீட் இளங்கலை நுழைவுத் தேர்வுக்கான ஹால் டிக்கெட் வரும் ஏப்ரல் 26ஆம் தேதி வெளியிடப்பட உள்ளது. மருத்துவக் கனவோடு இந்தத் தேர்வுக்கு விண்ணப்பித்து காத்திருக்கும் மாணவர்கள், தங்களின் நுழைவுச்சீட்டை தேசிய தேர்வு முகமையின் அதிகாரப்பூர்வ இணையதளமான neet.nta.nic.in என்ற இணையதள முகவரி வாயிலாக நேரடியாகப் பதிவிறக்கம் செய்து கொள்ளலாம்.

ஹால் டிக்கெட்டில் என்னென்ன விவரங்கள் இருக்கும்?

நீட் தேர்வு ஹால் டிக்கெட்டில் மாணவர்களின் பெயர், பதிவு எண், தேர்வு நடைபெறும் நாள், மாணவர்களுக்கான தேர்வு மையம், தேர்வு மையத்தின் முழுமையான முகவரி, தேர்வு நேரம் மற்றும் தேர்வு மையத்திற்குள் நுழையும்போது பின்பற்ற வேண்டிய முக்கியமான விதிமுறைகள் உள்ளிட்ட அனைத்து அத்தியாவசியத் தகவல்களும் தெளிவாகக் குறிப்பிடப்பட்டிருக்கும். மாணவர்கள் தேர்வு அறைக்குச் செல்லும்போது இந்த ஹால் டிக்கெட்டை கட்டாயமாகத் தங்களுடன் எடுத்துச் செல்ல வேண்டும்.

ஹால் டிக்கெட்டைப் பெறுவது எப்படி?

முதலாவதாக, விண்ணப்பதாரர்கள் தங்களது செல்போன் அல்லது கணினி மூலமாக nta.nic.in என்ற அதிகாரப்பூர்வ இணையதளப் பக்கத்திற்குச் செல்ல வேண்டும்.
அந்த இணையதளத்தின் முகப்புப் பக்கத்தில் புதிதாகக் கொடுக்கப்பட்டிருக்கும் NEET UG 2026 Admit Card என்பதற்கான நேரடி இணைப்பைக் கண்டறிந்து அதன் மீது கிளிக் செய்ய வேண்டும்.
இப்போது புதிய லாகின் பக்கம் ஒன்று திரையில் திறக்கப்படும்.
அதில் மாணவர்கள் தங்களுக்கான விண்ணப்ப எண் மற்றும் தங்களின் பிறந்த தேதி ஆகிய விவரங்களைப் பிழையின்றி உள்ளீடு செய்ய வேண்டும்.
பின்னர், திரையில் கீழே காட்டப்பட்டுள்ள பாதுகாப்பு குறியீட்டையும் சரியாக டைப் செய்து Submit பொத்தானை அழுத்த வேண்டும்.
இப்போது மாணவர்களின் ஹால் டிக்கெட் திரையில் தோன்றும். அதில் உள்ள தங்களின் தகவல்களை முழுமையாகச் சரிபார்த்த பின்பு, அதனை டவுன்லோடு செய்து வைத்துக் கொள்ளலாம்.

இதையும் படிக்க

CBSE Class 10: சிபிஎஸ்இ 10ஆம் வகுப்பு மாணவர்களே.. மே 15 முதல் 2ஆம்கட்ட பொதுத்தேர்வு; இதோ முழு அட்டவணை!

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.