JEE Advanced 2022: ஆக.23 முதல் ஜேஇஇ அட்வான்ஸ்டு தேர்வு ஹால் டிக்கெட்:  பதிவிறக்கம் செய்வது எப்படி?

ஜேஇஇ அட்வான்ஸ்டு தேர்வு ஹால் டிக்கெட்டை ஆகஸ்ட் 23ஆம் தேதி முதல் பதிவிறக்கம் செய்துகொள்ளலாம் என்று தேசியத் தேர்வுகள் முகமை தெரிவித்துள்ளது.

மாணவர்கள் | கோப்புப்படம்

ஜேஇஇ அட்வான்ஸ்டு தேர்வு ஹால் டிக்கெட்டை ஆகஸ்ட் 23ஆம் தேதி முதல் பதிவிறக்கம் செய்துகொள்ளலாம் என்று தேசியத் தேர்வுகள் முகமை தெரிவித்துள்ளது.

மத்திய அரசின் கல்வி நிறுவனங்களான என்.ஐ.டி., ஐ.ஐ.டி., ஐ.ஐ.ஐ.டி. ஆகியவற்றில் உள்ள படிப்புகளில் சேருவதற்கு ஜே.இ.இ. தேர்வு நடத்தப்படுகிறது. இந்தத் தேர்வு 2 கட்டங்களாக ஜேஇஇ மெயின், அட்வான்ஸ்டு என்று பிரித்து நடத்தப்படுகிறது. ஜேஇஇ மெயின் தேர்வில் தேர்ச்சி பெற்றவர்கள், அட்வான்ஸ்டு தேர்வை எழுதத் தகுதியானவர்கள். 

இந்த நுழைவுத் தேர்வை தேசியத் தேர்வுகள் முகமை (என்.டி.ஏ.) நடத்துகிறது. இந்த தேர்வு தேசிய கல்விக் கொள்கையின் அடிப்படையில் அசாம், பெங்காலி, கன்னடம், மலையாளம், ஒடிசா, பஞ்சாபி, தமிழ், தெலுங்கு, உருது, இந்தி, ஆங்கிலம், குஜராத்தி ஆகிய மொழிகளில் நடத்தப்பட இருக்கிறது. பிற மொழித் தேர்வர்கள், ஆங்கிலத்தில் தேர்வை எழுதும் வசதி செய்யப்பட்டுள்ளது.

ஜேஇஇ மெயின் தேர்வு முடிவுகள் ஜூலை 11ஆம் தேதி வெளியாகின. இதையடுத்து, ஜேஇஇ அட்வான்ஸ்டு தேர்வு ஆகஸ்ட் 28ஆம் தேதி நடைபெற உள்ளது. முதல் நாள் காலி 9 முதல் 12 மணி வரையும் இரண்டாவது தாள் மதியம் 2.30 மணி முதல் 5.30 மணி வரை நடைபெற உள்ளது.

தேர்வர்களின் வசதிக்கு ஏற்ப, ஜே.இ.இ. தேர்வு ஆண்டுதோறும் நான்கு  கட்டங்களாகத் தேசியத் தேர்வுகள் முகமையால் தேர்வு நடத்தப்பட்டு வருகிறது. இந்நிலையில் தேர்வர்கள் இந்தத் தேர்வுக்கு ஆகஸ்ட் 7 முதல் விண்ணப்பித்து வந்தனர். விண்ணப்பிக்க ஆகஸ்ட் 12 கடைசித் தேதி ஆக இருந்தது. அன்று மாலை 5 மணி வரை தேர்வர்கள் jeeadv.ac.in என்ற இணைய முகவரி மூலம் விண்ணப்பித்தனர். 

இந்நிலையில் 2022ஆம் ஆண்டுக்கான ஜேஇஇ அட்வான்ஸ்டு தேர்வுக்கான ஹால்டிக்கெட்டுகளை ஆகஸ்ட் 23 முதல் பதிவிறக்கம் செய்துகொள்ளலாம். தேர்வு நடைபெறும் நாளான ஆகஸ்ட் 28ஆம் தேதி வரை ஹால்டிக்கெட்டை டவுன்லோடு செய்யலாம் என்று தெரிவிக்கப்பட்டுள்ளது.

இதுவரை 1.6 லட்சம் மாணவர்கள் ஜேஇஇ அட்வான்ஸ்டு தேர்வுக்கு விண்ணப்பித்துள்ளனர். இதில் 50 வெளிநாட்டு மாணவர்களும் அடங்குவர். ஆகஸ்ட் 28ஆம் தேதி அன்று, இரண்டு ஷிஃப்டுகளாகத் தேர்வு நடைபெற உள்ளது. காலை 9 முதல் 12 மணி வரையும் மதியம் 2.30 மணி முதல் 5.30 மணி வரை தேர்வு நடைபெற உள்ளது. இரண்டு தாள்களைக் கொண்டது இந்தத் தேர்வு என்பது குறிப்பிடத்தக்கது. 

தேர்வு முடிவுகள் செப்டம்பர் 11 ஆம் தேதி வெளியாகும் என்று அறிவிக்கப்பட்டுள்ளது.

ஜேஇஇ அட்வான்ஸ்டு தேர்வு குறித்த முழுமையான கால அட்டவணையை https://jeeadv.ac.in/schedule.html என்ற இணைய முகவரி மூலம் தேர்வர்கள் அறிந்துகொள்ளலாம்.

ஜேஇஇ மெயின் தேர்வின் தரவரிசையின் அடிப்படையில் இந்திய தொழில்நுட்பக் கழகங்களுக்கான (IIT's) மாணவர்கள் சேர்க்கை நடைபெறும் என்பது குறிப்பிடத்தக்கது.

* 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண