CBSE: தொடங்கியது சிபிஎஸ்இ 10, 12ஆம் வகுப்பு செய்முறைத் தேர்வுகள்; விதிமுறைகள் என்ன?

2022- 23ஆம் ஆண்டுக்கான சிபிஎஸ்இ 10, 12ஆம் வகுப்பு செய்முறைத் தேர்வுகள் இன்று (ஜனவரி 2ஆம் தேதி) தொடங்கி நடைபெற்று வருகின்றன.

சிபிஎஸ்இ | கோப்புப்படம்

2022- 23ஆம் ஆண்டுக்கான சிபிஎஸ்இ 10, 12ஆம் வகுப்பு செய்முறைத் தேர்வுகள் இன்று (ஜனவரி 2ஆம் தேதி) தொடங்கி நடைபெற்று வருகின்றன. செய்முறைத் தேர்வுகள், தேர்வு மதிப்பீடுகள் மற்றும் அக மதிப்பீடுகளை பிப்ரவரி 14ஆம் தேதிக்குள் நடத்தி முடிக்க வேண்டும் என்றும் தெரிவிக்கப்பட்டுள்ளது. 

கொரோனா பெருந்தொற்று காரணமாக சிபிஎஸ்இ வாரிய 2020ஆம் ஆண்டு பொதுத் தேர்வுகள் ரத்து செய்யப்பட்டு, மாணவர்களின் கடந்த கால செயல்திறன், காலாண்டு மற்றும் அரையாண்டு மதிப்பெண்களை அடிப்படையாகக் கொண்டு மதிப்பெண்கள் வழங்கப்பட்டன.

அதுபோன்ற எதிர்பாராத சூழல் மீண்டும் ஏற்படுவதைத் தவிர்க்கும் விதமாக, இரு பருவப் பொதுத் தேர்வு முறையை சிபிஎஸ்இ அறிவித்தது. புதிய தேர்வு முறையை மாணவர்கள் எளிதில் புரிந்துகொள்ளும் வகையில், மாதிரி கேள்வித் தாள்களும், மாற்றி அமைக்கப்பட்ட பாடத்திட்டமும் சிபிஎஸ்இ இணையதளத்தில் வெளியிடப்பட்டன. அந்த வகையில் தற்போது தேர்வுகள் நடைபெற்று வருகின்றன. 

இந்த நிலையில், 2022- 23ஆம் ஆண்டுக்கான சிபிஎஸ்இ 10, 12ஆம் வகுப்பு செய்முறைத் தேர்வுகள் இன்று தொடங்கி உள்ளன. செய்முறைத் தேர்வுகள், தேர்வு மதிப்பீடுகள் மற்றும் அக மதிப்பீடுகளை பிப்ரவரி 14ஆம் தேதிக்குள் நடத்தி முடிக்க வேண்டும் என்றும் தெரிவிக்கப்பட்டுள்ளது. ’

விதிமுறைகள் என்ன?

* கோவிட் விதிமுறைகளைப் பின்பற்றி, தேர்வுகள் நடத்தப்பட வேண்டும் என்று பள்ளிகளுக்கு அறிவுறுத்தப்பட்டுள்ளது. 
* மாணவர்களும் விதிமுறைகளைப் பின்பற்ற அறிவுறுத்தப்பட்டுள்ளன. 
* கூட்டம் கூடக்கூடாது. தனிமனித இடைவெளியைப் பின்பற்ற வேண்டும். 
* 15 நபர்கள் குழுக்களாகப் பிரிக்கப்பட்டு, தேர்வுகள் நடத்தப்பட வேண்டும். 
* விதிமீறலில் ஈடுபடும் மாணவர்கள் மீது கடும் நடவடிக்கை எடுக்க வேண்டும். 

அதேபோல, உரிய காலத்துக்குள் செய்முறைத் தேர்வுகளை நடத்தி முடிக்கப் பள்ளிகளுக்கு உத்தரவு பிறப்பிக்கப்பட்டுள்ளது. தேர்வுகளின்போது கடைப்பிடிக்க வேண்டிய வழிமுறைகளையும் சிபிஎஸ்இ வெளியிட்டுள்ளது.

விதிமுறைகளைக் காண: https://www.cbse.gov.in/cbsenew/documents//Practical_Guidelines_and_SOPs_For_all%20_Sessions_27122022.pdf

* மாணவர் செய்முறைத் தேர்வுகளுக்கு வராத பட்சத்தில், Absent என்று குறிப்பிட அறிவுறுத்தப்பட்டுள்ளது. 
* அதே நேரத்தில் மாணவர் எதாவது ஒரு காரணத்தால், குறிப்பிட்ட தேர்வன்று வராத சூழலில், Re-scheduled என்று குறிப்பிட அறிவுறுத்தப்பட்டுள்ளது. 
* Re-scheduled என்று குறிப்பிடப்பட்டுள்ள மாணவர்களுக்கு, சிபிஎஸ்இ வாரியம் கூறும் தேதியில் பள்ளிகள் மீண்டும் மறு தேர்வு நடத்தலாம் என்றும் தெரிவிக்கப்பட்டுள்ளது. 

பொதுத் தேர்வுகள் எப்போது?

இதன்படி, 12 ஆம் வகுப்புகளுக்கான தேர்வுகள் பிப்ரவரி 15ஆம் தேதி தொடங்கி ஏப்ரல் 5ம் தேதி முடிவடைகின்றன. அதேபோல 10 ஆம் வகுப்புகளுக்கான தேர்வுகள் பிப்ரவரி 15ம் தேதி தொடங்கி மார்ச் 21 அன்று முடிவடையும் என்று தெரிவிக்கப்பட்டுள்ளது. 

10, 12ஆம் வகுப்புக்கான தேர்வு காலை 10.30 மணிக்கு தொடங்கி மதியம் 12.30 மணி வரையிலும், சில தேர்வுகள் 1.30 மணி வரையிலும் நடைபெற உள்ளது என்றும் அறிவிக்கப்பட்டுள்ளது.