கல்விக்கடன் மேளா! மாணவர்களின் எதிர்கால கனவை நனவாக்கும் வங்கிகள்! உடனே விண்ணப்பியுங்கள்!
விழுப்புரத்தில் மாவட்ட நிர்வாகம் மற்றும் அனைத்து வங்கிகளும் இணைந்து நடத்தும் மாபெரும் கல்விக்கடன்.
விழுப்புரம்: விழுப்புரம் மாவட்ட நிர்வாகம் மற்றும் அனைத்து வங்கிகளும் இணைந்து நடத்தும் மாபெரும் கல்விக்கடன் மேளா (10.10.2025 வெள்ளிக்கிழமை) அன்று நடைபெறவுள்ளது.
மாவட்ட நிர்வாகம் மற்றும் அனைத்து வங்கிகளும் இணைந்து நடத்தும் மாபெரும் கல்விக்கடன்
உயர்கல்வி பெறுவது இன்றைய காலகட்டத்தில் மிகவும் முக்கியமானது. ஆனால், கல்விச் செலவுகள் நாளுக்கு நாள் அதிகரித்து வருகின்றன. இதுபோன்ற சமயங்களில், வங்கிகள் வழங்கும் கல்விக் கடன்கள் பல மாணவர்களின் கனவுகளை நனவாக்குகிறது. சரியான முறையில் விண்ணப்பித்தால், கல்விக் கடனை எளிதாகப் பெறலாம்.
விழுப்புரம் மாவட்ட நிர்வாகம் மற்றும் அனைத்து வங்கிகளும் இணைந்து நடத்தும் மாபெரும் கல்விக்கடன் மேளா (10.10.2025) வெள்ளிக்கிழமை அன்று நடைபெறவுள்ளது என விழுப்புரம் மாவட்ட ஆட்சித்தலைவர் ஷேக் அப்துல் ரஹ்மான் தெரிவித்துள்ளார்.
விழுப்புரம் E.S. பொறியியல் வெள்ளிக்கிழமை மாபெரும் கல்விக்கடன் மேளா நடைபெற உள்ளது. மாணவர்கள் கீழ்க்கண்ட ஆவணங்களை சமர்ப்பித்து கல்விக்கடனை பெற்று பயன்பெறுமாறு விழுப்புரம் மாவட்ட நிர்வாகம் சார்பாக கேட்டுக் கொள்கிறோம். மாணவர்கள் கல்விக்கடன் பெறுவதற்கு கீழ்க்கண்ட தேவையான ஆவணங்களை முகாம் நடைபெறும் நாளன்று சமர்ப்பித்து கடன் அனுமதி ஒப்புகை அன்றே பெற்றுக் கொள்ளுமாறு கேட்டுக் கொள்கிறோம்.
கல்விக்கடன் பெறுவதற்கு தேவையான ஆவணங்கள்:
மாணவரின் பான், ஆதார், பாஸ்போர்ட் அளவு புகைப்படம், பெற்றோரின் பான், ஆதார், பாஸ்போர்ட் அளவு புகைப்படம், மாணவரின் சாதிச் சான்றிதழ், பெற்றோரின் ஆண்டு வருமானச் சான்று, கல்வி சான்றிதழ்கள், 10 மற்றும் 12 ஆம் வகுப்பு, டிப்ளமோ மதிப்பெண் சான்றிதழ்கள் அங்கீகரிக்கப்பட்ட கல்லூரி படிப்புச் சான்றிதழ், மாற்று சான்றிதழ், கலந்தாய்வு கடிதம் / நுழைவு தேர்வு முடிவுகள், கல்லூரி ஒப்புதல் கடிதம்/ கல்லூரி சேர்க்கை கடிதம், கல்லூரி கட்டண விபரம், முதல் பட்டதாரி சான்றிதழ், கடன் பெறும் வங்கியின் பெயர் மற்றும் பாஸ் புத்தகம்.
கல்விக்கடனின் சிறப்பம்சங்கள்:
குறைவான வட்டி விகிதம், 15 வருட தவணைக்காலம், செயலாக்கக் கட்டணம் இல்லை, உடனடி கடன் வழங்கப்படும், ரூ.7.50 லட்சம் வரை வங்கிக்கடன் பெற்றுக்கொள்ளலாம்.
இணையத்தளத்தில் பதிவு
விண்ணப்பிக்க வேண்டிய இணையதள முகவரி : https://pmvidyalaxmi.co.in/StudentLogin.aspx என்ற இணையத்தளத்தில் பதிவு செய்து பயன்பெறுமாறு மாவட்ட ஆட்சியர் ஷேக் அப்துல் ரஹ்மான் தெரிவித்துள்ளார்.
முக்கியக் குறிப்புகள்
கடன் வாங்கும் முன், வட்டி விகிதங்கள், மறைமுகக் கட்டணங்கள் மற்றும் கடன் திருப்பிச் செலுத்தும் விதிமுறைகள் குறித்து தெளிவாகத் தெரிந்துகொள்ளுங்கள். பல வங்கிகளின் கல்விக் கடன் திட்டங்களை ஒப்பிட்டுப் பார்த்து, உங்களுக்குப் பொருத்தமான திட்டத்தைத் தேர்வு செய்யுங்கள். சரியான நேரத்தில் ஆவணங்களைச் சமர்ப்பித்து, விண்ணப்ப நடைமுறையை விரைவுபடுத்துங்கள். கல்விக் கடன் மூலம் உங்கள் உயர் கல்வி கனவுகளை நனவாக்கலாம்!
தலைப்பு செய்திகள்
ட்ரெண்டிங் செய்திகள்
