Madras University Exam: சென்னை பல்கலைக்கழக தேர்வுகள் தள்ளிவைப்பு: அனைத்து கல்லூரிகளுக்கும் மறுதேதி அறிவிப்பு

Madras University Exam Date: சென்னை பல்கலைக்கழகத்தில் ஜூன் 2ஆம் தேதி தொடங்க இருந்த தேர்வுகள் தள்ளி வைக்கப்பட்டுள்ளன.

சென்னை பல்கலைக்கழகம்

சென்னை பல்கலைக்கழகத்தில் ஜூன் 2ஆம் தேதி தொடங்க இருந்த தேர்வுகள் தள்ளி வைக்கப்பட்டுள்ளன. இதன்கீழ் இயங்கும் அனைத்துக் கல்லூரிகளுக்கும் அறிவிப்பு பொருந்தும் என்று தெரிவிக்கப்பட்டுள்ளது. 

சென்னைப் பல்கலைக்கழகம்(Madras University) தமிழ்நாட்டுப் பல்கலைக்கழகங்களுள் ஒன்றாகும். இது 1851ஆம் ஆண்டு சென்னையில் தொடங்கப்பட்டது. இது இந்தியாவின் பழமையான பல்கலைக்கழகங்களில் ஒன்று. லண்டன் பல்கலைக்கழகத்தின் அடிப்படையில் உருவாக்கப்பட்ட சென்னைப் பல்கலைக்கழகம், 1857-ல் இந்திய சட்டமன்றத்தின் கீழ் இணைக்கப்பட்டது. 

எனினும் மத்திய அரசின் பல்கலைக்கழக மானியக் குழு (UGC) அமைக்கும் வழிமுறைகளுக்கு உட்பட்டு செயல்பட்டு வருகிறது. இந்தப் பல்கலைக்கழகத்தில் மருத்துவம், பொறியியல், சட்டம், அறிவியல், கலை முதலிய அனைத்துத் துறைகளும் இருந்தன. நீண்ட காலம் தமிழகத்தின் ஒரே பல்கலைக்கழகமாக விளங்கியது. 

இந்த சூழலில் பிறகே தொழில்முறைப் படிப்புகள் தனித்தனியாகப் பிரிக்கப்பட்டு, பல்கலைக்கழகங்கள் செயல்படத் தொடங்கின. இதைத்தொடர்ந்து கலை, இளங்கலை, முதுகலை, பிஎச்.டி. உள்ளிட்ட அறிவியல் படிப்புகள் கற்பிக்கப்பட்டு வருகின்றன. சென்னை பல்கலைக்கழகத்தில் தொலைதூரக் கல்வியும் கற்பிக்கப்பட்டு வருகிறது.

இந்த நிலையில், சென்னை பல்கலைக்கழகத்தில் நடத்தப்பட்டு வரும் அனைத்து வகை இளங்கலை, முதுகலை படிப்புகளுக்கான ஏப்ரல் மாத செமஸ்டர் தேர்வுகள் ஜூன் 2-ம் தேதி தொடங்க இருந்தது. இந்நிலையில், தேர்வுகள் தற்போது தள்ளி வைக்கப்பட்டுள்ளன. இந்தத் தேர்வுகள் ஜூன் 15-ம் தேதி முதல் நடைபெறும்.

பல்கலைக்கழகத்தின் இணைப்புக் கல்லூரிகளுக்கும், பல்கலைக்கழகத்தின்கீழ் இயங்கி வரும் கலை, அறிவியல் கல்லூரிகளுக்கும் இந்த அறிவிப்பு பொருந்தும்  என்றும் தெரிவிக்கப்பட்டுள்ளது. 

*

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

சமீபத்திய கல்வி செய்திகளைஅறிய Abpnadu-இல் கல்வி செய்திகள் (Education news) என்ற பக்கத்தில் தொடரவும்.